100 جىلدىڭ الدىندا جۇڭگودان تۇسىرىلگەن رەڭدى سۋرەتتەر

2013.11.25 13:15   كەلۋ قاينارى : حالىق تورابى

　　20 – عاسىردىڭ باسىندا فرانسيانىڭ پاريج قالاسىندا تۇراتىن بانكەر، قايىر – ساحاباتشى Albert Kahn 10 نەشە اپپاراتشىنى جۇمىسقا الىپ، بۇكىل جەر شارى كولەمىنەن سۋرەت ءتۇسىرۋ جوسپارىن باستاعان، ول كەزىندە ءبىر فوتوگرافتار گرۋپپاسىن جۇڭگوعا سۋرەت تۇسىرۋگە جىبەرگەن. 1909 – جىلدان 1931 – جىلدار ارالىعىندا Albert Kahn بۇكىل جەر شارى بويىنشا 50 نەشە مەملەكەتتى قامتىعان بۇل جوسپارىن اتقارىپ، تۇرلىشە مەملەكەتتەردەگى سالت – سانا مەن ادامداردىڭ ءتۇر تۇلعاسىن ەستەلىككە العان. جەر شارىنداعى بارلىق قۇرىلىقتاردى ارالاعان. AlbertKahn جيىنى 72000 پارشا رەڭدى سۋرەتتى، 4000 پارشا كەڭستىكتىك سۋرەتتى جانە ۇزىندىعى 60 اعىلشىن ميلى كەلەتىن 100 ساعاتتىق كينونى لەنتاعا تۇسىرگەن، بۇل سۋرەتتەر مەن كەسكىندەر «جەر شارىنىڭ ارحيۆى» دەپ اتالعان. سوڭىندا قازىنالىق جاقتاعى ماسەلە سەبەبىنەن 1931 – جىلى بۇل جوسپار ەرىكسىز توقتاتىلعان. ول جىبەرگەن فوتوگرافتاردىڭ جۇڭگوعا كەلگەن كەزى سىشي تايحوۋ كوز جۇمىپ، پۋيي تاحقا شىعىپ، ونىڭ اكەسى چۇنچينۋاڭ بيلىكتى مەڭگەرگەن مەزگىلگە تۋرا كەلەدى. ول فەۆودالدىق پاتشالىق ءتۇزىم اۋدارىلار الدىنداعى جۇڭگونىڭ بەت – بەينەسىن ەستەلىككە العان. بۇل سۋرەتتەر قازىر فرانسياداعى Albert Kahn مۇراجايىندا ساقتالۋدا.

　　كەلۋ قاينارى: حالىق تورابى