- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«جۇڭگو گۋاڭساي ىزگىلىك قوعامى وڭتۇستىك شينجياڭ ساپارى» اتىنداعى قيمىل قاشقاردا وتكىزىلدى
229 ميلليارد 300 ميلليون يۋاننان استام قارجى قوسۋ جوسپارى اقىلداسىلىپ، 71 ميلليون 400 مىڭ يۋان الەۋمەتتىك يگىلىك جىلۋى اتالدى
2014.08.13 14:59 كەلۋ قاينارى : ءتاڭىرتاۋ تورابى
12 - تامىزدا «جۇڭگو گۋاڭساي ىزگىلىك قوعامى وڭتۇستىك شينجياڭ ساپارى» قيمىلىنىڭ باستالۋ سالتىندا كاسىپورىن ۋاكىلدەرى وڭتۇستىك شينجياڭنىڭ الەۋمەتتىك يگىلىك ىستەرىنە جىلۋ اتاۋدا
گۋاڭساي ىزگى ىستەرى ورىستەتىلگەندىگىنىڭ 20 جىلدىعىنا وراي، «جۇڭگو گۋاڭساي ىزگىلىك قوعامى وڭتۇستىك شينجياڭ ساپارى» اتىنداعى قيمىل 12 - تامىز تۇستەن بۇرىن قاشقاردا دابىرالى وتكىزىلدى.
قيمىلدى جۇڭگو گۋاڭساي ىزگى ىستەردى جەبەۋ قوعامى، اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى، شينجياڭ ءوندىرىس - قۇرىلىس بيڭتۋانى بىرگە باسقارىپ، اۆتونوميالى رايوندىق ساۋدا - ونەركاسىپشىلەر بىرلەستىگى، اۆتونوميالى رايوندىق گۋاڭساي ىزگى ىستەردى جەبەۋ قوعامى، شينجياڭ ءوندىرىس - قۇرىلىس بيڭتۋانى ساۋدا - ونەركاسىپشىلەر بىرلەستىگى، قاشقار ايماقتىق پارتكوم، قاشقار ايماقتىق ۋالي مەكەمەسى جاۋاپتى بولىپ وتكىزدى. ەلىمىزدەگى 22 ولكە، قالاداعى حالىق باسقارۋىنداعى ايتۋلى كاسىپورىنداردان كەلگەن 300گە جۋىق كاسىپورىنشى قاشقاردا باس قوسىپ، قارجى قوسىپ يگىلىك جاراتۋ، سەلبەسىپ، ءوزارا پايدا جەتكىزۋ ساۋدا ورايىن بارىنشا قاراستىردى.
12 - تامىزعا دەيىن، «جۇڭگو گۋاڭساي ىزگىلىك قوعامى وڭتۇستىك شينجياڭ ساپارى» اتىنداعى قيمىلدا جيىلعان الەۋمەتتىك يگىلىك جىلۋى 71 ميلليون 400 مىڭ يۋانعا جەتتى. مۇنىڭ ىشىندە جۇڭگو گۋاڭساي ىزگىلىك قوعامى ۇيىمداستىرعان حالىق باسقارۋىنداعى كاسىپورىنشىلاردىڭ وڭتۇستىك شينجياڭداعى 4 ايماق، وبلىسقا جانە بيڭتۋانعا اتاعان جىلۋى 68 ميلليون 400 مىڭ يۋان، 2 كاسىپورىن قاشقار ايماعىنا دەربەس 3 ميلليون يۋان جىلۋ اتادى. 315 نىسان بويىنشا 229 ميلليارد 380 ميلليون يۋان قارجى قوسۋ جۇمىسىن اقىلداستى، كاسىپ سالاسى نىساندارى بويىنشا 266 توقتامعا قول قويىپ، 173 ميلليارد 480 ميلليون يۋان قارجى قوسۋعا كەلىستى. مۇنىڭ ىشىندە توقتامعا قول قويىلعانى 148، قوسىلاتىن قارجى 117 ميلليارد 550 ميلليون يۋان، كەلىسىمگە كەلگەنى 118، قوسىلاتىن قارجى 55 ميلليارد 930 ميلليون يۋان.
ورتالىق بىرلىكساپ ءبولىمىنىڭ ورىنباسار باستىعى، مەملەكەتتىك ساۋدا - ونەركاسىپشىلەر بىرلەستىگى پارتگرۋپپاسىنىڭ شۋجيى، ۇنەمىلىك ىستەرگە جاۋاپتى ورىنباسار ءتوراعاسى، جۇڭگو گۋاڭساي ىزگىلىك قوعامىنىڭ ورىنباسار باستىعى چۋان جىجۋ قيمىلدىڭ باستالۋ سالتىندا: شينجياڭنىڭ ورنىقتىلىق جانە دامۋ قىزمەتىن جاقسى ىستەۋ ءۇشىن، ءسوز جوق، ەكونوميكالىق دامۋ سىندى نەگىزدى بەكەمدەۋ، كەدەيلەردى سۇيەمەلدەۋ، وركەندەتۋ جانە حالىق تۇرمىسىن جاقسارتۋ سىندى نەگىزگى بۋىندى مىقتى يگەرۋ كەرەك. بۇل جاعىندا جۇڭگو گۋاڭساي ىزگىلىك قوعامى مەن حالىق باسقارۋىنداعى كاسىپورىندار كەلەلى جاۋاپكەرلىك ارقالايدى ءارى ماڭىزدى رول اتقارادى، - دەدى.
چۋان جىجۋ مىنانى اتاپ كورسەتتى: شينجياڭنىڭ دامۋىن، ورنىقتىلىعىن جەبەۋ − ءداۋىردىڭ جالپىلىق مەنشىككە جاتپايتىن شارۋاشىلىق قايراتكەرلەرىنە جۇكتەگەن كەلەلى مىندەتى، حالىق باسقارۋىنداعى كاسىپورىنداردىڭ عىلمي دامۋدان جازباي، شارۋاشىلىق ۇلگىسىنە جەدەل بۇرىلىس جاساپ، دەڭگەيىن جوعارىلاتۋداعى ستراتەگيالىق تالعامى، جالپىلىق مەنشىككە جاتپايتىن شارۋاشىلىق قايراتكەرلەرىنىڭ مۇرات - سەنىمىن بەكەمدەۋىنىڭ ماڭىزدى امالياتى. «جۇڭگو گۋاڭساي ىزگىلىك قوعامى وڭتۇستىك شينجياڭ ساپارىندا» قول قويىلعان نىسانداردىڭ ناقتاپ تياناقتانۋى، شينجياڭنىڭ ەكونوميكالىق، قوعامدىق دامۋىندا جەتەكشىلىك رول اتقاراتىندىعى داۋسىز. اۆتونوميالى رايوندىق پارتكومنىڭ ورىنباسار شۋجيى حان يۇڭ بىلاي دەدى: وسى رەتكى قيمىل − وڭتۇستىك شينجياڭنىڭ دامۋىن، ورنىقتىلىعىن ىلگەرىلەتەتىن دابىرالى قيمىل، ورتالىق بىرلىكساپ ءبولىمىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ، جۇڭگو گۋاڭساي ىزگىلىك قوعامىنىڭ ورتالىقتىڭ ماڭىزدى شەشىمدەرى مەن ورنالاستىرۋلارىن دايەكتى تياناقتاندىرۋداعى وسكەلەڭ ساياسي سانالىلىعى مەن جاۋاپكەرلىگىن، حالىق باسقارۋىنداعى كاسىپورىنشىلاردىڭ دامۋدى كوزدەۋ، يگى ىستەر تىندىرۋداي ءوزىن الۋەتتەندىرۋ رۋحى مەن ۇلەس قوسۋدى، يزگىلىكتى دارىپتەۋدەي وسكەلەڭ ءمورالىن تولىق ايگىلەدى. قاتىستى جاقتار قىزمەت جاۋاپكەرلىكتەرىن مۇقيات اتقارىپ، الەۋمەتتىك يگىلىك سيپاتىنداعى جىلۋ اقشانى شىن مانىندە ويداعىداي باسقارىپ، ۇتىمدى پايدالانىپ، ونىڭ كەدەيلەردى سۇيەمەلدەۋ، حالىق تۇرمىسىن جاقسارتۋ جاعىنداعى رولىن ساۋلەلەندىرۋ؛ ىرىقتىلىقپەن قىزمەت وتەپ، قول قويىلعان توقتامداردىڭ نەمەسە كەلىسىمگە كەلگەن قارجى قوسۋ نىساندارىنىڭ ەرتەرەك تياناقتانىپ، ەرتە باستالىپ، ەرتە سالىنىپ ءبىتىپ، ونىمدىلىگىنىڭ ەرتە كورىلۋىن جەبەۋ كەرەك.
20 جىلدىڭ الدىندا، جۇڭگو گۋاڭساي ىزگىلىك قوعامى حوتاندا «قۇدىق قازۋ ينجەنەرياسى» سىندى الەۋمەتتىك يگىلىك ءىسىن باستاعان بولاتىن، 20 جىلدان كەيىن، بۇل جۇمىستان قوماقتى ناتيجە شىقتى؛ 2005 - جىلدان 2013 - جىلعا دەيىن، جۇڭگو گۋاڭساي ىزگىلىك قوعامى تۇتاس رايونىمىزدا 324 نىسان اتقارىپ، 7 ميلليارد 270 ميلليون يۋان قارجى قوسىپ، 81 مىڭنان استام ادامدى كاسىپتەندىرىپ، اقشالاي جانە زاتتاي ءبىر ميلليارد يۋاننان استام جىلۋ اتادى.
مەملەكەتتىك ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى، جۇڭگو گۋاڭساي ىزگى ىستەردى جەبەۋ قوعامىنىڭ ورىنباسار باستىعى شيە جيڭرۇڭ، اۆتونوميالى رايوننىڭ جانە بيڭتۋاننىڭ باسشىلارىنان شاۋكەت ءيمىن، جاروللا يسامىدىن، ءجۇرات ءيمىن، ابىلەز نياز جينالىسقا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
