جۇڭگو اۋا رايى مەكەمەسى اۋىر اۋا رايى اپاتى نوسەرگە، كۇشتى كونۆەكسياعا توتەپ بەرۋدىڭ 3 - دارەجەلى شۇعىل ۇندەۋىن ىسكە قوستى

6 – ايدىڭ 15 – كۇنىنەن 17 – كۇنىنە دەيىن گۋاڭدۇڭنىڭ باسىم كوپ بولەگى، گۋاڭشيدىڭ باسىم كوپ بولەگى، فۋجياننىڭ ورتا - وڭتۇستىك بولەگى، جياڭشيدىڭ وڭتۇستىك بولەگى، سونداي - اق يۇنناننىڭ باتىس بولەگى مەن شىعىس بولەگى، سىچۋاننىڭ وڭتۇستىك بولەگى، گۇيجوۋدىڭ باتىس وڭتۇستىك بولەگى قاتارلى جەرلەردە قالىڭ جاڭبىر جاۋادى، ءىشىنارا جەرلەردە نوسەر جاۋادى، وڭتۇستىك جۇڭگو تەڭىز جاعالاۋى رايوندارىندا ەرەكشە نوسەر بولادى؛ ىشكى موڭعۇلدىڭ شىعىس بولەگى، شىعىس سولتۇستىك رايونى، سولتۇستىك جۇڭگو، حۋاڭحى، حۋايحى وزەنىنىڭ شىعىس بولەگى قاتارلى جەرلەردە وتكىنشى جاڭبىر نەمەسە ناجاعايلى وتكىنشى جاڭبىر كوپ جاۋادى، ءىشىنارا جەرلەردە قالىڭ جاڭبىر نەمەسە نوسەر جاۋادى، سونداي - اق قىسقا ۋاقىتتىق كۇشتى جاۋىن - شاشىن، ناجاعايلى بوران نەمەسە بۇرشاق سياقتى كۇشتى كونۆەكسيالىق اۋا رايى قوسانجارلايدى. ورتالىق اۋا رايى ستانسياسى نوسەردەن ساقتانۋدىڭ سارى ءتۇستى ساقتىق سيگنالىن، كۇشتى كونۆەكسيالىق اۋا رايىنان ساقتانۋدىڭ كوك ءتۇستى ساقتىق سيگنالىن جاريالادى. جان - جاقتى تۇجىرىم جاساۋ جانە شۇعىل جاعدايعا توتەپ بەرۋ جونىندە اقىلداسۋ ارقىلى جۇڭگو اۋا رايى مەكەمەسى اۋىر اۋا رايى اپاتىنىڭ (نوسەرلى جاڭبىر) 4 - دارەجەلى شۇعىل جاعدايعا توتەپ بەرۋ ۇندەۋىن (نوسەر، كۇشتى كونۆەكسيا) 3 - دارەجەلى شۇعىل جاعدايعا توتەپ بەرۋگە رەتتەدى.

كەلۋ قاينارى: حالىق تورابى