دۇنيە جۇزىلىك كليمات ۇيىمى بيىل ءتورتىنشى توقساندا ەل – نينو قۇبىلىسى تۋىلۋى ىقتيمال دەگەن بولجام جاسادى 

شينحۋا اگەنتتىگىنىڭ ءتىلشىسى ۋاڭ چيبيڭ 10 – ايدىڭ 8 – كۇنى جەنەۆادان حابارلايدى. دۇنيە جۇزىلىك كليمات ۇيىمى تورابىنىڭ 10 – ايدىڭ 8 – كۇنى حابارلاۋىنشا، مەجەمەن بيىل ءتورتىنشى توقساندا ەل – نينو قۇبىلىسى كۇشەيۋى مۇمكىن، بۇل دۇنيە ءجۇزىنىڭ كليمات فورماسىنا ىقپال جاسايدى ءارى دۇنيە جۇزىلىك ەكونوميكاعا، ەكولوگيالىق جۇيەگە جانە الەۋمەتتىك وڭىرگە ىقپال جاسايدى.

دۇنيە جۇزىلىك كليمات ۇيىمى سول كۇنى جاريالاعان ەڭ جاڭا ايلىق مالىمەت — «دۇنيە جۇزىلىك ماۋسىمدىق كليمات جونىندەگى ەڭ جاڭا حابارلاندىرۋدا» ايتىلۋىنشا، 10 – ايدان 12 – ايعا دەيىنگى ارالىقتا، ىستىق بەلدەۋدەگى تىنىق مۇحيتتىڭ ورتا جانە شىعىس بولىگىندەگى تەڭىز ايدىنىندا تەڭىز بەتىنىڭ تەمپەراتۋراسى تاريحتاعى رەكوردتىق دەڭگەيگە دەيىن جوعارىلايدى، بۇل ەل – نينو قۇبىلىسىنىڭ كۇشەيىپ كەلە جاتقانىن ءارى 12 - ايدا ەڭ جوعارى شەگىنە جەتەتىنىن كورسەتەدى. ونىڭ ىقپالىنا ۇشىرايتىندىقتان، دۇنيە ءجۇزىنىڭ كوپ ءبولىم وڭىرىندە تەمپەراتۋرا ورتاشا ورەدەن جوعارى بولۋى مۇمكىن، جاۋىن – شاشىن فورماسىندا دا وزگەرىس تۋىلىپ، ءىشىنارا وڭىرلەردە قۋاڭشىلىق نەمەسە تاسقىن اپاتى تۋىلۋنىڭ حاۋىپ – قاتەرى ارتۋى ىقتيمال.

دۇنيە جۇزىلىك كليمات ۇيىمىنىڭ باس حاتشىسى سەلەستە ساۋلونىڭ ايتۋىنشا، ەل – نينو قۇبلىسىنىڭ قالىپتاسقانى ءارى جەدەل كۇشەيىپ كەلە جاتقانى تۇراقتاندىرىلدى، دۇنيە جۇزىلىك كليمات ۇيىمى ەل – نينونىڭ 2027 – جىلى 2 – ايعا دەيىن جالعاسۋىنىڭ ىقتيمالدىعى %100 كە جۋىقتايدى ءارى كەمىندە 1950 – جىلدان بەرگى ەڭ كۇشتى ەل – نينو قۇبلىسىنا اينالۋى ىقتيمال دەپ مەجەلەۋدە.

كەلۋ قاينارى: حالىق تورابى