ۋىن جياباۋ شي جۇڭشۇنمەن ىستەس بولعان كەزدەگى كەشىرمەلەرىن ەسكە الدى

2013.10.17 13:46   كەلۋ قاينارى : حالىق تورابى

　　ورتالىق تەلەۆيزيا ستانسياسى 16 – قازان كەشتە شي جۇڭشۇن جونىندەگى ەستەلىك فيليمدى جالعاستى تاراتىپ، ۋىن جياباۋ (مەملەكەتتىك كەڭەستىڭ بۇرىنعى زۇڭليى، ج ك پ ورتالىق كوميتەتى ساياسي بيۋروسىنىڭ بۇرىنعى تۇراقتى مۇشەسى، كەزىندە ج ك پ ورتالىق كوميتەتى كەڭسەسىنىڭ مەڭگەرۋشىسى مىندەتىن اتقارعان) فيليمدە سۇحباتتى قابىلداپ، شي جۇڭشۇنمەن ىستەس بولعان كەزدەگى كەشىرمەلەرىن ەسكە الادى. ۋىن جيا باۋ بىلاي دەدى: شي جۇڭشۇن جولداستىڭ ءومىرى تار جول، تايعاق كەشۋلەرگە تولى بولدى، ول ادال دا كەڭ پەيىل، شىندىقتى ايتۋعا باتىل، اشىق – جارقىن ادام ەدى. ول ورتالىقتا بولسىن، جاس جانە قارت كادرلاردىڭ اراسىندا بولسىن، بارشانىڭ قۇرمەتىنە بولەندى. مەن ورتالىق كوميتەت كەڭسەسىنە اۋىسىپ كەلگەننەن كەيىن كوپ وتپەي، شي جۇڭشۇن جولداس ارناۋلى مەنى ىزدەپ كەلىپ اڭگىمەلەسكەنى ءالى ەسىمدە، ول مەيىرىمدى، جىلى شىرايلى، قاراپايىم ادام ەكەن، ونىڭ الدىندا مەن ەش قىسىلمادىم، ول ماعان پارتيا 11 – كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى لۋشيان، باعىت ، ساياساتتار وڭايلىقپەن قولعا كەلمەدى، ءبىز بۇعان اسا زور بوداۋ بەردىك، سوندىقتان ونى كوزىمىزدىڭ قاراشىعىنداي قاستەرلەپ، ودان ەش اۋىتقىماي، ونى باتىل جالعاستىرۋىمىز كەرەك دەدى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى