پارتيا ورتالىق كوميتەتى ۇگىت ءبولىمى، مەملەكەتتىك باس جۇمىسشىلار ۇيىمى بىرگە 2020 – جىلعى «ەڭ سۇيىكتى جۇمىسشى – قىزمەتكەرلەردىڭ» تاڭداۋلى ىزگى ىستەرىن جاريالادى

2020.11.25 15:12   كەلۋ قاينارى : حالىق تورابى

　　شينحۋا اگەنتتىگىنىڭ تىلشىلەرى فان شي، ليۋ شياسۇندەر 11 – ايدىڭ 24 – كۇنى بەيجيڭنەن حابارلايدى. پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ، باس شۋجي شي جينپيڭنىڭ جۇمىسشىلار تابى جانە جۇمىسشىلار ۇيىمى قىزمەتى جونىندەگى ماڭىزدى بايانداۋلارىن مۇقيات تياناقتاندىرۋ، ەڭبەك ەرلەرىرۋحىن، ەڭبەكشىلدىك رۋحتى، شەبەرلەر رۋحىن كۇش سالا ساۋلەلەندىرۋ، قالىڭ جۇمىسشى – قىزمەتكەرلەردى ىنتىماقتاستىرا وتىرىپ، «14 – بەسجىلدىق» جوسپارداعى نىسانالىق مىندەتتەردى جانە 2035 – جىلعا دەيىنگى بولاشاقتىق نىسانانى ورىنداۋ جولىندا اقىل – پاراساتى مەن كۇش – قۋاتى ارقىلى ۇلەس قوسۋعا جۇمىلدىرۋ ءۇشىن، مەملەكەتتىك ەڭبەك ەرلەرى جانە وزات قىزمەتكەرلەردى ماداقتاۋ – سيلاۋ ءماجىلىسى اشىلۋ بايلانىسىمەن، پارتيا ورتالىق كوميتەتى ۇگىت ءبولىمى، مەملەكەتتىك باس جۇمىسشىلار ۇيىمى بۇكىل قوعامعا 2020 – جىلعى «ەڭ سۇيىكتى جۇمىسشى – قىزمەتكەرلەردىڭ» تاڭداۋلى ىزگى ىستەرىن اشىق جاريالادى.

　　سۇن زىجوۋ، باي يۇيجين، ليۋ لي، ۋاڭ شۋچۇن، ليۋ شۋاڭيان، حۋ حۇڭۋەي، شيۇڭ گۇيلين، پان سۇڭميڭ، جاۋ شينلۋ، پاشاگۇل كەرىم قاتارلى 10 ادام 2020 – جىلعى جاڭادان سايلانعان مەملەكەتتىك ەڭبەك ەرلەرى جانە وزات قىزمەتكەرلەر. ولار جىل بويى نەگىزگى ساتىداعى ءبىرىنشى شەپتە كۇرەس جاسادى، كەيبىرەۋى اي شارى جانە تەرەڭ كەڭىستىكتى بارلاۋ سالاسىندا زەرتتەۋ جۇرگىزدى جانە ينجەنەريالىق اماليات ىستەرىنە كۇش سالدى؛ كەيبىرەۋى «مەن بىلعانىشقا ارالاسسام دا، مىڭداعان وتباسى باقىتتى بولسىن» دەگەن تانىممەن سۋمەن قامداۋ – سۋ ىعىستىرۋ قىزمەتىنە ءۇن – ءتۇنسىز ۇلەس قوستى؛ كەيبىرەۋى ءوندىرىستىڭ ءبىرىنشى شەبىندەگى مۇناي سالاسىنداعى مامان؛ كەيبىرەۋى «شىنجوۋ»، «تيانگۇڭ»، «تيانجوۋ» ۇشۋ اسپاپتارىن كەڭىستىكتە ءتۇيىستىرۋ مىندەتىن ءساتتى ورىنداۋعا كۇش قوستى. كەيبىرەۋى اۋىل – قىستاقتارعا ىرىقتىلىقپەن تامىر تارتىپ، كەدەيلىكتەن ارىلتۋدان قامال الۋ شەشۋشى شايقاسىنا اتسالىستى؛ كەيبىرەۋى ىندەتكە ءدوپ كەلگەندە مۇلدە تايساقتاماي، لەيشىنشان، حوشىنشان ەمحانالارىنىڭ ەلەكتر قولدانۋ حاۋىپسىزدىگىن قامتاماسىزداندىردى؛ كەيبىرەۋى جاپا – ماشاقاتتان تايسالماي، ىندەت كەزىندە شەتكەرى، شالعاي اۋىل – قىستاقتارداعى «مەيىربان پوچتا جولىن» تۇتاستىردى؛ كەيبىرەۋى قاجىرلىلىپەن بەرىلە زەرتتەۋ جاساپ، قورىتپا «جاراقسىز قوقىمدارىنان» سيرەك كەزدەسەتىن، قىمبات باعالى مەتالداردى الدى؛ كەيبىرەۋى جورعا بوكەندى قورعاۋ، ەكولوگيالىق وركەنيەتتى قورعاۋ سىندى قاستەرلى بورىشتى ارقالادى؛ كەيبىرەۋى اۋىلداستارىن بىرگە اۋقاتتانۋعا جەتەلەدى ... ولار ءوز كاسىپتەرىن تياناق ەتىپ، ءوز قىزمەت ورىندارىن ءسۇيىپ، كاسىپتەرىن قاستەرلەپ، قيىن ماسەلەلەردەن قامال الىپ، قاراپايىم قىزمەت ورىندارىندا تاڭعاجايىپ ناتيجە جاراتتى، قۇلشىنۋ ارقىلى ءبىلىمدى، شەبەر، جاسامپاز ەڭبەكشىلەر بولىپ جەتىلدى، بۇكىل قوعامدا ەڭبەك ەڭ داڭقتى، ەڭبەڭ ەڭ وسكەلەڭ، ەڭبەك ەڭ ۇلى، ەڭبەك ەڭ ساۋلەتتى دەيتىن داۋىرلىك نەگىزگى اۋەن قالىپتاستىرىپ، جۇڭگو جۇمىسشىلار تابىنىڭ داۋىرلىك كەلبەتىن ايگىلەدى، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋگە، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ جەڭىسىنە قول جەتكىزۋگە قۋاتتى وڭ ەنەرگيا توپتاپ، بۇكىل قوعامدا ەڭبەك ەرلەرىن قادىرلەيتىن، ەڭبەك ەرلەرىنەن ۇيرەنەتىن، ەڭبەك ەرى بولۋعا تالپىناتىن جاقسى راي قالىپتاستىردى.

　　تاراتۋ سالتى ورتالىق راديو – تەلەۆيزيا باس ستانسياسىندا وتكىزىلدى، ناق مايداندا «ەڭ سۇيىكتى جۇمىسشى – قىزمەتكەرلەردىڭ» تاڭداۋلى ىزگى ىستەرى باياندالعان قىسقا كەسكىن قويىلدى، ۇقساماعان جاقتاردان جۇرگىزىلگەن سۇحبات ارقىلى ولاردىڭ قىزمەت جانە تۇرمىس بارىسىنداعى تۇسىنىكتەرى اڭگىمەلەنگەن. پارتيا ورتالىق كوميتەتى ۇگىت بولىمىندەگى، مەملەكەتتىك باس جۇمىسشىلار ۇيىمىنداعى جاۋاپتى جولداستار ولارعا «ەڭ سۇيىكتى جۇمىسشى – قىزمەتكەرلەر» كۋالىگىن تاراتتى.

　　كەلۋ قاينارى: حالىق تورابى