- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىلىڭگىر ىستىقتا قاتىناس ساقشىلارى مەن ەرەكشە ساقشىلار قىزمەت ورنىندا تاپجىلماي تۇرىپ، ورتالىق قالانىڭ تىنىشتىعى مەن ىركىلسسىزدىگىنە كەپىلدىك ەتتى
2014.07.16 11:18 كەلۋ قاينارى : شينجياڭ حالىق راديو ستانسياسى تورابى
شىلىڭگىر ىستىقتا قاتىناس ساقشىلارى مەن ەرەكشە ساقشىلار قىزمەت ورنىندا تاپجىلماي تۇرىپ، ورتالىق قالانىڭ تىنىشتىعى مەن ىركىلسسىزدىگىنە كەپىلدىك ەتىپ، قوعامنىڭ ءار سالاسىنىڭ قۇرمەتىنە يە بولدى. 13-شىلدە شينجياڭ حالىق راديو ستانسياسىنىڭ 961 حابار راديوسى مەن 738 امبەباپ راديوسى 8 مەيىر باعىشتاۋ كاسىپورىنىمەن سەلبەسىپ، جۇمىس ورنىندا تاپجىلماي تۇرعان قاتىناس ساقشىلارى مەن ەرەكشە ساقشىلاردان حال سۇرادى.
تۇستەن بۇرىن، حال سۇراۋ اترەتى ەڭ الدىمەن تيانشان رايوندىق قاتىناس ساقشى ۇلكەن اترەتى شينحۋا كوشەسى ورتا اترەتىنىڭ باتىس ۇلكەن كوپىردىڭ وبراز قاراۋىلىنا بارىپ، 100 ساندىق مينەرال سۋ مەن كۇن نۇرىنان ساقتانۋ شاتىرىن كەزەكشىلىكتە تۇرعان قاتىناس ساقشىلارىنا جەتكىزىپ بەردى، ءتىلشى حالىق ساقشىسى گاۋ شياڭنىڭ ىستىعى اسىپ كوزىنىڭ قىزارىپ ءىسىپ كەتكەنىن، ەرنىنىڭ جارىلعانىن كوردى، ول جولعا شىعىپ كەزەكشىلىك ىستەپ، قاربالاستىققا تۇسكەندە سۋ ىشۋگە ۇلگىرمەگەنىن ايتىپ: «تاڭەرتەڭ ساعات 10 جارىمنان كەشكى ساعات 18 گە دەيىن جۇمىس ورنىندا بولامىز، 10 مينۋت ىشىندە قارا تەرگە مالشىنامىز، جايسىزدانساق ىستىقتان ساقتانۋ ءدارىسىن پايدالانامىز. وسىدان بۇرىن كەي قىزمەتتەستەرىمە ىستىق ءوتتى. بۇعان دا ۇيرەنىپ قالدىق، ىسىتىعىم اسىپ كوزىم قىزارىپ ەرنىم جارىلدى، بۇل قاتىناسقا نۇسقاۋشىلىق ەتۋىمە ەشقانداي اسەر ەتە المايدى. 13-شىلدە قوعامنىڭ ءار سالاسىنداعىلار مەيىر باعىشتادى، قايناعان ىستىقتا ىشتەي جادىراپ قالدىق»،-دەدى.
ورتالىق قالانىڭ سولتۇستىك قاقپاسى ــــ توۋتۇنحى قوعام حاۋىپسىزدىگى تەكسەرۋ پۋنكتىندەگى اۆتوموبيل جۇرەتىن بەس قاتار جولعا جولاۋشى اۆتوبوزى، جەكە اۆتوموبيل، جۇك اۆتوموبيلدەرى لىق تولدى، ەرەكشە ساقشىلار شىجىعان ىستىقتا اۆتوموبيلدەردى شەتىنەن تەكسەرىپ، تەرگە مالشىندى. ون نەشە كيلوگرام اۋىرلىقتاعى جابدىق اسىنىپ كەزەكشىلىكتە تۇرعان 26 جاستاعى ەرەكشە ساقشى اترەتىنىڭ مۇشەسى ما حايفىڭنىڭ التى ايرىعىنان تەر سورعالاسادا، كۇلىمسىرەي ءاربىر اۆتوموبيلدى مۇقيات تەكسەردى. ول: «ادامىمىز جەتىسپەي وتىر، ەگەر وسى ورىننان كەتسەم، وزگە قىزمەتتەستەرىمنىڭ قىزمەت سالماعى اۋىرلايدى، سوندىقتان ادەتتە كوپشىلىك كوبىرەك سۋ ءىشىپ، ىستىقتان ساقتانادى»،-دەدى. وسى رەتكى مەيىر باعىشتاۋ قيمىلىن ءۇرىمجى لانبو بيولوگيالىق عىلىم-تەحنيكا شەكتى سەرىكتەستىگى، شينجياڭ شاشاقگۇل بيولوگيالىق عىلىم-تەحنيكا شەكتى سەرىكتەستىگى، اۆتونوميالى رايوندىق حانزۋ شيپاحاناسى، شينجياڭ چىنچىڭ اراق كاسىبى، حۋزىۋاڭ اس-سۋ ۇلاسپالى سەرىكتەستىگى، التاي كوشەسى باليتۋ ساماۋىر سورپا اسحاناسى، پۋتاۋشۋ بالكۇلشەحاناسى، شينشىجيە اۋدي ماركالى اۆتوموبيل ساتۋ دۇكەنى سىندى كاسىپورىندار پارمەندى قولداپ، ورتالىق قالانىڭ تيانشان رايونى، شۇيموگۋ رايونى سياقتى 7 قاتىناس ساقشى، ەرەكشە ساقشى كەزەكشىلىك ورىندارىنا شاتىر جانە ءبىر مىڭ جاشىككە جۋىق مينەرال سۋىن جەتكىزدى. مۇندا اۆتونوميالى رايوندىق حانزۋ شيپاحاناسى 300 كيلوگرام حانزۋشا ءدارى ءشوپ ءشايىن ازىرلەدى، اۆتونوميالى رايوندىق حانزۋ شيپاحاناسى ۇگىت ءبولىمىنىڭ مەڭگەرۋشىسى سۇن چياڭ: «961 حابار راديوسى مەن 738 امبەباپ راديوسى جانە اۆتونوميالى رايوندىق حانزۋ شيپاحاناسى قىسقا ۋاقىت ىشىندە رەتسەپتى دايىندادى، جاعدايعا ساي بۇرىنعى رەتسەپ نەگىزىندە كەيبىر تابەتتى ارتتىراتىن، كوكباۋىر مەن اسقازان قۋاتىن كۇشەيتەتىن رەتسەپتەر قوستىق. سونىمەن كوپشىلىكتىڭ قايناعان ىستىقتا دەنە قۋاتى السىرەگەندە بىرتىندەپ كوكباۋىر قۋاتىن ارتتىرىپ، ىستىققا توتەپ بەرۋىنە، وسىنداي مي قايناعان ىستىقتا جۇمىس ورنىندا تاپجىلماي تۇرۋىنا مۇمكىندىك جاسادىق»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
