ۆەتنامداعى ساپارىن اياقتاتىپ ۆەنتيانعا جەتتى
شي جينپيڭ لاوستاعى مەملەكەتتىك ساپارىن باستادى
2017.11.14 16:17 كەلۋ قاينارى : حالىق تورابى
«حالىق گازەتى»، 13 - قاراشا، ۆەنتيان (تىلشىلەر دۋ شاڭزى، ياڭ وۋ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 13 – قاراشادا ۆەنتيانعا جەتىپ، لاوس حالىق دەموكراتيالىق رەسپۋبليكاسىنداعى مەملەكەتتىك ساپارىن باستادى.
سول جەر ۋاقىتى بويىنشا تۇستەن كەيىن ساعات 3 تەن 5 مينۋت وتكەندە شي جينپيڭ وتىرعان ارناۋلى ۇشاق ۆەنتيانداعى ۋاتتاي حالىقارالىق اۋەجايىنا قوندى. شي جينپيڭ ۇشاق ەسىگىنەن شىققاندا، لاوس پارتيا ورتالىق كوميتەتى ساياسي بيۋروسىنىڭ مۇشەسى، ورتالىق شۋجيچۋىنىڭ ۇنەمىلىك ىستەرگە جاۋاپتى شۋجيى، مەملەكەتتىڭ ورىنباسار ءتوراعاسى پانكان، لاوس پارتيا ورتالىق كوميتەتى ساياسي بيۋروسىنىڭ مۇشەسى، ۆەنتيان قالالىق پارتكومنىڭ شۋجيى، قوسىمشا قالا باستىعى شين لافىڭ، لاوس پارتيا ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي سۇڭ ساي قاتارلىلار ىستىق ىقىلاسپەن قارسى الدى. لاوس بالالارى شي جينپيڭگە گۇل ۇسىندى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ تۇردى.
شي جينپيڭ اۋەجايدا جازباشا ءسوز سويەلپ، جۇڭگو پارتياسى، ۇكىمەتى جانە حالقى اتىنان باۋىرلاس لاوستىڭ پارتياسىنا، ۇكىمەتىنە جانە حالقىنا شىن ىقىلاسپەن سالەم جولداپ، ىزگى تىلەك ءبىلدىردى. شي جينپيڭ مىنالاردى دارىپتەدى: جۇڭگو مەن لاوس __ كوممۋنيستىك پارتيا باسشىلىعىنداعى سوتسياليستىك مەملەكەتتەر، اتى زاتىنا ساي تاتۋ كورشى، ابزال دوس، تاماشا جولداس، جاقسى سەرىكتەر. ديپلوماتيالىق قاتىناس ورناتقان 56 جىلدان بەرى ەكى جاقتىڭ ءداستۇرلى كورشىلىك دوستىعى حالىقاراداعى تولقىمالى جاعدايدىڭ سىنىنان ءوتىپ، جاڭارىپ وتىردى. ەكى ەلدىڭ جالپى بەتتىك ستراتەگيالىق ارىپتەستىك قاتىناسى ىشكەرىلەي دامىپ، ەكى ەلگە جانە ەكى ەل حالقىنا ناقتى پايدا جەتكىزىپ قانا قويماي، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن جەبەۋدە دە بەلسەندى ۇلەس قوستى. ساپار كەزىندە باس شۋجي بەنياڭ، مەملەكەت ءتوراعاسى قاتارلى لاوستىڭ پارتيا، مەملەكەت باسشىلارىمەن جانە لاوستىڭ ءارقايسى سالاسىنداعى قايراتكەرلەرمەن كەڭ كولەمدە ارالاسىپ، جۇڭگو، لاوس پارتيا، مەملەكەت قاتىناستارى جانە ورتاق كوڭىل ءبولىپ وتىرعان ماسەلەلەر جونىنەن ىشكەرىلەي پىكىر الماستىرامىن. ەكى جاقتىڭ بىرگە قۇلشىنۋىندا وسى رەتكى ساپارىمنىڭ جۇڭگو مەن لاوستىڭ جالپى بەتتىك ستراتەگيالىق ارىپتەستىك قاتىناسىن جاڭا ساتىعا كوتەرۋدى جەبەپ، ەكى ەل حالىقتارىنا ءتىپتى دە زور باقىت جاراتاتىنىنا سەنەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
