لي كىچياڭ راۋ زۇڭ – ي مىرزامەن كەزدەستى

2015.04.28 14:07   كەلۋ قاينارى : حالىق تورابى

　　شينحۋا تورابى، بەيجيڭ، 27 – ءساۋىر. مەملەكەتتىك كەڭەستىڭ زۇڭليى لي كىچياڭ ءساۋىردىڭ 27 – كۇنى تۇستەن كەيىن جۇڭنانحايداعى زىگۋاڭگى سارايىندا ورتالىق تاريح جانە ادەبيەت زەرتتەۋ سارايىنىڭ جاۋاپتى باسقارۋشىسى، شياڭگاڭ ۋنيۆەرسيتەتىنىڭ دەمالىسقا شىققان قۇرمەتتى پروفەسسورى راۋ زۇڭ – ي مىرزامەن كەزدەستى.

　　لي كىچياڭ راۋ زۇڭ – يدىڭ عاسىرلىق اسەمونەر كورمەسىن مەملەكەتتىك مۇراجايدا وتكىزگەنىنە قۇتتى بولسىن ايتىپ، راۋ زۇڭ – ي مىرزانىڭ ءجۇز جاسقا تاياعان تۇسىندا دا ەلدىڭ دامۋىنا ۇلەسىن قوسىپ، تىنباي ىزدەنىپ، جاسامپازدىق جاراتقانىن القاپ، ونىڭ شياڭگاڭ ەرەكشە اكىمشىلىك رايونىنىڭ ماقتانىشىنا اينالعانىن تىلگە تيەك ەتتى.

　　لي كىچياڭ مىنالاردى اتاپ كورسەتتى: وركەنيەت – ءبىر ۇلتتىڭ جان تامىرى جانە رۋحى. جۇڭحۋا مادەنيەتىنە مۇراگەرلىك ەتۋ جانە ونى وركەندەتۋ، جۇڭحۋا ۇلتتارىنىڭ رۋحاني اتا مەكەنىن ورتاق قۇرۋ – ەل ءىشى – سىرتىنداعى جۇڭحۋا پەرزەنتتەرىنىڭ ورتاق ارمانى. لي كىچياڭ راۋ زۇڭ – ي مىرزانىڭ ەلىمىزدىڭ وركەنيەت قۇرىلىسىنا تىنباي سۇبەلى ۇلەس قوسۋىن، شياڭگاڭ مەن ىشكەرى ولكەلەردىڭ، جۇڭگو مەن دۇنيەنىڭ ادامزات مادەنيەتى جاعىنداعى اۋىس – كۇيىسىنە تىڭ ۇلەس قوسۋىن ءۇمىت ەتتى.

　　كەلۋ قاينارى: حالىق تورابى