- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇتاس رايونىمىزدىڭ ءار دارەجەلى اۋا رايى تاراۋلارى جوعارى تەمپەراتۋرا ساقتىق سيگنالىن 10 رەت شىعارىپ، بۇقاراعا قاتتى ىستىقتان ساقتانۋدى ەسكەرتتى
2014.07.16 11:17 كەلۋ قاينارى : شينجياڭ حالىق راديو ستانسياسى تورابى
وتكەن اپتانىڭ سوڭعى كۇندەرى رايونىمىزدىڭ اۋا تەمپەراتۋراسى ەرەسەن ورلەپ، وڭتۇستىك شينجياڭ مەن شىعىس شينجياڭدا تەمپەراتۋرا 35 سەلتسي گرادۋستان اسىپ، تۇتاس رايونىمىزدىڭ ءار دارەجەلى اۋا رايى تاراۋلارى جوعارى تەمپەراتۋرا ساقتىق سيگنالىن 10 رەت شىعارىپ، بۇقاراعا قاتتى ىستىقتان ساقتانۋدى ەسكەرتتى.
شىلدە ايى ءبىر جىلدىڭ ەڭ ىستىق مەزگىلى. وتكەن اپتانىڭ سوڭىندا قوسالقى ىستىق بەلدەۋلى جوعارى قىسىمنىڭ ىقپالىندا ءۇرىمجىنىڭ تەمپەراتۋراسى كورنەكتى ورلەدى. 13-شىلدە ورتالىق قالانىڭ نەگىزگى قالا رايونىندا تەمپەراتۋرا 35 سەلتسي گرادۋسقا جەتتى. ال قالانىڭ سولتۇستىگىندەگى اننيڭچۇي مەن ميچۋان-دۇڭشان رايونىندا تەمپەراتۋرا اۋەلى 39 سەلتسي گرادۋسقا تايادى. شىلىڭگىر ىستىقتا باقشا، اعاشتىڭ ساياسى، اۋا رەتتەگىشى بار ساۋدا سارايلارى مەن ەرەن بازار كوپشىلىكتىڭ سايالايتىن جەرىنە اينالدى. تۇستە، ءۇرىمجى تيانشان رايوندىق ماشى شاعىن اۋماعىندا تۇراتىن يىن مىرزا ءۇيدىڭ تىمىرسىق ىستىعىنا شىداماي اعاش كولەڭكەسىنە بارىپ سالقىندادى. ول: «بىرنەشە كۇننەن بەرى كۇن ەرەكشە ىسىدى، لاجسىزدان اعاش كولەڭكەسىنە كەلىپ سايالادىم»،-دەدى.
13-شىلدە تۇرپاننىڭ قالا رايونىندا ەڭ جوعارعى تەمپەراتۋرا 45 سەلتسي گرادۋسقا جەتىپ، جاز كىرگەننەن بەرگى ەڭ جوعارى دەڭگەيگە جەتتى. يالقۇنتاق كورىنىس رايونىندا جەر بەتىنىڭ تەمپەراتۋراسى 76 سەلتسي گرادۋسقا جەتتى. ورتانى قورعاۋ جۇمىسشىلارى كۇن ءوتىپ كەتپەۋ ءۇشىن، باسىنا شاكپى كيىپ، جاۋلىق ورادى. تازالىقشىلاردىڭ شىجىعان ىستىقتاعى جۇمىس ىستەۋ ۋاقىتىن قىسقارتىپ، قىزمەتكەرلەرگە كۇن ءوتىپ كەتۋدەن ساقتانۋ ءۇشىن، تۇرپان قالالىق ورتانى قورعاۋ مەكەمەسى جۇمىس ۋاقىتىن رەتتەپ، بۇرىنعى ەكى كەزەكتى ءۇش كەزەككە وزگەرتتى. ورتانى قورعاۋ جۇمىسشىسى ءالىمجان: «بىرنەشە كۇننەن بەرى كۇن قاتتى ىسىپ، تەمپەراتۋرا 35 سەلتسي گرادۋستان استى. تۇسكى ەڭ ىستىق كەزدە دەمالامىز دا، تاڭەرتەڭ جانە كەشتە جۇمىستى ۇستەمەلەي ىستەپ، قالانى مۇنتازداي ەتىپ تازالاپ، تۇرپاننىڭ كوركىن اسىرامىز»،-دەدى.
شينجياڭنىڭ ەڭ سولتۇستىگىندەگى التاي دا شىلىڭگىر ىستىقتان قاعىس قالمادى، 13-شىلدە التاي قالاسىنىڭ ەڭ جوعارى تەمپەراتۋراسى دا 35 سەلتسي گرادۋسقا جەتىپ، قالا تۇرعىندارى ەرەكشە جايسىزداندى. 13-شىلدە وڭتۇستىك شينجياڭنىڭ باسىم كوپ ءبولىم رايوندارىندا تەمپەراتۋرا 35 سەلتسي گرادۋستان اسىپ، ءىشىنارا رايونداردا 37 سەلتسي گرادۋسقا جەتتى، اتۇش قالاسىندا تەمپەراتۋرا 35 سەلتسي گرادۋستان اسقان ەكى كۇننەن بەرى قالا تۇرعىندارى مازاسىزدانىپ، ارت-ارتىنان قالا ماڭىنداعى كەيبىر كورىنىس رايوندارىنا بارىپ سايالادى. اتۇش اڭعارى قالا رايونىنان 18 كيلومەتر جەردە، بۇل ارا تاۋلى بولىپ، تۇنىق بۇلاق سۋى ساياحاتشىلاردى باۋرادى. ەندى عانا وتكەن اپتانىڭ سوڭىندا ساياحاتشى سانى بۇرىنعى ءار كۇنى 60 نەشە ادامنان كۇرت ارتىپ 140 قا جەتتى. 13-شىلدە حوتان ايماعىنداعى تەمپەراتۋرا 35 سەلتسي گرادۋسقا جەتتى، كەشكى ساعات 9 جارىمدا كۇن ءالى باتا قويماعان ەدى، كۇنى بويى ىستىقتان قاشقان ادامدار جان-جاقتان حوتان قالاسىنىڭ ىنتىماق الاڭىنا سايالاۋعا جينالىپ، الاڭىنىڭ ءتورت توڭىرەگىندەگى كەشكى بازار دا بىرتىندەپ اشىلدى. ءالي امەتجان ەكى جىلدىڭ الدىندا اعاسىمەن بىرگە وسى كەشكى بازارعا كەلىپ قاربىز ساتىپتى. ول: «قازىر كۇن ىستىق، قاربىز الاتىندار كوپ، كۇنىنە 100 يۋاننان ارتىق پايدا تابامىز»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
