شي جينپيڭ موڭعۇليانىڭ مەملەكەتتىك پارلامەنتىندە ماڭىزدى ءسوز سويلەدى

2014.08.25 14:06   كەلۋ قاينارى : حالىق تورابى

　　مەملەكەت ءتوراعاسى شي جينپيڭ 22-تامىزدا موڭعۇليانىڭ مەملەكەتتىك پارلامەنتىندە «ءبىرى بىرىنە قول ۇشىن بەرىپ، جۇڭگو-موڭعۇليا قاتىناسىن دامىتۋدىڭ جاڭا ءداۋىرىن بىرگە جاراتايىق» دەگەن تاقىرىپتا ماڭىزدى ءسوز سويلەدى، سوزىندە: جۇڭگو مەن موڭعۇليانىڭ تاتۋ-ءتاتتى سەلبەستىگىن، جۇڭگونىڭ كورشى ەلدەرگە قاراتقان ديپلوماتياسىن، ازيا ەلدەرىمەن بولعان شىعىسۋ جولىن تىلگە تيەك ەتىپ، ءوزارا سيلاسۋ، ءوزارا سەنىمدى بولۋ، الاۋىزدىقتان اۋلاق بولىپ، ءبىرى بىرىنە قول ۇشىن بەرۋ، سەلبەسىپ، ورتاق يگىلىكتەنىپ، جۇڭگو مەن موڭعۇليا قاتىناسى دامۋىنداعى جاڭا ءداۋىردى بىرگە جاراتىپ، ازيانىڭ ورنىقتى، كوركەيىپ گۇلدەنۋىن ورتاق جەبەۋ كەرەك دەپ باسا دارىپتەدى.

　　تۇستەن بۇرىن ساعات 11 دە شي جينپيڭ موڭعۇليا زۇڭتۇڭى ەلبەگدەرجى، زۇڭليى التانحۋياگ، موڭعۇليا پارلامەنتىنىڭ ءتوراعاسى ىنحبولدىنىڭ سەرىك بولۋىندا مەملەكەت ورداسى پارلامەنت سارايىنا كىردى، بۇكىل زالداعىلار ورنىنان تۇرىپ، قارسى الدى.

　　شي جينپيڭ سوزىندە: جۇڭگو مەن موڭعۇليا تاتۋ-ءتاتتى، كورشى ەل، ءوز رايونىندا ماڭىزدى ەلدەر سانالادى. قازىر، جۇڭگو حالقى «ەكى ءجۇز جىلدىقتى» جۇزەگە اسىرۋ ءۇشىن قۇلشىنا كۇرەس جاساۋدا، موڭعۇليا حالقى دا مەملەكەت رەفورماسى مەن ەكونوميكالىق، قوعامدىق دامۋى ءۇشىن قۇلشىنۋدا. جۇڭگو مەن موڭعۇليا ەكى جاق ستراتەگيالىق دامۋدى ۇتىمدى تۇردە تۇيىلىستىرۋىنە، ورتاق دامىپ، ورتاق كوركەيىپ گۇلدەنۋدى جۇزەگە اسىرۋعا ابدەن بولادى. مەنىڭ بۇل جولى موڭعۇلياعا ساپارىمدا ەكى جاق بىردەي جۇڭگو مەن موڭعۇليا قاتىناسىن ستراتەگيالىق جان-جاقتىلى سەرىكتەستىك قاتىناس دەڭگەيىنە كوتەرۋدى ۇيعاردى، بۇل جۇڭگو مەن موڭعۇليا قاتىناسىنىڭ تاريحتاعى ەڭ جاقسى دامۋ كەزەڭىنە وتكەندىگىنىڭ بەلگىسى. ەكى جاق وسى ورايدان پايدالانىپ، جۇڭگو مەن موڭعۇليا قاتىناسىن ۇزدىكسىز جوعارى ساتىعا كوتەرۋدى ىلگەرىلەتۋى كەرەك دەپ اتاپ كورسەتتى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى