- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۇرەس وليمپيادا ويىندارى تىزىمىنەن قالدىرىلدى
كۇرەستى وليمپيادا ويىندارى تىزىمىنەن شىعارۋدىڭ سەبەبى: باۋراۋ قۋاتى تومەن، الەۋمەتتىك بايلانىسقا يكەمى جوق
2013.03.06 11:06 كەلۋ قاينارى : ءتاڭىرتاۋ تورابى
حالىقارالىق وليمپيادا كوميتەتىنىڭ اتقارۋ كوميتەتى تاريحتان بەرى كەلە جاتقان كۇرەستى 2020 - جىلعى وليمپيادا ويىندارى تىزىمىنەن شىعارۋدى ۇيعاردى، بۇل كۇرەس سالاسىنداعىلاردىڭ توبەسىنەن جاي تۇسىرگەندەي شەشىم بولدى، حالىقارالىق كۇرەس فەدەراتسياسىنىڭ ءوزى بۇل جونىندە بىرنەشە ساعاتتان كەيىن ارەڭ پىكىر ءبىلدىردى.
كۇرەس كوپكە ايگىلى تاريحى ەڭ ۇزاق سپورت ويىنى، ەجەلگى گرەتسيا وليمپيادا ويىندارىنىڭ ىشىندە كۇرەس بار. 1896 - جىلى كۋبەرتەن باس بولىپ وسى زامانعى وليمپيادا ويىندارىن وتكىزگەننەن بەرى جارىس تۇرلەرىنىڭ قاتارىنان كۇرەس قالماي كەلەدى(1900 - جىل بۇنىڭ سىرتىندا). 2004 - جىلى ايەلدەر كۇرەسى وليمپيادا ويىندارى تىزىمىنە كىردى، بىلتىرعى لوندون وليمپياداسىندا حالىقارالىق وليمپيادالىق كوميتەتتىڭ ءتوراعاسى روگگە ايەلدەردىڭ كۇرەسىن ناق مايداننان تاماشالاعان بولاتىن. وسىنداي جاعداي استىندا، كۇرەستى وليمپيادا ويىندارى تىزىمىنەن شىعارىپ تاستاۋ توبەدەن قويعانداي توسىن جاعداي بولدى. جان كۇيەرلەردى باۋراۋ قۋاتى تومەن، ساۋدا سيپاتىندىق اشۋ تەبىنى ءالسىز، دايىندىعى جەتكىلىكسىز، الەۋمەتتىك بايلانىسقا يكەمسىزدىگى كۇرەستىڭ قاتاردان قالۋىنىڭ نەگىزگى سەبەبى.
جان كۇيەرلەردى باۋراۋ قۋاتى تومەن
كۇرەس جارىستارىنىڭ جان كۇيەرلەردى وزىنە تارتۋ دەڭگەيى تومەن. ءوتىپ كەتكەن بىرنەشە رەتكى وليمپيادا ويىندارىن تاماشالاۋشىلاردىڭ سانى جانە بەلەتكە تاپسىرىس بەرۋ احۋالىنان قاراعاندا، ەڭ كوپ قارسى الۋعا يە بولعان جارىس تۇرلەرى باسكەتبول، گيمناستيكا، جەڭىل اتلەتيكا، مالتاۋ سياقتىلار. كۇرەستىڭ باۋراعىشتىعى ءوزى تەكتەس اۋىر اتلەتيكا تۇرلەرى زىلتەمىر كوتەرۋ، بوكس، تايكۆوندولاردان دا تومەن، سوعان ساي تەلەۆيزور تاراتىلىمىنان دا كورەرمەن ۇتا الماي وتىر.
ساۋدا سيپاتىندىق اشۋ تەبىنى ءالسىز. كۇرەس دۇنيە جۇزىندە كەڭىنەن جالپىلاسقان سپورت ءتۇرى، اسىرەسە، ا ق ش پەن كانادا سياقتى ەلدەردە كوڭىل اشۋ سيپاتى باسىم بولعاندىقتان، ەركىن كۇرەس قىزۋ قارسى الۋعا يە بولادى. ال حالىقارالىق كۇرەس فەدەراتسياسى زامان اۋقىمىنا ىلەسە المادى، جاقىنعى جىلداردان بەرى جارىس تۇرلەرىنىڭ كوڭىل اشۋ سيپاتى، كاسىبيلەندىرۋ جاعىنداعى جەتىستىكتەرى ماردىمسىز بولعانى ءۇشىن كورەمەندەردى تارتا الۋى قيىن. ۇستەل دوپتى مىسالعا الساق، ءبىر جىلدا وزىندە ونشاقتى باس جۇلدەگەرلىككە تالاسۋ جارىسىن وتكىزىپ، وزىنە تۇراقتى كورەرمەن قالىپتاستىرعاندىقتان، دەمەۋشىلەرى دە بەلسەندى. بۇل جاعىنان كۇرەس ۇستەل دوپتىڭ ماڭعاراسىن كورە المايدى.
الەۋمەتتىك بايلانىسقا يكەمسىز
حالىقارالىق كۇرەس فەدەراتسياسىن وڭدىرتپاي وتىرعان باستى سەبەپ دايىندىقتىڭ تولىق بولماۋى، كوپشىلىكپەن تۋرا بايلانىس ورناتا الماۋى. وسى رەتكى اتقارۋ كوميتەتىنىڭ ماجىلىسىنەن بۇرىن، جۇرت پىكىرى بەس سايىس، تايكۆوندو سياقتى سپورت تۇرلەرى قىل ۇستىندە دەگەنگە توقتاعان بولاتىن، بۇل تۇرلەرگە جاۋاپتى ۇيىمدار وليمپيادالىق ويىن قاتارىنان قالىپ قويماۋ ءۇشىن جارىس كەستەسىن رەفورمالاعانمەن قويماي، ماجىلىستەن بۇرىن الەۋمەتتىك بايلانىسقا بەلسەنە كىرىسىپ، جان - جاقتى ۇگىت - ءناسيحات جۇرگىزدى.
حالىقارالىق وليمپيادالىق كوميتەتىنىڭ ءتوراعاسى سامارانيچتىڭ ۇلى حالىقارالىق قازىرگى زامان بەس سايىس بىرلەستىگىنىڭ ورىنباسار ءتوراعاسى ەدى، ول ءوزىنىڭ ىقپالىن پايدالانىپ، ۇگىت - ءناسيحاتقا بەلسەندى كىرىستى دە، بەس سايىستى امان الىپ قالدى. ال حالىقارالىق كۇرەس فەدەراتسياسى بولسا الما پىس، اۋزىما ءتۇس دەگەندەي جىبىر ەتكەن دە جوق.
حالىقارالىق كۇرەس فەدەراتسياسى لوزاننانىڭ ماڭىندا، حالىقارالىق وليمپيادالىق كوميتەتىنە كورشى وتىر، جاعراپيالىق ورنى قازىرگى زامان بەس سايىس بىرلەستىگى (موناكو) مەن دۇنيە جۇزىلىك تايكۆوندو فەدەراتسياسىنا (وڭتۇستىك كورەيا سوننام) قاراعاندا ابزالدىلىققا يە. الايدا، حالىقارالىق كۇرەس فەدەراتسياسى وسى ابزالدىلىقتان يگىلىكتەنگەندى قويىپ، وزىنە زيان تيگىزىپ العانداي.
حالىقارالىق وليمپيادالىق كوميتەتتىڭ ءبىر ءمانساپتىسى: حالىقارالىق كۇرەس فەدەراتسياسى ءوزىنىڭ تاسىن تورتتەن قويىپ، ەشتەڭە ىستەمەسەك تە بولادى دەپ ويلادى، ناتيجەدە ۇلكەن ماسەلەگە ءدوپ كەلىپ قالدى، - دەدى.
نازاريالىق جاقتان قاراعاندا، كۇرەس قاتاردان قالىپ قويدى دەۋگە ءالى ەرتە، كەمىندە 2016 - جىلعى ريو - دە - جانە - يرو وليمپيادا ويىندارىنىڭ تىزىمىندە كۇرەس بار. سونىمەن بىرگە، كۇرەس باسقا 7 سپورت تۇرىمەن بىرگە 2020 - جىلعى وليمپيادا ويىندارىنىڭ زاپاس تۇرلەرىنىڭ قاتارىنا كىردى، حالىقارالىق وليمپيادالىق كوميتەتتىڭ اتقارۋ كوميتەتى بيىل مامىردا ولاردىڭ ىشىنەن بىرەۋىن 2020 - جىلعى وليمپيادا ويىن ءتۇرى ەتىپ بەكىتەدى. ءبىراق جاقىندا عانا تىزىمنەن شىعارىلىپ تاستالعان كۇرەسكە اتقارۋ كوميتەتىنىڭ بۇيرەگى بۇرىلۋى ەكىتالاي. اتقارۋ كوميتەتىنىڭ الىپ - قوسقان تۇرلەرى قىركۇيەكتە حالىقارالىق وليمپيادالىق كوميتەتىنىڭ جالپى ءماجىلىسىنىڭ بەكىتۋىنەن ءوتۋى ءتيىس. حالىقارالىق وليمپيادا كوميتەتىنىڭ مالىمدەمەشىسى ادامس اتقارۋ كوميتەتىنىڭ بەلەت تاستاۋ ناتيجەسى اقتىق شەشىم ەمەس ەكەندىگىن قايتالاي دارىپتەدى. «شينجياڭ گازەتى»
无标题 1
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
