جۇڭگو قۇراماسىنىڭ جەڭىلىسى ــ جەمىسى مە؟

2015.01.23 14:55   كەلۋ قاينارى : حالىق تورابى

　　حالىق تورابى، 23 – قاڭتار، بەيجيڭ. ازيا چەمپيوناتىنىڭ گرۋپپادان سارالاۋ جارىسىندا، جۇڭگو قۇراماسى ءۇش مايدان جارىستىڭ بارلىعىن جەڭىپ، ءوز گرۋپپاسىندا اعالاپ العا شىقتى. ايتا كەتۋگە تاتيتىنى بۇل جولعى قۇرامادان زور ءۇمىت كۇتپەگەن جاعدايدا، جۇڭگو قۇراماسى 14 جىل بويى وزبەكستان قۇراماسىن جەڭە الماۋ، 18 جىل بويى ساۋد ارابيا قۇراماسىن جەڭە الماۋ تاريحىن اياقتاتىپ، وزدەرىنىڭ جانكۇيەرلەرىنە وزگەشە ەلەس قالدىردى. ءبىراق دوپ دومالاق دەگەندەي، كەشەگى كۇنگى وتكەن ءتورت مىقتىنى سارالاۋ جارىسىندا، اۆستراليا قۇراماسىنا 2:0 ۇپايمەن ۇتتىرىپ، بۇل جولعى ازيا چەمپيوناتى ساپارىن اياقتاتتى.

　　جارىس وتە قىزعىندى بولدى، جارىسقا ەكى جاق قارسىلاسىن زەرتتەۋ تۇرعىسىندا دايىندالعانى جارىس باستالعان الدىڭعى ساتىنەن بايقاۋعا بولادى. قىسقاسى جۇڭگو قۇراماسى الدىڭعى ون نەشە مينۋتتا باپكەردىڭ ورنالاستىرۋى بويىنشا قارسىلاسىنا ازداپ قاتەر توندىرگەن بولدى. جارىس جالعاسا كەلە الدىڭعى جارىم مايداندا ەكى جاقتىڭ دا قارسىلاسىنىڭ قاقپاسىنا دوپ سالۋدان تالەيى بولمادى. جارىستىڭ ەڭ ءماندى ءساتى سوڭعى جارىم مايداندا بولدى، اۆستراليا قۇراماسى دەرلىكتەي وڭتايلى بولماعان ەكى رەتكى ورايدى مىقتى يگەرىپ، قارسىلاسىن قاپىدا قالدىردى. جارىستىڭ بۇكىل بارىسىنان، اۆستراليا قۇراماسىنىڭ تەحنيكاسى، يكەمدىلىگى جانە دەنە قۋاتى جۇڭگو قۇراماسىنان ۇستەم ەكەنى انىق بولدى.

　　جۇڭگو قۇراماسىنىڭ بۇل رەتكى ساپارى راسىندا جەڭىلسپەن اياقتادى ما؟ ازيا چەمپيوناتىنىڭ باستالعاننان قازىرگە دەيىنگى بۇكىل جارىستان الىپ ايتار بولساق، ولاي ەمەس ەكەنى بەلگىلى، سەبەبى جوعارىداعى ايتىلعانداي كوپ جىل بويى جالعاسىپ كەلە جاتقان كەلەڭسىز ناتيجەلەردى اياقتاتىپ، تىڭ ناتيجە جازدى. ەڭ ماڭىزدىسى بۇرىنعى جارىستارعا ۇقسامايتىنى، بۇل جولعى جارىستاردا جارىس الاڭىنداعى رۋحاني بەت – بەينەسى وزگەشە بولدى، جارىس بارىسىندا بارلىق مۇشەلەر ءوزىنىڭ شاماسى جەتكەنشە جان سالا قۇلشىندى، بۇل جولعى جارىستا ءوز سەنىمدەرىن كۇشەيتتى. جارىس بارىسىنداعى وزىنە دەگەن سەنىم، جارىس بارىسىنداعى جولىققان قينشىلىق جاعدايعا توزەتىن ەرىك- جىگەر فۋتبول دۇنيەسىندە كەم بولسا بولمايتىن نارسە. گەرمانيا قۇراماسىنىڭ نەشە جىلعى فۋتبول تاريحىنداعى مۇقالماس جىگەرى، توزىمدىلىگى، تىرىسشاڭدىلىعى ارقىلى كەشە عانا الەم چەمپيوناتىندا اعا جۇلدەگەر بولۋى وسىنىڭ دالەلى بولماق. ءبىز كورەرمەن رەتىندە جۇڭگو قۇراماسىنان رۋحاني جاقتاعى وسىنداي وزگەرىسىن الدىداعى جارىستاردا جالعاستىرا بەرسە ەكەن دەپ تىلەيمىز.

　　كەلۋ قاينارى: حالىق تورابى