لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2017.11.23 15:54 كەلۋ قاينارى : حالىق تورابى
شينحۋا اگەنتتىگى، 22 – قاراشا، بەيجيڭ. مەملەكەتتىك كەڭەستىڭ زۇڭليى لي كىچياڭ 22 – قاراشادا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، مۇلىك ۇقىعىن زاڭ بويىنشا قورعاۋ قىزمەتىنەن بەرىلگەن دوكلادتى تىڭداپ، اناعۇرلىم ءونىمدى ءتۇزىم ارقىلى تۇرلىشە بازار نەگىزگى تۇلعاسىن بەرىك يرادا، مىعىم سەنىممەن ىلگەرىلەتۋدى؛ كاسىپورىندارعا ساياتىن تيجارات قىزمەت وتەۋ سيپاتىندىق اقى الۋدى ءتىپتى دە اداقتاپ جانە ارناعا ءتۇسىرىپ، كاسىپورىنداردىڭ اۋىرتپالىعىن ءۇرتىس جەڭىلدەتۋدى ۇيعاردى.
ءماجىلىس مىنالاردى اتاپ كورسەتتى: پارتيا 19 – قۇرىلتايىنىڭ رۋحىن دايەكتىلەندىرىپ، مۇلىك ۇقىعىن قورعاۋ ءتۇزىمىن كەمەلدەندىرۋ، تۇرلىشە مۇلىك ۇقىعىن زاڭ بويىنشا جاپپاي قورعاۋ وسىزاماندانعان ەكونوميكا جۇيەسىن قۇرۋدىڭ، سوتسياليستىك بازار ەكونوميكاسى ءتۇزىلىسىن كەمەلدەندىرۋدىڭ ماڭىزدى مازمۇنى بولىپ، بازار نەگىزگى تۇلعاسىنىڭ جاسامپازدىق جاراتۋ ومىرشەڭدىك كۇشى مەن قارجى قوسۋ تىلەگىن كۇشەيتۋگە، جاڭا قوزعاۋشى كۇشتەردى زورايتىپ جانە جەتىلدىرۋگە، قاقپانى ايقارا اشىپ، ەكونوميكانىڭ باياندى، اقاۋسىز دامۋىن ىلگەرىلەتۋگە پايدالى. بىرىنشىدەن، «ج ك پ ورتالىق كوميتەتىنىڭ، مەملەكەتتىك كەڭەستىڭ مۇلىك ۇقىعىن قورعاۋ ءتۇزىمىن كەمەلدەندىرۋ جانە مۇلىك ۇقىعىن زاڭ بويىنشا قورعاۋ جونىندەگى پىكىرىنىڭ» تالابىنا ساي، تۇرلىشە مۇلىك ۇقىعىن قورعاۋ شارالارى مىقتى يگەرىلىپ تياناقتاندىرىلۋى كەرەك. باعىنىشتى زاڭعا قايشى كەلەتىن، مۇلىك ۇقىعىن قورعاۋعا سالقىنى تيەتىن تۇرلىشە زاڭدىق قۇجاتتاردى تەز ارادا اداقتاۋ، وزگەرىس ەنگىزۋ جانە كۇشىنەن قالدىرۋىمىز ءتيىس. جالپىلىق مەنشىك جانە جالپىلىق مەنشىككە جاتپايتىن تۇزىمدەگى ەكونوميكالىق مۇلىك ۇقىعىن زاڭ بويىنشا تەپە – تەڭ قورعاپ، كاسىپورىنداردىڭ دەربەس تيجارات ۇقىعى مەن زاڭدى مال – مۇلىك مەنشىكتەنۋ ۇقىعىن قورعاۋدى كۇشەيتۋىمىز، اكىمشىلىكتى زاڭ بويىنشا ىلگەرىلەتىپ، قالاۋى بويىنشا، الباتى زاڭ اتقارۋدان قاتاڭ ساقتانۋىمىز كەرەك. ەكىنشىدەن، ۋاكىلدىك سيپاتى بار تيپتىك دەلولاردى مىقتى يگەرىپ، كاسىپورىن مەن بۇقاراعا كۇشتى اڭىس بەرگەن، شەشپەي سوزاقتاتىلعان دەلولاردان شوعىرلى قامال الىپ، مۇلىك ۇقىعىنا ساياتىن ناقاق، قاتە دەلولاردى تەكسەرۋ - تۇزەتۋ قىزمەتىنەن تەز ارادا قامال الۋدى جەبەۋىمىز، قاتەلىكتى تۇزەتىپ، بۇرىستى جونگە سالۋ ءىس جۇزىندىك ارەكەتى ارقىلى حالىقتىڭ سەنىمىنە يە بولۋىمىز، زاڭدىق كومەك كورسەتۋ تەبىنىن ارتتىرىپ، زاڭدى مۇلىك ۇقىعى سۇعاناقتىققا ۇشىراۋشىنىڭ زيانىن قايتارىپ الۋىنا جاردەم بەرۋىمىز كەرەك. ۇشىنشىدەن، ءبىلىم مەنشىك ۇقىعىنا قول سۇعۋدىڭ وزىندىك قۇنى تومەن، ۇقىقتى قورعاۋدىڭ وزىندىك قۇنى جوعارى بولۋ ماسەلەسىن كۇش سالا شەشىپ، «عالامتور +» دان پايدالانۋدى جەبەپ، قايناردى تەكتەۋ، ناقتى ۋاقىتتى ولشەۋ، توراپتا پارىقتاندىرۋ سىندى ادىستەر ارقىلى ءبىلىم مەنشىك ۇقىعىن قورعاۋدى كۇشەيتۋىمىز كەرەك. ۇقىققا سۇعاناقتىق ەتۋدى جازالاۋ سيپاتىنداعى ەرەجە – تۇزىمدەردى بەلگىلەۋدى جەدەلدەتىپ، ابزال كاسىپتەر شوعىرلانعان وڭىرلەردىڭ جاڭالىق جاراتۋ، ءبىلىم مەنشىك ۇقىعىن قورعاۋ مەحانيزمىن قۇرىپ، ۇقىق قورعاۋدىڭ يكەمدى، وزىندىك قۇنى تومەن ارناسىن كەڭەيتۋىمىز كەرەك. ءبىلىم مەنشىك ۇقىعىن جالپىلىق قورعاۋ رەفورماسىن تۇيىندە سىناق ەتۋدى توڭىرەكتەپ كوپ ءتۇرلى، ءار الۋان ۇلگىنى قاراستىرۋعا شابىتتاندىرىپ، ورتا، شاعىن كاسىپورىنداردىڭ ءبىلىم مەنشىك ۇقىعى ستراتەگياسىن جەبەۋ نىسانىن اتقارىپ، جالپىلىق ءبىلىم مەنشىك ۇقىعىنان پايدالانىپ جاڭالىق جاراتۋ ارقىلى دامۋدى جەبەۋ قۋاتىن جوعارىلاتۋىمىز كەرەك. توراپتان نارسە – كەرەك ساتىپ الۋ، يمپورت – ەكسپورت سىندى ءتۇيىندى سالالار مەن بۋىندارداعى ءبىلىم مەنشىك ۇقىعى زاڭ اتقارۋىن كۇشەيتىپ، قالا مەن اۋىلدارداعى جالعان – جارامسىز ونىمدەر شوعىرلاناتىن وڭىرلەردى جونگە سالۋ تەبىنىن ارتتىرۋىمىز كەرەك. ءبىلىم مەنشىك ۇقىعىنا سۇعاناقتىق جاساعان، جالعان – جارامسىز ونىمدەر دەلولارىن زاڭ بويىنشا قاتاڭ تەكسەرىپ انىقتاپ، زاڭعا قيعاشتىق ىستەۋشىنى ەڭسە كوتەرە المايتىنداي تۇرالاتىپ، تيجارات – ساۋدا ورتاسىن ءۇرتىس جاقسارتۋىمىز كەرەك. ۇكىمەت ىستەرىنىڭ سەنىمدىلىك قۇرىلىسىن كۇشەيتىپ، جەرگىلىكتى قورعانىمپازدىقتى باتىل الاستاۋىمىز، ۇكىمەتتى سەنىمنەن ايىرعانداردى جازالاۋ جانە تۇزەتۋ مەحانيزمىن كەمەلدەندىرىپ، ۇكىمەتكە سەنىم ارتا الماۋدان كەلىپ شىققان كاسىپورىنداردىڭ ءبىلىم مەنشىك ۇقىعى زيانىن زاڭ بويىنشا تولەپ، «جاڭا ءمانساپتىنىڭ وتكەندى قۋزاماۋىنان» ساقتانۋىمىز كەرەك. مۇلىك ۇقىعىن پارمەندى، ءونىمدى جولدارمەن قورعاپ، بازاردىڭ تۇلعالىق قارجىلاندىرۋ، يگىلىك جاراتۋ سەنىمىن كۇشەيتىپ، حالىق بۇقاراسى مەن كاسىپورىنشىلاردىڭ تابىس سەزىمىن، باقىت تۇيسىگىن، اماندىق تانىمىن جوعارىلاتۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
