شي جينپيڭ جياڭشيدە قىزمەت تەكسەرگەندە ءارى ورتا بولەك رايوندارىنىڭ گۇلدەنۋىن ىلگەرىلەتۋ قىزمەتى جونىندەگى اڭگىمە ءماجىلىسىن باسقارىپ اشقاندا مىنانى دارىپتەدى
جاڭا دامۋ ۇستانىمىن دايەكتىلەندىرىپ، ساپالى دامۋدى ىلگەرىلەتىپ، ورتا بولەك رايوندارىنىڭ ەڭسە كوتەرۋىندە جاڭا جاعداي جاراتۋعا قۇلشىنۋ كەرەك
2019.05.23 14:39 كەلۋ قاينارى : حالىق تورابى
«حالىق گازەتى»، 5 – ايدىڭ 22 – كۇنى، نانچاڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 20 - مامىردان 22 - مامىرعا دەيىن جياڭشيدە قىزمەت تەكسەرىپ، ورتا بولەك رايوندارىنىڭ ەڭسە كوتەرۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورماعا اناعۇرلىم زور كۇش سالىپ، جاڭالىق جاراتۋ ارقىلى دامۋعا دەم بەرۋ ستراتەگياسىن اتقارۋعا، ستراتەگيالىق جاڭادان گۇلدەنگەن كاسىپتەردى دامىتۋعا اناعۇرلىم زور كۇش سالىپ، مەملەكەت ستراتەگياسىمەن بەلسەندى، ىرىقتى توعىسىپ، ساپالى دامۋدى ىلگەرىلەتىپ، ورتا بولەكتەگى وڭىرلەردىڭ جالپىلىق قۋاتى مەن باسەكەلىك قۋاتىن ۇزدىكسىز كۇشەيتىپ، ورتا بولەكتەگى وڭىرلەردىڭ ەڭسە كوتەرۋىندە جاڭا جاعداي جاراتۋعا قۇلشىنۋ كەرەك.
جاز باسىندا گانجياڭ وزەنىنىڭ ەكى جاعالاۋى جاسىل جەلەك جامىلىپ، ماساتىداي قۇلپىرىپ تۇر. 5 - ايدىڭ 20 - كۇنى شي جينپيڭ جياڭشي ولكەلىك پارتكومنىڭ شۋجيى ليۋ چيدىڭ، ولكە باستىعى ي ليانحۇڭنىڭ سەرىك بولۋىندا گانجوۋ قالاسىنىڭ كاسىپورىن، اۋىل - قىستاق، توڭكەرىستىك ەسكەرتكىش سارايىنا بارىپ، ەكونوميكالىق، قوعامدىق دامۋ جونىندە تەكسەرۋ - زەرتتەۋ جۇرگىزىپ، توڭكەرىستىك بايىرعى رايونداردىڭ كەدەيلىكتەن ارىلتۋدان قامال الۋ جانە ورتا بولەكتەگى رايونداردىڭ ەڭسە كوتەرۋىن ىلگەرىلەتۋ قىزمەتىنىڭ اياق الىسىن ۇعىستى.
5 – ايدىڭ 20 - كۇنى تۇستە شي جينپيڭ ۇشاققا وتىرىپ گانجوۋعا بارىپ، الدىمەن جياڭشي جينلي يۇڭجيڭ عىلىم - تەحنيكا شەكتى جارنا سەرىكتەستىگىن كوزدەن كەشىردى. كاسىپورىن كورمە زالىندا شي جينپيڭ كاسىپورىننىڭ ءوندىرىس - تيجاراتى مەن گانجوۋ سيرەك كەزدەسەتىن جەر مەتال ونىمدەر كاسىىبىنىڭ دامۋ جاعدايى جونىندەگى تانىستىرۋدى مۇقيات تىڭداپ، ەلىمىزدىڭ سيرەك كەزدەسەتىن جەر مەتال ونىمدەرى بايلىعىنىڭ ورنالاسۋ جاعدايىن، اشۋ تەحنيكاسىن، قولدانۋ جاعدايىن، سونداي - اق ءوندىرىس - مانەرلەۋ بارىسىندا قولدانعان ورتانى قورعاۋ شارالارىن ەگجەي - تەگجەيلى ۇعىستى. ءوندىرىس سەحىندا شي جينپيڭ قوراپتاۋ اۆتوماتتى تەكسەرۋ جەلىسى، جوعارى يقۋاتتى ورتەۋ پەشى سياقتى جابدىقتاردىڭ ءوندىرىس، اينالىم جاعدايىن مۇقيات تەكسەرىپ، ناق مايدانداعى جۇمىسشىلارمەن ىقىلاسپەن اڭگىمەلەستى. شي جينپيڭ كاسىپورىنداردىڭ عىلمي زەرتتەۋ ۇسىنىلىمىن ارتتىرۋ، عىلىم - تەحنيكادا جاڭالىق جاراتۋعا كۇش سالۋ، ەكولوگيانى قالپىنا كەلتىرۋگە ءمان بەرۋ ادىستەرىن تۇراقتاندىردى. ول مىنالاردى دارىپتەدى: تەحنيكادا جاڭالىق جاراتۋ − كاسىپورىننىڭ جان تامىرى. دەربەس ءبىلىم مەنشىك ۇقىعى مەن وزەكتى تەحنيكاعا يە بولعاندا عانا، وزەكتى باسەكەلىك قۋاتقا يە ونىمدەردى وندىرۋگە، قيان - كەسكى باسەكەدە جەڭىمپاز ورىنعا كوتەرىلۋگە بولادى. تەحنيكادا جاڭالىق جاراتۋ سىندى ستراتەگيالىق نەگىزدى مىقتى يگەرىپ، ءتىپتى دە كوپ شەشۋشى، وزەكتى تەحنيكانى يگەرىپ، كاسىپ سالاسىنىڭ دامۋ بيىگىن يەلەۋ كەرەك. سيرەك كەزدەسەتىن جەر مەتال ونىمدەرى − ماڭىزدى ستراتەگيالىق بايلىق ءارى قايتا تۋىندامايتىن بايلىق. عىلىم - تەحنيكادا جاڭالىق جاراتۋ قىزمەتىنىڭ تەبىنىن ارتتىرىپ، اشۋ، پايدالانۋ تەحنيكالىق ورەسىن ۇزدىكسىز جوعارىلاتىپ، كاسىپ تىزبەگىن ۇزارتىپ، قوسىمشا قۇندى جوعارىلاتىپ، نىسان ورتاسىن قورعاۋدى كۇشەيتىپ، جاسىل دامۋدى، باياندى دامۋدى جۇزەگە اسىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
