42 مىڭ سۋرەتتىڭ ىشىنەن سارالانىپ شىققان فوتو تۋىندىلار

2015.10.16 14:57   كەلۋ قاينارى : حالىق تورابى

　　حالىق تورابى، 15 – قازان، بەيجيڭ. انگليا «كۇندەلىك پوچتا گازەتىنىڭ» 14 – قازاندا حابارلاۋىنشا، كانادالىق فوتوشى دونگۋتوسكي تۇسىرگەن ەكى تۇلكىنىڭ سۋرەتى جابايى حايۋاناتتار فوتو جارىسىندا 42 مىڭ تۋىندىنىڭ ىشىنەن وزىپ شىعىپ، «مەملەكەت تاريحى مۇراجايى جىلدىق ەڭ تارتىمدى فوتو تۋىندى سيلىعىن» ەنشىلەگەن.

　　سۋرەت كانادانىڭ حۇدسون شىعاناعى ۋابۋسك مەملەكەتتىك باقشاسىنان تۇسىرىلگەن بولىپ، سۋرەتتە ءبىر تۇلكى سولتۇستىك ۇيەك تۇلكىسىنىڭ ولەكسەسىن تىستەپ بارا جاتقان كورىنىسى ەرەكشە كوزگە تۇسكەن. بۇل ەكى تۇلكى ءبىر مايدان قيانكەسكى شايقاستى باستان كەشىرگەن بولىپ، سوڭىندا قىزىل تۇلكى سولتۇستىك ۇيەك تۇلكىسىن تىستەپ ولتىرگەن. فوتوشى دونگۋتوسكي: «مەنىڭ تۋىندىمىنىڭ اتى «ەكى تۇلكىنىڭ اڭگىمەسى»، بۇل مەنىڭ تالاي جىلدان بەرگى تۇسىرگەن ەڭ تاماشا تۋىندىم »،-دەيدى. ول تاعى دا: قىزىل تۇلكى اسىلىندە سولتۇستىك ۇيەك تۇلكىسىن اۋلاي المايدى، ءبىراق ازىقتىق تاپشى، ناشار ورتادا مۇنداي ءىستىڭ تۋىلۋى دا قالىپتى،-دەيدى.

　　كەلۋ قاينارى: حالىق تورابى