حالىق تورابى، 14 – ناۋرىز، بەيجيڭ. 12 – ناۋرىز كۇنى، 2017 – جىلعى 13 – كەزەكتى مەملەكەتتىك سپورت جينالىسىنىڭ ايەلدەر فۋتبول كومانداسىنان U18 ىرىكتەۋ جارىسى چىڭدۋ قالاسىندا وتكىزىلدى. شينجياڭعا ۋاكىل بولىپ قاتىناسقان شينجياڭ دەنە تاربيە كاسىپتىك تەحنيكالىق ينستيتۋتىنىڭ U18 ايەلدەر فۋتبول كومانداسى 5:2 ۇپايمەن حۋبەي كومانداسىن ويسىراتا جەڭىپ، گرۋپپالىق جارىستىڭ تۇڭعىش رەتكى جەڭىسىنە قول جەتكىزدى.
ۇعىسۋعا قاراعاندا، بۇل رەتكى مەملەكەتتىك سپورت جينالىسى ايەلدەر فۋتبول كومانداسى U18 ىرىكتەۋ جارىسىندا، شينجياڭ، حۋبەي، بەيجيڭ، سىچۋان جانە جياڭشي كوماندالارى ءبىر گرۋپپاعا بولىنگەن، جارىس چىڭدۋ جارىس رايونىندا وتكىزىلەتىن بولىپ، گرۋپپالىق جارىستا ءبىرىنشى بولعانى قىركۇيەك ايىندا تيانجين قالاسىندا وتكىزىلەتىن مەملەكەتتىك سپورت جينالىسى ايەلدەر فۋتبول كومانداسىنىڭ شەشۋشى جارىس كەزەڭىنە توتە جولداما الادى، ەكىنشى بولعانى مامىر ايىندا قوسىمشا جارىسقا قاتىناسىپ، شەشۋشى جارىس كەزەڭىنە جولداما الۋعا باقتارىن سىنايدى.
كەلۋ قاينارى: حالىق تورابى