- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەڭ جوعارى حالىق پروكۋراتۋرا مەكەمەسى مەن اۆتونوميالى رايوندىق پارتكوم بىرلەسىپ، اتاق بەرۋ، ماداقتاۋ - سيلاۋ جينالىسىن وتكىزدى
جاڭ بياۋعا «مەملەكەتتىك وزات پروكۋرور»، «اۆتونومالى رايوندىق تاڭداۋلى كوممۋنيست» اتاعى بەرىلدى
جاڭ چۇنشيان، ساۋ جيانمين جينالىسقا قاتىناستى جانە ءسوز سويلەدى
2013.12.10 09:26 كەلۋ قاينارى : شينجياڭ گازەتى
فىڭ جين 6 - جەلتوقساندا ۇرىمجىدەن حابارلايدى. ەڭ جوعارى حالىق پروكۋراتۋرا مەكەمەسى مەن اۆتونوميالى رايوندىق پارتكوم 6 - جەلتوقساندا ۇرىمجىدە اتاق بەرۋ، ماداقتاۋ - سيلاۋ جينالىسىن وتكىزىپ، شىحىزى قالالىق پروكۋراتۋرا مەكەمەسى تۇرمە پروكۋراتۋرا كەڭسەسىنىڭ زەينەتكە شىققان پروكۋرورى جاڭ بياۋ جولداسقا «مەملەكەتتىك وزات پروكۋرور»، «اۆتونوميالى رايوندىق تاڭداۋلى كوممۋنيست» داڭقتى اتاعىن بەردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، ەڭ جوعارى حالىق پروكۋراتۋراسىنىڭ باس پروكۋرورى ساۋ جيانمين جينالىسقا قاتىناستى جانە ءسوز سويلەدى.
جاڭ بياۋ جولداس پروكۋرورلىق قىزمەتپەن شۇعىلدانعان 30 نەشە جىلدان بەرى نەگىزگى ساتىعا تامىر تارتىپ، قىزمەت مىندەتىن ادال وتەپ، زاڭدى ءادىل اتقارىپ، حالىقتىڭ قامىن ويلاپ، قاراپايىم قىزمەت ورنىندا كەسەك ناتيجە جاراتتى. تۇرمە پروكۋراتۋرا قىزمەتىمەن اينالىسقان 10 جىلدا قاداعالاي تەكسەرىپ، 7681 ادامنىڭ جازاسىن جەڭىلدەتتى جانە شارتتى بوساتتى، بىردە - ءبىر رەت اعاتتىق جىبەرمەدى، ءوزىنىڭ ۇستىنەن بىردە - ءبىر رەت عايبات ايتىلمادى، سوتتى، تۇرمەنى، جازاسىن وتەۋشىلەردى تۇگەل ءدان ريزا ەتتى. 5 جىل قاجىماي - تالماي تەكتەپ - تەكسەرۋ ارقىلى باسقىنشىلىق جاساپ، ادام ءولتىردى دەپ قاتە ۇكىم شىعارىلعان ءبىر ناقاق دەلونى زاڭ بويىنشا تۇزەتتى. سونىمەن مەملەكەت بويىنشا ەڭ ءادىل پروكۋرور، جۇڭگوداعى 10 زاڭ قىزمەتكەرىنىڭ ءبىرى بولىپ باعالاندى.
اتاق بەرۋ، ماداقتاۋ - سيلاۋ جينالىسىندا جاڭ چۇنشيان مەن ساۋ جيانمين جاڭ بياۋعا مەدالدى جانە كۋالىكتى تارتۋ ەتتى.
جاڭ چۇنشيان سوزىندە مىنالاردى اتاپ كورسەتتى: جاڭ بياۋ جولداس ءوزىنىڭ ءىس جۇزىندىك ارەكەتى ارقىلى كوممۋنيستەردىڭ حالىق ىستەرىندە پاك بولۋدىڭ تاماشا وبرازىن ورناتىپ، قالىڭ حالىق بۇقاراسىنىڭ القاۋى مەن سەنىمىنە بولەندى. اۆتونوميالى رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادىرلار جاڭ بياۋ جولداستى تاربيە جانە امالياتتىق قيمىلداعى ەڭ رەال، ەڭ جاندى، كوزبەن كورىپ، قولمەن ۇستاۋعا بولاتىن ۇلگى - ونەگە ەتىپ، جاڭ بياۋ جولداستىڭ سەنىمدى بەكەمدەپ، مىندەتتى ادالدىقپەن وتەگەن ساياسي قاسيەتىنەن جەتە ۇيرەنىپ، ونى بارىنشا اسقاقتاتىپ، سانالى تۇردە ارمان - مۇراتىن پارتيا، حالىق ىستەرىمەن تىعىز بايلانىستىرىپ، پارتيا مەن حالىق ءۇشىن باستان - اياق جاۋاپكەرلىكتى ارقالاۋى؛ جاڭ بياۋ جولداستىڭ ءتۇبىرلى ماقساتتى ەستە بەرىك ساقتاپ، قاۋىمعا باقىت اكەلۋگە قۇلشىنعان كومپىس قىزمەتكەر بولۋ مىنەز - قۇلقىنان جەتە ۇيرەنىپ، ونى بارىنشا اسقاقتاتىپ، بۇقارالىق كوزقاراستى تىكتەپ، بۇقارالىق مايداندا بەرىك تۇرىپ، حالىق بۇقاراسىنىڭ شىن مانىندەگى جاقىن - جان اشىرى بولۋى؛ جاڭ بياۋ جولداستىڭ قيىنشىلىققا دۇرىس قاراعان، قايشىلىقتى شەشكەن، قيىن تاقىرىپتاردى ءبىر جايلى ەتكەن كاسىپ سۇيگىشتىك رۋحىنان جەتە ۇيرەنىپ، ونى بارىنشا ساۋلەلەندىرىپ، سوتسياليستىك زاڭمەن باسقارۋ تانىم - تۇسىنىگىن بەكەمدەپ، امالياتتىڭ حالىقتىڭ جانە تاريحتىڭ سىنىنان وتە الاتىن كاسىپتىك ناتيجە جاراتا بەرۋى؛ جاڭ بياۋ جولداستىڭ تارتىپكە قاتاڭ بويسۇنعان، ۇنەمشىل، پاك بولعان تاڭداۋلى ستيلىنەن جەتە ۇيرەنىپ، ونى بارىنشا اسقاقتاتىپ، زاڭدى ادىلدىكپەن، پاكتىكپەن اتقارىپ، قوعامدىق ادىلدىك پەن ادىلەتتىلىكتى قورعاپ، پارتيا مەن ۇكىمەتتىڭ جالپى سەنىمدىلىگىن ۇزدىكسىز كۇشەيتۋى كەرەك. قالىڭ پارتيالى كادرلار جاڭ بياۋ جولداستىڭ ىزگى ىستەرىنەن، وسكەلەڭ قاسيەتىنەن، اسىل مىنەز - قۇلقىنان ۇيرەنۋ ارقىلى ءوز كاسىبىن تياناق ەتىپ، جاسامپازدىقپەن العا تارتىپ، شينجياڭنىڭ قارىشتاپ دامۋى مەن ۇزاق ۋاقىتتىق باياندى تىنىشتىعىن جەبەۋ بارىسىندا زامانىمىزداعى كوممۋنيستەردىڭ العاباسارلىعىن تولىق جاڭعىرتىپ، ءداۋىر اتويشىسى بولىپ، پارتيا تۋىنا نۇر قوسۋى ءتيىس.
ساۋ جيانمين سوزىندە مىنالاردى اتاپ كورسەتتى: مەملەكەت بويىنشا پروكۋراتۋرا ورگاندارىنداعى قالىڭ پروكۋراتۋرا قىزمەتكەرلەرى جاڭ بياۋ جولداستىڭ العاباسار ىزگى ىستەرىنەن ىشكەرىلەي ۇيرەنىپ، ونى ۇگىتتەپ، جاڭ بياۋ جولداستىڭ وسكەلەڭ رۋحىن بارىنشا اسقاقتاتىپ، مۇرات - سەنىمدى بەكەمدەپ، پارتيالىلىق جاقتان شىنىعۋدى كۇشەيتىپ، ەرىك پەن قاسيەتتى شىڭاپ، قابىلەتى مەن ساپاسىن جوعارىلاتىپ، زاڭدىق باقىلاۋ قىزمەت جاۋاپكەرلىگىن ادال وتەپ، قوعامنىڭ ادىلدىگى مەن ادىلەتتىلىگىن قۇلشىنا قورعاپ، زاڭمەن باسقارىلاتىن جۇڭگو، تىنىش جۇڭگو قۇرىلىسىن ىلگەرىلەتۋگە بەلسەنە ۇلەس قوسۋى كەرەك.
جاڭ بياۋ مىناداي لەبىز ءبىلدىردى: مەن تەك ءبىر تۇرمە پروكۋراتۋراسى قىزمەتكەرى ىستەۋگە ءتيىستى قىزمەتتى ىستەدىم، ءبىر پروكۋرور وتەۋگە ءتيىستى قىزمەت جاۋاپكەرلىگىن وتەدىم. پروكۋرور بولعان سوڭ، ادىلەتتىلىكتى قورعاۋ فۋنكتسياسىن ارقالاۋ ءتيىس. قازىر مەن زەينەتكە شىقتىم، ءبىراق كوممۋنيستەردىڭ العاباسارلىعىنا، پاكتىگىنە دەگەن سەنىمدى ماڭگى ساقتاپ، ءار ۇلت قاۋىمىنا زاڭدىق كومەك كورسەتۋدەن، ادىلدىك پەن ادىلەتتىلىكتى قورعاۋ بورىشىمنان اينىماي، ورنىقتىلىقتى قورعاۋداعى قوعامدىق جاۋاپكەرلىكتى باتىل ارقالايمىن.
جينالىستى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر باسقاردى.
جينالىستا اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى شيۇڭ شۋانگو مەن ەڭ جوعارى حالىق پروكۋراتۋراسى پارتيا باسشىلىق گرۋپپاسىنىڭ مۇشەسى، ساياسي ءبولىمىنىڭ مەڭگەرۋشىسى لي رۋلين جەكە - جەكە ماداقتاۋ - سيلاۋ جونىندەگى قاراردى وقىدى. اۆتونوميالى رايوندىق حالىق پروكۋراتۋراسى پارتيا باسشىلىق گرۋپپاسىنىڭ شۋجيى گو ليانشان جاڭ بياۋ جولداستىڭ نەگىزگى ىزگى ىستەرىن تانىستىردى.
نۇرلان ءابىلماجىن ۇلى، چى جۇن، حان يۇڭ، باي جىجيە، ليۋ شينچي، ۋاڭ يۇڭمين، جۋ چاڭجيە، ياڭ فۋلين، نيشان يبىرايىم اتاق بەرۋ، ماداقتاۋ - سيلاۋ جينالىسىنا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
