- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ وڭىرلىك حالىقارالىق حابارلاسۋ كاسىبى ورتالىعى قۇرىلىسىن جەدەلدەتىپ، سيفىرلانعان جىبەك جولىن قۇرۋعا كۇش سالدى
2013.12.12 15:50 كەلۋ قاينارى : شينجياڭ حالىق راديو ستانسياسى تورابى
شينجياڭ وڭىرلىك حالىقارالىق حابارلاسۋ كاسىبى ورتالىعى قۇرىلىسىن جەدەلدەتىپ، سيفىرلانعان جىبەك جولىن قۇرۋعا كۇش سالدى.شينجياڭ مەن كورشىلەس ەلدەردىڭ اراسىنا وپتيكالىق كابەل تۇتاستىرىلۋدان ىلگەرى، اراسى وتە شالعاي بولۋ سەبەپتى تەلەفوندا سويلەسۋ ساپاسى جاقسى بولماۋ، سويلەسۋ قاراجاتى وتە جوعارى بولۋ سياقتى ماسەلەلەر بەلەڭ بەردى. جۇڭگو تەلەگراف شينجياڭ سەرىكتەستىگىنىڭ حالىقارالىق حابارلاسۋ وتكەرمە ورتالىعىندا، سەرىكتەستىكتىڭ شەتەلگە ءورىس اشۋ ءبولىمىنىڭ باس مەڭگەرۋشىسى جين ميڭ توراپتىق باقىلاپ مەڭگەرۋ كەڭ ەكرانىن نۇسقاپ تۇرىپ تىلشىگە بىلاي دەدى: ىلگەرى، شينجياڭدىقتار ماڭىنداعى كورشىلەس ەلدەرگە تەلەفون جالعاعاندا، تەلەفوننىڭ سيگنالى جەر شارىن ءبىر اينالىپ كەلگەندەي ارەڭ ەستىلەتىن، شينجياڭنان قازاقستانعا تەلەفون جالعايتىن بولساق، تەلەفون اقىسى سوناۋ شالعاي جاپونيا، ۇلى بريتانيا قاتارلى ەلدەردىكىنەن جوعارى بولاتىن. جۇڭگو مەن ورتا ازيا وپتيكالىق كابەلىنىڭ تۇتاسۋىنا بايلانىستى، حابارلاسۋ سيگنالى جاقساردى. قازاقستاننان كەلگەن تەلەفون الاتاۋ ساعاسى نەمەسە قورعاس وتكەلىندەگى كابەل ارقىلى تۇتاستى، تەلەفون اقىسى دا تومەندەدى.
قازىر، شينجياڭ مەن قازاقستان، قىرعىزستان، تاجكستان قاتارلى ەلدەر اراسىنداعى وپتيكالىق كابەل تۇتاستىرىلدى، حالىقارالىق حابارلاسۋ ءدالىزىنىڭ قىزمەتى بىرتىندەپ كەمەلدەندى. جين ميڭ تىلشىگە بىلاي دەدى: بولاشاقتا، شينجياڭ باتىسقا باعىتتاپ ينفورماتسيالىق حابارلاسۋ قۇرىلىسىن جەدەلدەتۋمەن بىرگە، تاعى سولتۇستىك پەن وڭتۇستىكتى كوزدە ۇستاپ حالىقارالىق ينفورماتسيا ارناسىن اشادى. مىسالى، سولتۇستىكتە شينجياڭداعى قاناستان رەسەي دالىزىنە دەيىنگى قۇرىلىس جوسپارىمىزدىڭ ىشىندە؛ وڭتۇستىكتە حۇنجيراپ وتكەلى ارقىلى پاكيستانعا جەتەتىن كابەل ءساتتى تۇتاسقاننان كەيىن، وسى كابەل حۇنجيراپ وتكەلى ارقىلى ءىىسىلامابادقا جەتىپ، پاكيستاننان ءوتىپ وڭتۇستىكتەگى گۆادار كەمەجايىنا جەتەدى، ونان اراب تەڭىزىنەن ءوتىپ تەڭىز كابەلى ارقىلى افريكاعا ودان ەۆروپاعا تۇتاسادى. قازىرگى جوسپارىمىز سولتۇستىك ءدالىز بەن وڭتۇستىك ءدالىزدى تۇتاستىرۋ؛ بۇل ءدالىز قالىپتاساتىن بولسا شينجياڭنىڭ توراپ حاۋىپسىزدىگى ماسەلەسىن زور دارەجەدە شەشەدى، جالاڭ تەڭىز كابەلىنە عانا سۇيەنىپ باتىس ەلدەرىنە تۇتاساتىن حابارلاسۋ تاريحى اياقتايدى. ونەركاسىپ جانە ينفورماتسيالاندىرۋ مينيسترلىگى شينجياڭدى ازيا-ەۆروپا ۇلى قۇرىلعى وڭىرىنە بەت العان حالىقارالىق حابارلاسۋ كاسىپ ورتالىعى جانە حالىقارالىق حابارلاسۋ وتكەرمە ورتالىعى رەتىندە جەدەل دامىتۋدى جوسپارلاپ وتىر. قازىر، شينجياڭدا ورتا ازياعا بەت العان، ەۆروپامەن تۇتاسقان حالىقارالىق ينفورماتسيا جوعارى قارقىندى ارناسىن اشىپ، كورشىلەس ەلدەر مەن رايوندارعا باعىتتالعان 4 حالىقارالىق حابارلاسۋ ءدالىزىن قۇردى، سونىمەن، شەكارا اتتاعان 9 قۇرىلىقتىق كابەل شينجياڭدى باسقا ەلدەرمەن جانە رايوندارمەن تۇتاستىردى.اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ ورىنباسار مەڭگەرۋشىسى سۋ گوپيڭ بىلاي دەدى: شينجياڭ ــ ازيا-ەۆروپا ۇلى قۇرىلىعىنىڭ ورتالىعى رەتىندە ازيا-ەۆروپا حابارلاسۋ جوعارى قارقىندى ارناسىن سالاتىن نەگىزگى جەرگە اينالادى.
شينجياڭ ەلىمىز باتىسقا ەسىك اشۋ بارىسىنداعى ينفورماتسيا جەتكىزەتىن ماڭىزدى توراپقا، ورتا، باتىس ازياعا جانە ەۆروپاعا ەسىك اشقان ينفورماتسيالىق اۋىس-كۇيىس جاساساتىن ماڭىزدى ورتالىققا اينالادى. ەگەر، وسى ءدالىز تۇتاساتىن بولسا، سيفىرلانعان جىبەك جولى قالىپتاسادى ءارى وسى ەكونوميكالىق بەلدەۋدىڭ زات اينالىمىن تەزدەتىپ، قاتىستى كاسىپتەردىڭ دامۋىن جەبەيتىندىگى داۋسىز، وتە-موتە، شينجياڭنىڭ ءداستورلى ونەركاسىپ جانە ساۋدا كاسىبىنەن سىرت، ينفورماتسيالىق قىزمەت وتەۋ كاسىبى تاعى بار، وسى ينفورماتسيالىق ءدالىزدىڭ سالىناتىنىنا، كورشىلەس رايونداردىڭ ەكونوميكاسىن دامىتۋ تاسىلىنە بۇرىلىس جاساپ، جىبەك جولى ەكونوميكالىق بەلدەۋىن بىرلەسىپ قۇراتىندىعىنا سەنىمىمىز كامىل.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
