وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇلعالاندىرىپ ىلگەرىلەتەيىك

شينحۋا اگەنتتىگى، 6 - ايدىڭ 15 - كۇنى، بەيجيڭ. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «وقۋ - اعارتۋ، عىلىم - تەحنيكا دارىندىلارىنىڭ دامۋىن ءبىر تۇلعالاندىرىپ ىلگەرىلەتەيىك» اتتى ماڭىزدى ماقالاسى جاريالانادى.

بۇل _ باس شۋجي شي جينپيڭنىڭ 2012 - جىلى 12 - ايدان 2026 - جىلى 4 - ايعا دەيىنگى قاتىستى ماڭىزدى بايىمداۋلارىنىڭ قىسقارتىلعانى.

ماقالادا مىنالار باسا دارىپتەلدى: وقۋ - اعارتۋ، عىلىم - تەحنيكا، دارىندىلار − جاپپاي سوتسياليستىك وسىزاماندانعان مەملەكەت قۇرۋدىڭ نەگىزدىك، ستراتەگيالىق تىرەگى. وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلاردا قۋاتتى ەل قۇرۋدىڭ ىشكى بىرلىگى جانە ءوزارا تىرەكتىلىك سيپاتى بار. جۇيە كوزقاراسىن كۇشەيتىپ، وقۋ - اعارتۋدى الدىمەن دامىتۋعا، عىلىم - تەحنيكادا ءوز كۇشىنە سۇيەنۋگە، دارىندىلار ارقىلى دەم بەرۋگە تاباندى بولىپ، وقۋ - اعارتۋ، عىلىم - تەحنيكا، دارىندىلار ءتۇزىلىس، مەحانيزمىن ءبىر تۇلعالاندىرۋ رەفورماسىن ءبىر تۇتاس جوسپارلاپ ىلگەرىلەتىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، مەملەكەتتى دارىندىلارمەن قۇدىرەتتەندىرۋ ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ءونىمدى بىرلەستىرىپ، جوعارى ساپالى دامۋدى ىلگەرىلەتۋدىڭ ەسەلەپ ارتۋ اسەرىن قالىپتاستىرۋ كەرەك.

ماقالادا مىنالار اتاپ كورسەتىلدى: وقۋ - اعارتۋدىڭ عىلىم - تەحنيكاعا جانە دارىندىلارعا بولعان تىرەكتىك رولىن كۇشەيتۋ كەرەك. عىلىم - تەحنيكادا جاڭالىق جاراتۋ دارىندىلارعا سۇيەنەدى، دارىندىلاردى تاربيەلەۋ وقۋ - اعارتۋعا سۇيەنەدى. جوعارى دەڭگەيلى زەرتتەۋ تيپىندەگى داشۋەلەردىڭ مەملەكەتتىك نەگىزدىك زەرتتەۋدەگى نەگىزگى كۇش جانە كەلەلى عىلىم - تەحنيكالىق قامال الۋ وزەگى بولۋ رولىن كۇشەيتىپ، عىلىم - تەحنيكادا جاڭالىق اشۋ مەن دارىندىلاردى باۋلۋدىڭ ءوزارا تىرەك بولاتىن، پاندەردىڭ جوعارى ساپالى دامۋىنا جەتەكشىلىك ەتەتىن ءونىمدى مەحانيزمىن ورناتىپ، مەملەكەتتىڭ ستراتەگيالىق قاجەتىنەن كەلەلى عىلىم - تەحنيكالىق ماسەلەلەردى سۇرىپتاپ، جاسامپازدىق، توڭكەرىستىك عىلىم - تەحنيكادا جاڭالىق اشۋ جەتىستىكتەرىن ۇزدىكسىز جارىققا شىعارۋ كەرەك. جوعارى دارەجەلى وقۋ - اعارتۋدىڭ ورنالاسۋىن ساپالىلاندىرىپ، مەملەكەتتىڭ ۇزدىك دارىندىلاردى جەتىلدىرۋ جاڭا ۇلگىسىندە جاڭالىق جاراتۋ جاعىندا ىزدەنىس جاساۋ كەرەك. جوعارى مەكتەپتەردىڭ رەفورماسىن، دامۋىن تۇرگە ءبولىپ ىلگەرىلەتىپ، جوعارى مەكتەپتەردى تۇرلىشە سالادا، تۇرلىشە جارىس جولىندا باسىمدىقتارىن ساۋلەلەندىرۋگە، ەرەكشەلىگىن كورسەتۋگە جەتەكتەۋ كەرەك. كاسىپتىك وقۋ - اعارتۋدى، جوعارى دارەجەلى وقۋ - اعارتۋدى، جالعاستى وقۋ - اعارتۋدى ءبىر تۇتاس جوسپارلاپ، كاسىپتىك اعارتۋ مەن ادەتتەگى اعارتۋدى توعىستىرۋدى، ءوندىرىس پەن وقىتۋدى توعىستىرۋدى، عىلىم - تەحنيكا مەن وقۋ - اعارتۋدى توعىستىرۋدى ىلگەرىلەتىپ، جوعارى ساپالى تەحنيكالىق ونەرلى دارىندىلاردى، ءىرى ەل شەبەرلەرىن، ونەرپاز شەبەرلەردى ۇزدىكسىز جەتىلدىرۋ كەرەك. ساپا وقۋ - اعارتۋىن ىلگەرىلەتىپ، وقۋ -اعارتۋ تاسىلىندە جاڭالىق جاراتىپ، جاسامپاز دارىندىلاردىڭ ءوسىپ - جەتىلۋىنە پايدالى ادام تاربيەلەۋ ورتاسىن قۇلشىنا قالىپتاستىرۋ كەرەك.

ماقالادا مىنالار اتاپ كورسەتىلدى: جاپپاي جاڭالىق اشۋدى قولدايتىن ءتۇزىلىس، مەحانيزمدى ورناتىپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتۋ كەرەك. عىلىم - تەحنيكا − ءبىرىنشى وندىرگىش كۇش، ءبىرىنشى باسەكەلىك قۋات. پارتيا ورتالىق كوميتەتىنىڭ عىلىم - تەحنيكا قىزمەتىنە ءبىر تۇتاس باسشىلىق ەتۋ ءتۇزىلىسىن كەمەلدەندىرىپ، جاڭاشا مەملەكەتتىك ءتۇزىلىستى اقاۋسىزداندىرىپ، مەملەكەتتىڭ ستراتەگيالىق عىلىم - تەحنيكا كۇشىن نىعايتىپ، جاڭالىق اشۋ بايلىقتارىن ساپالى جايعاستىرىپ، ەرتەرەك دۇنيە جۇزىندەگى نەگىزگى عىلىم ورتالىعى جانە جاڭالىق اشۋ تۇعىرى بولۋعا كۇش سالۋ كەرەك. مەملەكەتتىڭ عىلمي زەرتتەۋ قۇرىلىمدارىن، جوعارى دەڭگەيلى زەرتتەۋ تيپىندەگى داشۋەلەردى، عىلىم - تەحنيكالىق جەتەكشى كاسىپورىنداردى تۇراقتاندىرۋدى جانە ورنالاستىرۋدى ساپالىلاندىرىپ، نەگىزدىك زەرتتەۋ سالاسىنداعى، الدىڭعى لەكتىك سالالارداعى، ءتۇيىندى سالالارداعى كورەگەندىكتى، جەتەكشىلىك ورنالاستىرۋدى كۇشەيتۋ كەرەك. ءتۇرلى جاڭالىق اشۋ تۇلعالارىنىڭ ومىرشەڭدىك كۇشىن تاسقىنداتىپ، دۇنيە ءجۇزى عىلىم - تەحنيكاسىنىڭ الدىڭعى لەگىن كوزدەپ، نەگىزدىك زەرتتەۋدى كۇشەيتۋ، العاشقى جاڭالىق اشۋ قابىلەتىن جوعارىلاتۋ جاعىنا ۇزدىكسىز كۇش سالۋ، شەشۋشى، وزىق تەحنيكالاردا قامال الۋدى مىقتى يگەرۋ كەرەك.

ماقالادا مىنالار اتاپ كورسەتىلدى: كولەمى زور، قۇرىلىمى ۇيلەسىمدى، ساپاسى تاماشا جاڭاشىل دارىندىلار قوسىنىن جەدەل باۋلۋ، جەتىلدىرۋ كەرەك. دارىندىلار _ ءبىرىنشى بايلىق، مەملەكەتتىڭ جالپىلىق قۋاتى باسەكەسى، سايىپ كەلگەندە، دارىندىلار باسەكەسى. دارىندىلاردى جەتىلدىرۋ مەن ەكونوميكالىق، قوعامدىق دامۋعا قاجەتتى ۇيلەسىمدى مەحانيزمدى كەمەلدەندىرىپ، دارىندىلاردى دەربەس جەتىلدىرۋدىڭ ساپاسىن، ونىمدىلىگىن جوعارىلاتۋ كەرەك. مەملەكەتتىڭ ستراتەگيالىق دارىندىلار قۋاتىن قۇرۋدى تەزدەتىپ، ءتۇرلى دارىندىلاردىڭ ساپاسىن جوعارىلاتۋ كەرەك. سەلبەسىپ ادام تاربيەلەۋ مەحانيزمىن ساپالىلاندىرىپ، عىلمي زەرتتەۋدىڭ ءبىرىنشى شەبىنەن دارىندىلاردى بايقاۋعا جانە جەتىلدىرۋگە ءمان بەرۋ كەرەك. ءتۇرلى دارىندىلار جوسپارىنىڭ نەگىزدىك زەرتتەۋ دارىندىلارىن قولداۋ تەبىنىن ارتتىرىپ، نەگىزدىك زەرتتەۋ دارىندىلارىن پارىقتى باعالاۋ جانە ۇزاق مەرزىمدىك قولداۋ مەحانيزمىن كەمەلدەندىرىپ، نەگىزدىك زەرتتەۋ دارىندىلار قوسىنىن ۇلعايتۋ كەرەك. ورنىقتى قولداۋ، ۇزاق مەرزىمدىك باعالاۋ ارقىلى جاس عىلىم - تەحنيكا دارىندىلارىنىڭ جەتىلۋىن، دامۋىن جەبەۋ كەرەك.

فاكتورلاردىڭ كىرىس بولىسىنە قاتىناسۋ مەحانيزمىن اقاۋسىزداندىرىپ، ءبىلىمنىڭ، تەحنيكانىڭ، دارىندىلاردىڭ بازار قۇنىن اناعۇرلىم ويداعىداي ايگىلەپ، جاڭالىق اشۋعا دەم بەرەتىن، ساتسىزدىككە كەشىرىممەن قارايتىن تاماشا اۋقىم قالىپتاستىرۋ كەرەك.