ازيا چەمپيوناتىنىڭ باس جۇلدەسى جاپونيا قۇراماسىنا بۇيىرا ما؟

2015.01.23 15:20   كەلۋ قاينارى : حالىق تورابى

　　حالىق تورابى، 23 – قاڭتار، بەيجيڭ. جاپونيا قۇراماسى ازيا چەمپيوناتىنىڭ گرۋپپادان سارالاۋ جارىسىندا ءۇش مايدان جارىستىڭ بارىندە جەڭىپ، اعالاپ الدىعا شىقتى. ارينە، الەم چەمپيوناتىندا تالەيى جانباعانىمەن ازيا چەمپيوناتىندا قارىمىن كورسەتۋگە جاپونيا قۇراماسىنىڭ كۇشى ابدەن جەتەدى. جاپونيا قۇراماسىنداعى 23 مۇشەنىڭ 11ى شەتەلدىڭ جوعارى دارەجەلى بىرلەسپە جارىسىنداعى كلۋبتاردا ويىن كورسەتەدى، ءبىر ءبولىم مۇشەلەرى تەك قانا ويىن كورسەتىپ قالماستان، سول دارەجەدەگى بىرلەسپە جارىسىندا ءارقايسى تەحنيكالىق كورسەتكىش جاعىنان كوش باستاپ تۇرعان ءجايى دا بار. مىسالعا كاگاۋا، حوندا، ناگاتومو قاتارلى جۇلدىزدارى وزدەرى ويىن كورسەتەتىن كوماندالارىندا الدە قاشان وزدەرىن ايگىلەپ ۇلگىرگەن.

　　جاپونيا قۇراماسىنىڭ وسىنشاما كوپ فۋتبولشىلارىنىڭ شەتەلدىك كلۋبتاردا ويىن كورسەتۋ ورەسىنە جەتۋى تەككە بولا سالعان ەمەس. جاپونيادا فۋتبول باستاۋىش مەكتەپتەن باستاپ ۋنيۆەرسيتەتكە دەيىن ءسوزسىز وقىتۋعا ءتيىستى ماڭىزدى ساباق تۇرلەرىنىڭ ءبىرى، سونىمەن قاتار باستاۋىشتان ۋنيۆەرسيتەتكە دەيىن ءارقايسى دارەجەدە ۇقساماعان جارىس تۇرلەرى دە مول، بۇعان جاپونيا فۋتبول جانكۇيەرلەرى دە بارىنشا قىزىعۋشىلىق تانىتىپ وتىر.

　　بۇدان سىرت فۋتبول پاتشاسى اتانعان برازيليادان فۋتبول تۋرالى تاجىربيە الماستىرۋ سياقتى... برازيليا فۋتبولىن وزدەرىنە ۇلگى ەتكەلى تالاي جىلداردىڭ ءجۇزى بولدى. قىسقاسى جاپونيا فۋتبولدا ىرگە تاسىن مىقتاپ قالادى، وسى ۇرپاق فۋتبول ساحناسىنان شەگىنسە، جانە ءبىر ۇرپاقتىڭ ونىڭ ورنىن ۇزبەي تولىقتاپ تۇراتىن حالگە جەتىپ ۇلگىردى، بولاشاقتا ءتىپتى دە كوپ فۋتبول جۇلدىزدارىنىڭ شىعۋى تەك قانا ۋاقىت ماسەلەسى بولماق.

　　ال ەندى ازيا چەمپيوناتىنا قايتا ورالساق، جاپونيا قۇراماسىنىڭ مىعىم كۇشى قارسىلاسىن سەسكەندىرەر بولسا دا، ءبىراق دوپ دومالاق...جاسىل الاڭدا ءارقانداي جاعدايدىڭ بولۋى ابدەن مۇمكىن، فۋتبولدا سول قاسيەتىمەن دۇنيەدەگى جانكۇيەرى ەڭ كوپ سپورت تۇرلەرىنىڭ ءبىرى بولىپ وتىر. 2007 – جىلعى ازيا چەمپيوناتىنىڭ باس جۇلدەسى يراق قۇراماسى سوعىس الاپاتىنان كۇيزەلگەن حالىقتىڭ رۋحاني دۇنيەسىنە از دا بولسا جۇبانىش بولسىن دەپ جاسىل الاڭدا ايانباعان، مىنە بۇل فۋتبول الەمى وسىنداي قىزىقتار تولى، بابى كەلگەن جاپونيا قۇراماسى تاعى ءبىر رەت ازيا چەمپيوناتىنىڭ باس جۇلدەسىن ەنشىلەي مە، ال ەندى جاسىل الاڭداعى باعىنا قاراپ كورەلىك.

　　كەلۋ قاينارى: حالىق تورابى