شي جينپيڭ 20 ەل توبى باسشىلارىنىڭ 15 - رەتكى باس قوسۋىنىڭ 2 - كەزەڭدەگى ماجىلىسىنە قاتىناستى
2020.11.23 16:20 كەلۋ قاينارى : حالىق تورابى
 |
11 - ايدىڭ 22 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن 20 ەل توبى باسشىلارىنىڭ 15 - رەتكى باس قوسۋىنىڭ 2 - كەزەڭدەگى ماجىلىسىنە قاتىناسىپ، باياندى دامۋ ماسەلەسى جونىندەگى كوزقاراسىن ءتۇيىندى تۇردە باياندادى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
|
■ سيىسىمدى، باياندى، بەيىمدەلگىش بولاشاق جاراتىپ، دۇنيە ءجۇزىنىڭ كەدەيلىكتى ازايتۋ ءىسىن ۇزدىكسىز ىلگەرىلەتۋ توتەنشە ماڭىزدى. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىندا ءبىز ءارقانداي كەزدەگىدەن دە ناقتى شارالار قولدانۋعا ءتيىسپىز. ءبىرىنشى، دامۋدى الدىڭعى ورىنعا قويۋ ۇستانىمىندا تاباندى بولۋ كەرەك. ەكىنشى، جاپپاي تەڭگەرۋ ساياساتى مەن شارالارىن قولدانۋ كەرەك. ءۇشىنشى، تاماشا حالىقارالىق ەكونوميكالىق ورتا جاراتۋ كەرەك
■ جۇڭگو مۇلدەم كەدەيلىكتى جويۋ نىساناسىن 10 جىل بۇرىن جۇزەگە اسىرۋ الدىندا تۇر. رەفورما جاساپ، ەسىك اشقان 40 نەشە جىلدان بەرى جۇڭگودا 700 ميلليوننان استام ادام كەدەيلىكتەن ارىلىپ، جۇڭگونىڭ دۇنيە ءجۇزىنىڭ كەدەيلىكتى ازايتۋىنا قوسقان ۇلەسى %70 تەن استى. جۇڭگو ءار ەلمەن بىرگە كۇش بىرىكتىرىپ، كەدەيلىكتەن الىستايتىن، بىرگە داميتىن كوركەم دۇنيە ءجۇزىن قۇرۋدى قالايدى
شينحۋا اگەنتتىگى، 11 - ايدىڭ 22 - كۇنى، بەيجيڭ. 11 - ايدىڭ 22 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن 20 ەل توبى باسشىلارىنىڭ 15 - رەتكى باس قوسۋىنىڭ 2 - كەزەڭدەگى ماجىلىسىنە قاتىناسىپ، باياندى دامۋ ماسەلەسى جونىندەگى كوزقاراسىن ءتۇيىندى تۇردە باياندادى.
شي جينپيڭ مىنالاردى اتاپ كورسەتتى: سيىسىمدى، باياندى، بەيىمدەلگىش بولاشاق جاراتىپ، دۇنيە ءجۇزىنىڭ كەدەيلىكتى ازايتۋ ءىسىن ۇزدىكسىز ىلگەرىلەتۋ توتەنشە ماڭىزدى. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىندا ءبىز ءارقانداي كەزدەگىدەن دە ناقتى شارالار قولدانۋعا ءتيىسپىز.
ءبىرىنشى، دامۋدى الدىڭعى ورىنعا قويۋ ۇستانىمىندا تاباندى بولۋ كەرەك. ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋدى جەتەكشى ەتىپ، دامۋ سەلبەستىگىن كۇشەيتىپ، وڭتۇستىك پەن سولتۇستىكتىڭ دامۋ پارقىن ازايتۋ كەرەك.
ەكىنشى، جاپپاي تەڭگەرۋ ساياساتى مەن شارالارىن قولدانۋ كەرەك. دالمە - ءدال شارا قولدانىپ، ىندەت سەبەبىنەن كەدەيلەنۋگە، قايتا كەدەيلەنۋگە توتەپ بەرۋ كەرەك. ءبىر جاعىنان، قارىز كەشەۋىلدەتىپ الۋ دارىپتەمەسىن تياناقتاندىرىپ، تاعى ءبىر جاعىنان، دامۋ ۇستىندەگى ەلدەرگە قاجەتتى قارجى قۇراۋ جاعىنان ۇزدىكسىز قولداۋ كورسەتىپ، نەگىزدىك قۇرىلعىلار مەن بايلانىستىرۋ – تۇتاستىرۋ قۇرىلىسىن ىلگەرىلەتۋ كەرەك.
ءۇشىنشى، تاماشا حالىقارالىق ەكونوميكالىق ورتا جاراتۋ كەرەك. كەدەن باجىسى مەن بەي كەدەن باجىسى جاعىنداعى كەدەرگىنى جەڭىلدەتىپ، ساۋدا ارقىلى كەدەيلىكتى ازايتىپ، دامۋدى جەبەپ، دامۋ ۇستىندەگى ەلدەردىڭ دۇنيە جۇزىندەگى ءىرى بازارلارمەن اناعۇرلىم ويداعىداي توعىسۋىنا كومەكتەسۋ كەرەك. سيفردىڭ كەدەيلەردى ازايتۋ رولىن ساۋلەلەندىرىپ، ورتا، شاعىن كاسىپورىنداردى، ايەلدەر، جاستار سياقتى ءالسىز قاۋىمدى كەدەيلىكتەن ارىلىپ، اۋقاتتانۋ جاعىنان اناعۇرلىم كوپ ورايمەن قامداۋ كەرەك.
شي جينپيڭ مىنالاردى دارىپتەدى: جۇڭگو مۇلدەم كەدەيلىكتى جويۋ نىساناسىن 10 جىل بۇرىن جۇزەگە اسىرۋ الدىندا تۇر. رەفورما جاساپ، ەسىك اشقان 40 نەشە جىلدان بەرى جۇڭگودا 700 ميلليوننان استام ادام كەدەيلىكتەن ارىلىپ، جۇڭگونىڭ دۇنيە ءجۇزىنىڭ كەدەيلىكتى ازايتۋىنا قوسقان ۇلەسى %70 تەن استى. جۇڭگو ءار ەلمەن بىرگە كۇش بىرىكتىرىپ، كەدەيلىكتەن الىستايتىن، بىرگە داميتىن كوركەم دۇنيە ءجۇزىن قۇرۋدى قالايدى.
جيىنعا قاتىناسقان باسشىلار مىنالاردى ءبىلدىردى: 20 ەل توبى دامۋ ۇستىندەگى ەلدەردىڭ ىندەتتى جەڭۋىن قولداپ، ەكونوميكانىڭ قالپىنا كەلۋى مەن ارتۋىن ىلگەرىلەتىپ، سيفرلىق الشاقتىقتى باسەيتىپ، كەدەيلىكتى جويىپ، ايەلدەر مەن جاستارعا وقۋ - اعارتۋ جانە جۇمىسقا ورنالاسۋ جاقتارىنان ءتىپتى دە كوپ وراي بەرىپ، 2030 - جىلعا دەيىنگى باياندى دامۋ كۇن ءتارتىبىن تياناقتاندىرىپ، سيىسىمدى دامۋدى جۇزەگە اسىرۋى كەرەك. كومىرتەگىنىڭ شىعارىلۋىن ازايتىپ، جاسىل، تومەن كومىرتەكتى دامۋدى جەبەپ، كليمات وزگەرىسى مەن ەكولوگيالىق ورتانىڭ ناشارلاۋى سياقتى دۇنيە جۇزىلىك سايىستارعا تىزە قوسا توتەپ بەرۋى كەرەك.
باس قوسۋدا «20 ەل توبى باسشىلارى رياد باس قوسۋىنىڭ جارناماسىن» ماقۇلدادى.
ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ قاتارلىلار ماجىلىسكە قاتىناستى.
كەلۋ قاينارى: حالىق تورابى
 |
11 - ايدىڭ 22 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن 20 ەل توبى باسشىلارىنىڭ 15 - رەتكى باس قوسۋىنىڭ 2 - كەزەڭدەگى ماجىلىسىنە قاتىناسىپ، باياندى دامۋ ماسەلەسى جونىندەگى كوزقاراسىن ءتۇيىندى تۇردە باياندادى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
