شي جينپيڭنىڭ 2018 – جىلعى بو - اۋ ازيا تالقى مىنبەسىنە قاتىناسۋىنا نازار
3 ۇلكەن ءتۇيىن نازار اۋدارۋعا تاتيدى
2018.04.08 18:04 كەلۋ قاينارى : حالىق تورابى
ءبىر جىلدا ءبىر كەلەتىن «بو – اۋ ۋاقىتى» تاياپ قالدى، شي جينپيڭ شاقىرۋ بويىنشا تالقى مىنبەسى جىلدىق ءماجىلىسىنىڭ اشىلۋ سالتىنا قاتىناسادى ءارى ماڭىزدى ارقاۋ لەكسيا جاسايدى، ماجىلىسكە قاتىناسقان شەتەل باسشىلارىمەن، ۇكىمەت مانساپتىلارىمەن جانە حالىقارالىق ۇيىمداردىڭ جاۋاپتىلارىمەن كەزدەسەدى، تالقى مىنبەسىنىڭ القالارىمەن توپتىق كەزدەسەدى ءارى جۇڭگو - شەتەل كاسىپورىنشىلارىنىڭ ۋاكىلدەرىمەن اڭگىمە ءماجىلىسىن وتكىزەدى. بۇل __ وسى جىلدىڭ باسىنان بەرگى شي جينپيڭ قاتىناساتىن العاشقى كەلەلى داياشىلىق ديپلوماتيالىق قيمىل، بۇعان ەل ءىشى – سىرتى ايرىقشا نازار اۋدارىپ وتىر.
شي جينپيڭ كەزىندە بو – اۋ تالقى مىنبەسىنىڭ جىلدىق ماجىلىسىنە 3 رەت بارىپ قاتىناستى، 2010 -، 2013 -، 2015 – جىلدارداعى جىلدىق ماجىلىستەردە ماڭىزدى ءسوز سويلەدى. ول بو – اۋ تالقى مىنبەسىنە نەلىكتەن وسىنشاما ءمان بەرەدى؟ بيىلعى جىلدىق ماجىلىستە نازار اۋداراتىن قانداي تۇيىندەر بار؟ حالىق تورابىنىڭ تىلشىلەرى قاتىستى ماماندارعا وسى جونىندە تىلشىلىك ىستەدى.
ءبىرىنشى ءتۇيىن:
ىشكەرىلەي رەفورما جۇرگىزىپ، قاقپا اشۋعا ەڭ بەدەلدى تۇسىنىك جاسالادى
سىرتقى ىستەر مينيسترلىگى 3 - ساۋىردە اشقان جۇڭگولىق – شەتەلدىك تىلشىلەردى جاعدايدان حابارلاندىرۋ جيىنىندا مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترلىگىنىڭ مينيسترى ۋاڭ ي ءتوراعا شي جينپيڭنىڭ بو - اۋ ازيا تالقى مىنبەسىنىڭ 2018 - جىلعى جىلدىق ءماجىلىسىنىڭ اشىلۋ سالتىنا جانە قاتىستى قيمىلدارعا قاتىناسۋى جونىندە اڭگىمەلەگەندە وسى رەتكى جىلدىق ماجىلىستە ءبىرقىدىرۋ كورىنەۋ ءتۇيىن قوسىلعانىن ايتتى.
«رەفورما جۇرگىزىپ، قاقپا اشۋدىڭ جاڭا بولاشاعىن ايگىلەۋ» 5 ۇلكەن كورىنەۋ ءتۇيىننىڭ الدىنا قويىلدى.
ۋاڭ ي بىلاي دەدى: شي جينپيڭ جۇڭگونىڭ رەفورما جۇرگىزىپ، قاقپا اشۋداعى ۇلى تابىسى، ماڭىزدى تاجىريبە جانە تولعانىس، مۇنىڭ دۇنيە جۇزىلىك ءمانى جانە ىقپالى، سونداي – اق جاڭا تاريحي باستامادا جۇڭگونىڭ رەفورما جۇرگىزىپ، قاقپا اشۋدى قالاي ىشكەرىلەي جۇرگىزۋى جونىنەن ەڭ بەدەلدى تۇسىنىك جاسايدى، كوپشىلىك رەفورما جۇرگىزىپ، قاقپا اشۋ جونىندەگى ءبىرقىدىرۋ ماڭىزدى شارانى تىڭدايتىن بولادى. بو – اۋ تالقى مىنبەسىنىڭ 2013 – جىلعى جىلدىق ماجىلىسىندە شي جينپيڭ ارقاۋ لەكسيا جاساعاندا: «ءبىز رەفورما جۇرگىزىپ، قاقپا اشۋدان اۋىتقىمايمىز» دەگەن بولاتىن؛ بو – اۋ تالقى مىنبەسىنىڭ 2015 – جىلعى جىلدىق ماجىلىسىندە شي جينپيڭ: «رەفورما جۇرگىزىپ، قاقپا اشۋدى ءتىپتى دە بەرىك سەنىممەن ىشكەرىلەي جۇرگىزەمىز» دەگەندى تاعى قايتالاي دارىپتەدى. شي جينپيڭ سول جولى مىنانى ورتاعا قويدى: دۇنيە ءجۇزىنىڭ ەكونوميكاسىن جونگە سالۋ وزگەرىسىن بەلسەندىلىكپەن ىلگەرىلەتىپ، دۇنيە ءجۇزىنىڭ اشىق شارۋاشىلىق ءتۇزىلىسىن قورعاپ، دۇنيە ءجۇزى ەكونوميكاسىنىڭ قاتەرى مەن سايىسىنا بىرگە توتەپ بەرەمىز.
جۇڭگو حالىقارالىق ەكونوميكالىق اۋىس – كۇيىس ورتالىعى عىلمي كوميتەتىنىڭ القاسى ۋاڭ جۇن حالىق تورابى ءتىلشىسىنىڭ ارناۋلى تىلشىلىگىن قابىلداعاندا بىلاي دەدى: «بيىل __ رەفورما جۇرگىزىپ، قاقپا اشۋدىڭ 40 جىلدىعى، وسىنداي ۋاقىت مەزەتىندە دۇنيە جۇزىنە جۇڭگونىڭ قاقپا اشۋ بەكىمىن جاريالاۋدىڭ توتەنشە زور ءمانى بار».
ەكىنشى كورىنەۋ ءتۇيىن:
«تاعدىرلاس ورتاق تۇلعا وراسان زور نازاريالىق ومىرشەڭدىك قۋاتىن ايگىلەيدى»
بو – اۋ ازيا تالقى مىنبەسىنىڭ 2013 – جىلعى، 2015 - جىلعى جىلدىق ماجىلىستەرىندە شي جينپيڭ ازيا «تاعدىرلاس ورتاق تۇلعانى قۇرادى» دەيتىن نىسانانى ورتاعا قويدى ءارى مۇنى تەرەڭ، جان – جاقتى پايىمدادى. 2013 – جىلعى جىلدىق ماجىلىستە شي جينپيڭ «ازيا مەن دۇنيە ءجۇزىنىڭ كوركەم بولاشاعىن بىرگە جاراتايىق» دەگەن ارقاۋ لەكسياسىندا: «ءبىز جەر شارى سىندى قىستاقتا ءومىر ءسۇرىپ جاتىرمىز، تاعدىرلاس ورتاق تۇلعا تانىمىن بەرىك ورناتۋىمىز، ءداۋىردىڭ اعىمىنا سايكەسۋىمىز، دۇرىس باعىتتى يگەرۋىمىز، ءبىر جاعادان باس، ءبىر جەڭنەن قول شىعارىپ، ازيا مەن دۇنيە ءجۇزىنىڭ دامۋىن ۇزدىكسىز تىڭ ساتىعا كوتەرۋىمىز كەرەك» دەپ اتاپ كورسەتتى. 2015 – جىلعى بو - اۋ ازيا تالقى مىنبەسىندە شي جينپيڭ تاعدىرلاس ورتاق تۇلعاعا قادام تاستاۋدا «تورتتە تاباندى بولۋدى» پايىمدادى.
بو - اۋ ازيا تالقى مىنبەسىن زەرتتەۋ ورنىنىڭ اتقارۋشى ورىنباسار باستىعى ياڭ شييۇي حالىق تورابى ءتىلشىسىنىڭ تىلشىلىگىن قابىلداعاندا بىلاي دەدى: ءتوراعا شي جينپيڭنىڭ اشىلۋ سالتىنا قاتىناسۋى جانە ماڭىزدى ارقاۋ لەكسيا جاساۋى __ دۇنيە ءجۇزىنىڭ دامۋىنا «جۇڭگونىڭ اقىل – پاراساتىن» قوسقاندىق، سونداي – اق حالىقارالىق قوعامنىڭ كۇدىگىنە جاۋاپ قايتارعاندىق، بۇل جۇڭگونىڭ ازياداعى ەلدەرمەن سەلبەستىگىن تياناقتاندىرۋىن، بىرگە گۇلدەنۋىن، بىرگە دامۋىن تىكەلەي ىلگەرىلەتەدى.
ۋاڭ جۇن بىلاي دەدى: اڭساپ وتىرعانىمىزداي، وسى رەكتى تالقى مىنبەسىنىڭ جىلدىق ماجىلىسىندە ءتوراعا شي جينپيڭ ازيانىڭ جانە ادامزاتتىڭ تاعدىرلاس ورتاق تۇلعاسىن قۇرۋ، ازيا مەن دۇنيە ءجۇزىنىڭ كوركەم بولاشاعىن جاراتۋ جونىنەن جۇڭگونىڭ ءۇنىن اڭعارتىپ، جۇڭگونىڭ مايدانىن تۇسىندىرەدى.
ءۇشىنشى كورىنەۋ ءتۇيىن:
«بو – اۋ ازيا تالقى مىنبەسى سەلبەستىك جاساپ، بىرگە يگىلىككە كەنەلۋ تەكشەسىن ورناتادى»
بو – اۋ ازيا تالقى مىنبەسىنىڭ 2018 – جىلعى جىلدىق ءماجىلىسى __ ەلىمىزدىڭ بيىلعى 4 ۇلكەن داياشىلىق ديپلوماتيا قيمىلىنىڭ باستاماسى. ۋاڭ ي حابارلاندىرۋ ماجىلىسىندە بىلاي دەدى: بۇل __ ءتوراعا شي جينپيڭنىڭ مەملەكەت ءتوراعاسى رەتىندە بو – اۋ ازيا تالقى مىنبەسىنىڭ جىلدىق ماجىلىسىنە 3 – رەت قاتىناسۋى، بۇل ءتوراعا شي جينپيڭنىڭ ءوزىنىڭ جانە جۇڭگو ۇكىمەتىنىڭ تالقى مىنبەسىنە ايرىقشا ءمان بەرەتىنىن جانە ونى زور كۇشپەن قولدايتىنىن تولىق بەينەلەدى. ءتوراعا شي جينپيڭ بو – اۋ تالقى مىنبەسىنە نەلىكتەن وسىنشاما ءمان بەرەدى؟
ياڭ شييۇي بىلاي دەدى: مۇندا ەكى سەبەپ بار، ءبىرى، بو – اۋ ازيا تالقى مىنبەسى اۋەلدەن ەرەكشە وزگەشە رولىن ساۋلەلەندىرىپ كەلەدى، جۇڭگونىڭ رەفورمانى ىشكەرىلەي جۇرگىزۋ، قاقپانى ايقارا اشۋ بەكىمىن ۇعىندىرۋدا، الدا جۇڭگونىڭ ءۇنىن دۇنيە جۇزىنە جەتكىزەدى؛ ەندى ءبىر جاعىنان، وتكەن نەشە ون جىلدا جۇڭگونىڭ دامۋى ازيانىڭ دامۋىمەن قادامداس بولدى، بىرگە دامۋ جولىندا ورتاق اۋىس – كۇيىس تەكشەسىن قۇرۋ قاجەت بولادى. تاياۋ جىلداردان بەرى حالىقارالىق جاعدايدا جانە دۇنيە ءجۇزى ەكونوميكاسىندا قات – قابات وزگەرىس تۋىلدى. تالقى مىنبەسىنىڭ اشىلۋى ازياعا ءتىپتى دە كوپ ۇنامدى پىكىر توپتاپ، ەكونوميكانىڭ عالامدانا دامۋىنا ءتىپتى دە كوپ وڭ قۋات بەرەدى.
شي جينپيڭنىڭ بو – اۋ ازيا تالقى مىنبەسىنە شاقىرۋ بويىنشا قاتىناسۋى شەتەلدىڭ كوپتەگەن باسشىسى مەن ۇكىمەت باسشىسىنىڭ قاتىناسۋىنا تۇرتكى بولدى. ياڭ شييۇي بىلاي دەدى: شەتەل باسشىلارى بو – اۋ ازيا تالقى مىنبەسىنە قاتىناسسا، ەكى جاقتان ءتيىمدى، ءبىرى، جۇڭگونىڭ ەڭ جوعارى جىگىنىڭ ماڭىزدى ساياسات ينفورماتسياسىن ەڭ تەز، ەڭ تىكە قابىلدايدى؛ ەكىنشىك، ەكى جاق كوڭىل ءبولىپ وتىرعان حالىقارالىق ماسەلەلەر جونىنەن بەتپە – بەت پىكىر الماستىرۋعا ءتيىمدى. بو – اۋ ازيا تالقى مىنبەسى جۇڭگونىڭ دۇنيە جۇزىنە بەت الۋىن جەبەيتىن، دۇنيە ءجۇزىنىڭ جۇڭگوعا بەت الۋىنا وراي جاراتاتىن ماڭىزدى ارناعا اينالدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
