بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ورتالىقتىڭ قورشاعان ورتانى قورعاۋ ىستەرىن باقىلاۋشى گرۋپپاسى «قايىرىلىپ قاداعالادى»

تىڭعىلىقتى تۇردە رەتكە سالىپ، «ءبارىن ءبىر شىبىقپەن ايداۋعا» تيىم سالۋ كەرەك

2018.05.29 13:51     كەلۋ قاينارى : حالىق تورابى

  حالىق گازەتى ، 28 – مامىر، بەيجيڭ (كوۋ جياڭزى) ءتىلشىنىڭ 28 – مامىردا ەكولوگيالىق ورتا مينيسترلىگىنەن ۇعىسۋىنشا، ورتالىقتىڭ قورشاعان ورتانى قورعاۋ ىستەرىن باقىلاۋشى گرۋپپاسى جۋىردا حىبەي، ىشكى موڭعۇل سىندى ون ولكەگە (اۆتونوميالى رايون) ورنالاسىپ، « قايىرىلىپ قاداعالاۋ» قىزمەتىن ورىستەتىپ، الدىڭعى رەتكى باقىلاۋدان سوڭ رەتكە سالۋى پارمەندى بولماعان ماسەلەلەردى، ەكولوگيالىق ورتانى وڭالتۋ جاعىنداعى فورماشىلدىق ماسەلەلەرىن بارىنشا قاداعالايدى، بايقالعان ءاربىر ماسەلەنى انىقتاپ، ءبىر جاقتىلى ەتىپ، ونى استە ىرقىنا قويابەرمەيدى. ءىشىنارا جەرلەردىڭ باقىلاۋشى گرۋپپاسى ورنالاسقان مەزگىلدە، اق – قاراسىن ايىرماستان، قۇرىلىستى، جۇمىستى، ءوندىرىستى شوعىرلى تۇردە توقتاتۋ شاراسىن اتقارۋىنان ساقتانۋ ءۇشىن، ەكولوگيالىق ورتا مينيسترلىگى ارناۋلى زەرتتەۋ جۇرگىزىپ، «قورشاعان ورتانى قورعاۋ جاعىندا ‹ءبارىن ءبىر شىبىقپەن ايداۋعا› تيىم سالۋ قىزمەتى جونىندەگى پىكىردى» جاريالادى.


  «پىكىردە» مىنالار اتاپ كورسەتىلگەن: باقىلاۋشى گرۋپپاسى ورنالاسقان مەزگىلدە، قاداعالاۋعا الىنعان جەرلەر رەتكە سالۋ قىزمەتىندە اتقارۋ مۇمكىندىگى بار جوبا جاساپ، زاڭ – تۇزىمگە تاباندى بولىپ، سايكەستى ساياساتتاردى كۇشەيتىپ، ءبىرتۇتاس ىلگەرىلەتۋگە ءمان بەرىپ، «ءبارىن جابۋ جانە توقتاتۋ»، «توقتاتا تۇرىپ، ءىستىڭ سوڭىن كۇتۋ» سىندى ات ءۇستى ىستەۋ ارەكەتتەرىنە قاتاڭ تيىم سالۋى؛ قۇرىلىستى، جۇمىستى، ءوندىرىستى شوعىرلى تۇردە توقتاتۋ سىندى قارا ءدۇرسىن ارەكەتتەردەن قاتاڭ ساقتانۋ كەرەك.


  «پىكىردە» مىنالار انىق كورسەتىلگەن: ينجەنەريا قۇرىلىسى، تۇرمىستىق قىزمەت وتەۋ كاسىبى، باعىمشىلىق كاسىبى، جەرگىلىكتى ەرەكشەلىككە يە كاسىپتەر، ونەركاسىپ باقشاسى جانە كاسىپورىندار؛ قۇم، شاعىل، كەن الۋ سالاسى، قالانى باسقارۋ تاراۋلارى سىندى قورشاعان ورتانى قورعاۋ جاعىندا «ءبارىن ءبىر شىبىقپەن ايداۋ» ارەكەتى وڭاي تۋىلاتىن كاسىپتەر مەن سالالاردا، ءبىر جاعىنان ، باقىلاپ، ءبىر جاعىنان ، رەتكە سالۋ بارىسىندا مۇقيات زەرتتەپ، ءبىرتۇتاس ىلگەرىلەتىپ، تۇرگە ءبولىپ ساياسات جۇرگىزۋ كەرەك. رەسميەتتەرى زاڭعا سيىمدى ءارى قورشاعان ورتانى قورعاۋ تالاپتارىنا تولىمدى بولعان ورىندارعا قۇرىلىستى، جۇمىستى، ءوندىرىستى شوعىرلى تۇردە توقتاتۋداي رەتكە سالۋ شاراسىن اتقارۋعا بولمايدى؛ زاڭدى رەسميەتتەرى بار، ايتسەدە قورشاعان ورتانى قورعاۋ تالاپتارىنا ساي كەلمەيتىن ورىندارعا، ناقتى ماسەلەگە نەگىزدەلە وتىرىپ، باعىتتامالى تۇردە رەتكە سالۋ شاراسىن اتقارۋ كەرەك؛ زاڭدى رەسميەتتەرى جوق، ونىڭ ۇستىنە قورشاعان ورتانى قورعاۋ تالاپتارىنا ساي كەلمەيتىن ورىنداردى زاڭ بويىنشا قاتاڭ رەتكە سالۋ كەرەك، وتە – موتە، «بىتىراڭقى، رەتسىز، لاس» كاسىپورىندارعا ءوندىرىستى توقتاتىپ رەتتەۋ جۇرگىزۋ قاجەت بولسا، وندا باتىل تۇردە ءوندىرىستى توقتاتىپ رەتكە سالۋ كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار