- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىزدىڭ جەر-جەرىندەگى جۇرت كوڭىل اشۋ، سەيىلدەۋ قيمىلدارىنا قاتىناسىپ، اپتا سوڭىنداعى دەمالىستى جاقسى وتكىزدى
2014.07.08 14:17 كەلۋ قاينارى : شينجياڭ حالىق راديو ستانسياسى تورابى
وسى اپتانىڭ سوڭىنداعى شىلىڭگىر ىستىق رايونمىزدىڭ جەر-جەرىندەگى جۇرتتىڭ كوڭىل اشۋ، سەيىلدەۋ قىزعىندىلىعىنا توسالعى بولا المادى، ولار سىرتقا شىعىپ، كەشكى قوڭىر سامالدا الاڭدا بۇرالا بيگە باستى نەمەسە كەشكى بازارعا بارىپ جەڭىل تاعامداردان ءدام تاتتى. كەشكى ساعات 8 مولشەرىندە، حوتان قالاسى ورتالىعىنداعى ىنتىماق الاڭى دۋمانعا بولەندى. حوتان قالاسىنىڭ تۇرعىنى چىن كاڭگۇي ءبي ۇيرەنەتىن نەشە 10 جۇپ وقۋشىسىن ەرتىپ ىنتىماق الاڭى ورتالىعىنا بارىپ دوستىق ءبيىن بيلەدى. ولاردىڭ ءبيىن تاماشالاعان جۇرت قول تەلەفوندارىن الىپ كەسكىنگە تۇسىرسە، كەيبىرەۋى شاپالاق سوعىپ القادى. چىن كاڭگۇي 2008-جىلى ۋىنجوۋداعى اۋىلىنان حوتانعا كەلگەندە، بۇل الاڭدا مۇنداي قيمىل وتكىزىلمەيتىن، تەك چىن كاڭگۇي مەن ايەلى ەكەۋى عانا وسى ارادا دوستىق ءبيىن بيلەيتىن، كەيىن ولاردىڭ ءبيىن تاماشالايتىندار بارعان سايىن كوبەيپ، كۇندەلىكتى نەشە ونداعان ءار ۇلت بۇقاراسى بىرلىكتە ءبي بيلەيتىن بولدى. ودان ءبي ۇيرەنىپ جۇرگەن حوتان قالاسىنىڭ تۇرعىنى ايگۇل تىلشىگە: ولارمەن بىرلىكتە دوستىق ءبيىن بيلەپ كوڭىلىمىز كوتەرىلىپ قالدى، مەن ودان جاڭا ءبي ۇيرەندىم، ولارمەن دوس بولىپ كەتتىك، وتە قۋانىشتىمىن،-دەدى.دوستىق ءبيىن بيلەيتىن جەردىڭ قارىسىندا الاڭ ءبيى بيلەنەدى، الاڭ بيىنە قاتىناسقان ۋاڭ حانىم تىلشىگە: كوپشىلىك ءوز ەركىمەن بيلەيدى، اۋا رايى جاقسى بولسا، بارلىعى جالعاستى بيلەي بەرەدى، كۇندەلىكتى ساعات 9 جارىمدا بارلىعى وسى اراعا كەلىپ بولادى، ەڭ از دەگەندە ءبىر جارىم ساعات بيەلەيدى، شارشامايمىز، بيلەگەن سايىن قىزعىندىلىعىمىز ارتا تۇسەدى،-دەدى.ىنتىماق الاڭىنىڭ جانىنداعى شاعىن كوڭىل اشۋ ورنىندا شامدار جارقىراپ تۇر، بالالار اينالما اتقا ءمىنۋ، بالىق اۋلاۋ، شىعىرىق تاستاۋ ويىندارىن ويناپ ءماز بولىستى.كەشكى ساعات 10 نان اسقاندا، كوڭىل اشۋ ورنى مەن ساۋدا سارايلارى اراسىنداعى جەڭىل تاعامدار كوشەسى قىزۋ مەرەيگە تولادى، ءار ۇلت بۇقاراسى مەن سىرتتان كەلگەن ساياحاتشىلار قورالانا وتىرىپ، ۇلتتىق ەرەكشەلىكتەرگە يە تاعامداردان ءدام تاتادى. قاشقار قالاسى ايتكار مەشىتىنىڭ الدىندا كوپتەگەن ساياحاتشىلار قاس قارايعاندا تۇنگى كورىنىستى تاماشالادى، وسى اراداعى تاريحى ۇزاق ايگىلى مادەنيەت كوشەسىندە قاشقارداعى اتى ايگىلى كەشكى بازار بار، بۇل بازار كەش باتقاننان تاڭ اتقانشا اشىلادى ەكەن. تىلشىگە كەزىگىپ قالعان ا ق ش-تان كەلگەن بەنجامين مەن تيم وڭتۇستىك شينجياڭدى ساياحاتتاۋ ءۇشىن ۇرىمجىدەن جولعا شىعىپ، حوتان، ياركەن سياقتى جەرلەرگە بارىپتى، قاشقار ولاردىڭ ساياحاتىنىڭ سوڭعى بەكەتى ەكەن. تۇستەن بۇرىن ايتكار مەشىتىن تاماشالاعان ولار، وسى جەردە كەشكى بازار بارلىعىن ەستىپ، وسى اراعا كەلىپتى. ولار تىلشىگە: تاعامدارى وتە ءدامدى ەكەن، ءتىلىمىز ۇقساماعانىمەن، ولاردىڭ اقپەيىلدىگى مەن مەيماندوستىعىنا ءدان ريزا بولدىق،-دەستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
