- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ليۋ يۇنشان جاس كادرلار مەن ايەل كادرلاردى، از ۇلت كادرلارىن، پارتيا سىرتىنداعى كادرلاردى تاربيەلەۋ، تاڭداپ مىندەتكە قويۋ اڭگىمە ماجىلىسىندە مىنانى باسا دارىپتەدى: ۇزاق ۋاقىت جۇيەلى تاربيەلەۋدە تاباندى بولىپ، ۇزدىكتەرىن تاڭداپ، ءبىر تۇتاس جوسپارلاپ سەپتەۋگە نازار اۋدارىپ، قۇرىلىمى ۇيلەسىمدى، ساپالى، تاڭداۋلى كادرلار قوسىنىن قالىپتاستىرۋعا قۇلشىنايىق
2015.10.27 14:05
جاس كادرلار مەن ايەل كادرلاردى، از ۇلت كادرلارىن، پارتيا سىرتىنداعى كادرلاردى تاربيەلەۋ، تاڭداپ مىندەتكە قويۋ اڭگىمە ءماجىلىسى قازاننىڭ 23 – كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋدىڭ شۋجيى ليۋ يۇنشان ماجىلىسكە قاتىناسىپ، ءسوز سويلەدى، ول بىلاي دەپ باسا دارىپتەدى: باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، جاقسى كادرلار ولشەمى مەن «ۇشتە قاتاڭ، ۇشتە شىنايى بولۋ» تالابىن مۇقيات تياناقتاندىرىپ، «ءتورتتى جاپپاي ورىنداۋ» ستراتەگيالىق ورنالاستىرۋىنا سايكەسە ىلگەرىلەپ، ۇزدىكتەرىن تاڭداپ، ءبىر تۇتاس جوسپارلاپ سەپتەپ، قاتاڭ باقىلاپ ـ باسقارىپ، قۇرىلىمى ۇيلەسىمدى، ساپالى، تاڭداۋلى كادرلار قوسىنىن قالىپتاستىرۋعا قۇلشىنۋ كەرەك.
ليۋ يۇنشان بىلاي دەپ اتاپ كورسەتتى: جاس كادرلار مەن ايەل كادرلار، از ۇلت كادرلارى، پارتيا سىرتىنداعى كادرلار تۇتاس كادرلار قوسىنىنىڭ ماڭىزدى قۇرامداس بولەگى، كادرلاردى باۋلۋ بارىسىن ساپالىلاندىرۋ كادرلار قوسىنىن ساپالى دامىتۋعا سايادى. يدەيا، ساياسي تاربيەنى ماڭىزدى ورىنعا قويۋ، ۇقساماعان تاربيەلەنۋ وبيەكتىلەرىنىڭ ەرەكشەلىگىن ۇشتاستىرۋ، مۇرات تانىمى تاربيەسىن، ساياسي ءتارتىپ، ساياسي قاعيدا تاربيەسى مەن بۇقارالىق لۋشيان تاربيەسىن باعىتتامالى تۇردە كۇشەيتۋ، كادرلاردى اناعۇرلىم ويداعىداي تامىر تارتىپ، نەگىز قالاۋعا جەتەلەۋ كەرەك. نەگىزگى ساتى ءبىرىنشى شەبىندە كادرلاردى تاربيەلەۋگە نازار اۋدارۋ، كادرلاردى قايشىلىعى كۇردەلى، مىندەتى اۋىر، قيىنشىلىعى باسىم قىزمەت ورىندارىنا جىبەرۋدى ءبىر تۇتاس جوسپارلاۋ، كۇردەلى سىناق ارقىلى كادرلار ساپاسىن جوعارىلاتۋ، قابىلەتىن ارتتىرۋ ءتيىس. قاجەتتى بۋىنداردا جانە بىرتە – بىرتە ىلگەرىلەي ءتۇسۋ ادىسىندە تاباندى بولۋ، ۇقساماعان جىك، ۇقساماعان قىزمەت ورنى، ۇقساماعان قىزمەت مىندەتىنە نازار اۋدارۋ، كادرلاردىڭ مىندەت مەرزىمى ءتۇزىمى جونىندەگى تالاپتى مۇقيات تياناقتاندىرۋ، كادرلاردى قىزمەتتى مۇقيات ىستەۋگە، ناقتى ناتيجە جاراتۋعا باستاپ، قىسقا مەرزىمدىك ونىمدىلىككە قول سوزۋدان ساقتاندىرۋ كەرەك.
ليۋ يۇنشان بىلاي دەپ اتاپ كوسەتتى: كادرلاردى تاڭداپ مىندەتكە قويۋ قىزمەتىن ويداعىداي ىستەۋدە ەڭ ماڭىزدىسى ماسەلە بەتالىسىندا تاباندى بولۋ، تەكسەرۋ ءادىسىن جاقسارتۋ، ادام تاڭداۋ، ادام ىستەتۋ مەحانيزمىن ۇزدىكسىز كەمەلدەندىرۋ ەسەپتەلەدى. پارتيا ۇيىمىنىڭ باسشىلىعى مەن مەڭگەرۋ رولىن كۇشەيتۋ، پارتكومنىڭ تۇلعالىق جاۋاپكەرلىگىن، ءتارتىپ تەكسەرۋ كوميتەتىنىڭ باقىلاۋ جاۋاپكەرلىگى مەن ۇيىمداستىرۋ تاراۋلارىنىڭ باقىلاۋ جاۋاپكەرلىگىن كۇشەيتۋ، ۇنەمىلىك سيپاتتى تالداۋ جاساۋ مەن كەسىم جاساۋدى كۇشەيتۋ، قايسى كادردىڭ تاڭداۋلى، قايسى كادردىڭ ناشار ەكەنىن، قايسى بۋىنىنىڭ ءالسىز ەكەنىن كورسەتە الۋ، كادرلاردى قالاي تاڭداۋدى، قايدا باۋلۋدى ايقىنداۋ كەرەك. ىستەرىمىزدىڭ دامۋ قاجەتىن شىعار ءتۇيىن ەتىپ كادر تاڭداۋ، قىزمەتكە قاراي ادام تاڭداۋ، ادام مەن قىزمەت ورىن سايكەسىمدى بولۋ، ءتۇرلى كادرلار بايلىعىن ويداعىداي ءبىر تۇتاس جوسپارلاۋ، قىزمەت ورىن جانە كادر سىندى ەكى فاكتوردى ويداعىداي سايكەستىرۋ، ۇيلەسىمدى كادرلاردى ۇيلەسىمدى قىزمەت ورنىنا قويۋ، كادرلاردىڭ سانىنا عانا ءمان بەرىپ، ساپاسىنا نەمقۇرايدى قاراۋدان اۋلاق بولۋ كەرەك. ءتۇرلى ارنالار، تۇرلىشە تۇرعى ارقىلى كادرلاردى پارىقتاۋ، ساياسي ساپاسى مەن پاكتىك جاعدايىن تەكسەرۋدى كورنەكتىلەندىرۋ، حالىق بۇقاراسىمەن ارالاسۋ ارقىلى كادرلاردى ءتۇسىنۋ، كادرلاردىڭ ءبىر مەزەتتىك بەينەسى مەن داعدىلى بەينەسىن ۇشتاستىرۋ، كادرلاردىڭ جەكەلىك قاتىستى ىستەرى جونىندەگى دوكلاد پەن ءارقايسى جاقتاعى اڭىس ەتىلگەن كورنەكتى ماسەلەلەردى مۇقيات تەكسەرۋ، ماسەلەسى بار كادرلاردى تاڭداپ مىندەتكە قويۋدان ساقتانۋ ءتيىس.
ليۋ يۇنشان بىلاي دەپ اتاپ كورسەتتى: ءار دارەجەلى پارتكومدار جاس كادرلار مەن ايەل كادرلاردى، از ۇلت كادرلارىن، پارتيا سىرتىنداعى كادرلاردى تاربيەلەۋ، تاڭداپ مىندەتكە قويۋ قىزمەتىن باسشىلىق القا مەن كادرلار قوسىنى قۇرىلىسىنىڭ ماڭىزدى بۋىنى رەتىندە جوسپارلاپ، پارتيا قۇرىلىسى نىسانالى جاۋاپكەرلىك تۇزىمىنە ەنگىزۋ، تاڭداپ مىندەتكە قويۋدى ويداعىداي يگەرۋمەن بىرگە، قاتاڭ باسقارۋ جانە باقىلاۋ كەرەك. پارتكوم شۋجيى باسشىلىق القانى يگەرۋ، قوسىندى باستاۋ جاۋاپكەرلىگىن شىنايى اتقارۋ، قىزمەتكە جەتەكشىلىك ەتۋدى كۇشەيتۋ، تاربيەلەۋ، تاڭداپ مىندەتكە قويۋ قىزمەتىندە جولىققان ماسەلەلەردى شەشۋگە كۇش سالۋ ءتيىس. پارتكومنىڭ ۇيىمداستىرۋ تاراۋلارى جەتەكشىلىك ەتۋ، قورىتىندىلاۋ، ءبىر تۇتاس جوسپارلاپ سايكەستىرۋ، قۋزاۋ، جەتەكشىلىك ەتۋ رولىن ويداعىداي اتقارۋ، تەڭ،ءادىل بولۋدا تاباندى بولۋ، ساياسات جانە ءتارتىپ بويىنشا ءىس ءبىتىرۋ، بىرلىكساپ، ۇلت ىستەرى كوميتەتى سياقتى تاراۋلارمەن جانە ايەلدەر بىرلەستىگى ۇيىمىمەن بايلانىس جاساۋدى كۇشەيتىپ، قىزمەتتى تياناقتاندىرۋدى بىرلىكتە ويداعىداي يگەرۋ كەرەك. (شينحۋا اگەنتتىگى)
كەلۋ قاينارى: ىلە گازەتى - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
