- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باتىس سولتۇستىكتەگى 5 ولكە، اۆتونوميالى رايوندىق حالىق قۇرىلتايىنىڭ قازىنا قىزمەتى جونىندەگى اڭگىمە ءماجىلىسى ۇرىمجىدە اشىلدى
2014.08.13 15:00 كەلۋ قاينارى : ءتاڭىرتاۋ تورابى
باتىس سولتۇستىكتەگى 5 ولكە، اۆتونوميالى رايوندىق حالىق قۇرىلتايىنىڭ 22 - رەتكى قازىنا قىزمەتى جونىندەگى اڭگىمە ءماجىلىسى 12 - تامىزدا ۇرىمجىدە اشىلدى. ءماجىلىس ۇكىمەتتىڭ جالپىلىق مەجە ەسەبىن، سوڭعى ەسەبىن تەكسەرۋ، باقىلاۋ قىزمەتىن كۇشەيتۋ جونىندەگى ادىستەر مەن وي جەلىسىن اقىلداسىپ، پىكىر اۋىستىرىپ، حالىق قۇرىلتايىنىڭ قازىنالىق باقىلاۋ قىزمەتىن تىڭ ساتىعا كوتەرۋدى ىلگەرىلەتتى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شوكىرات زاكىر ءماجىلىستى باسقاردى جانە ءسوز سويلەدى.
شوكىرات زاكىر شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى اتىنان ءماجىلىستىڭ اشىلعاندىعىن قۇتتىقتادى. ول بىلاي دەدى: جاڭا جاعداي، جاڭا مىندەت الدىندا حالىق قۇرىلتايىنىڭ قازىنا قىزمەتىن قايتكەندە داۋىرمەن بىرگە العاباستىرىپ، جوسپارلاۋ، مەجە ەسەپتى تەكسەرۋ، باقىلاۋ سياقتى زاڭدا بەلگىلەنگەن مىندەتتەردى ويداعىداي اتقارىپ، ەكونوميكالىق، قوعامدىق دامۋدى نەعۇرلىم جاقسى قامتاماسىز ەتۋگە جانە جەبەۋگە بولادى دەگەن ماسەلە ءار دارەجەلى حالىق قۇرىلتايى تۇراقتى كوميتەتتەرىنىڭ، ءسوز جوق، مۇقيات زەرتتەيتىن كەلەلى تاقىرىبى سانالادى. وسى رەتكى ءماجىلىس ارقىلى ءار ولكە، اۆتونوميالى رايوندىق حالىق قۇرىلتايى تۇراقتى كوميتەتتەرى اراسىنداعى قىزمەت بايلانىسى مەن اۋىس - كۇيىستى ونان ارى كۇشەيىپ، ءوزارا ۇيرەنىپ، ارتىقشىلىقتاردى قابىلداپ، كەمشىلىكتەردى تولىقتاپ، حالىق قۇرىلتايى قازىنا قىزمەتى ورەسىنىڭ جوعارىلاۋىن بىرگە جەبەۋى كەرەك.
شوكىرات زاكىر بىلاي دەدى: وسى رەتكى اڭگىمە ءماجىلىس ۇيرەنۋ، پىكىر اۋىستىرۋ جونىنەن ىلۋدە ءبىر كەزىگەتىن وراي بولدى، ءبىز باۋىرلاس ولكە، اۆتونوميالى رايونداردىڭ قۇندى تاجىريبەلەرىن، ءسوز جوق، كىشى پەيىلدىكپەن ۇيرەنىپ جانە قابىلداپ، شينجياڭ حالىق قۇرىلتايى قازىنا قىزمەتىن تىڭ دەڭگەيگە كوتەرۋگە قۇلشىنامىز. كوپشىلىكتىڭ شينجياڭدى كوبىرەك ارالاپ، شينجياڭنىڭ دامۋ وزگەرىسى مەن شينجياڭداعى ۇلتتاردىڭ مەيماندوستىعىن تولىق سەزىنۋىن، كوركەم شينجياڭدى ءوز كوزدەرىمەن كورۋىن قارسى الامىز، سونداي - اق شينجياڭ قىزمەتى جونىندە قۇندى پىكىر بەرۋلەرىڭىزدى ءۇمىت ەتەمىز.
اڭگىمە ماجىلىسىندە مەملەكەتتىك حالىق قۇرىلتايى قازىنا كوميتەتىنىڭ ورىنباسار مەڭگەرۋشى مۇشەسى شاۋ نيڭ جۇڭگو ەكونوميكاسىنىڭ دامۋ بەتالىسى جانە سايكەستى شارالارى جونىندە ءسوز سويلەدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىستە شينجياڭنىڭ ەكونوميكالىق، قوعامدىق دامۋىنىڭ نەگىزگى جاعدايىن تانىستىردى.
باتىس سولتۇستىكتەگى 5 ولكە، اۆتونوميالى رايوندىق حالىق قۇرىلتايى قازىنا كوميتەتتەرىنىڭ جاۋاپتىلارى ماجىلىستە ءسوز سويلەپ، ماجىلىسكە قاتىناسقان ءار ولكە، اۆتونوميالى رايون، قالا ۋاكىلدەرىنە سوڭعى جىلدارى ورىستەتىلگەن مەجە ەسەپتى تەكسەرۋ، باقىلاۋ جاعدايىن تانىستىرىپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن قايتكەندە دايەكتى تياناقتاندىرىپ، ۇكىمەتتىڭ جالپىلىق مەجە ەسەبىن، سوڭعى ەسەبىن تەكسەرۋدى، باقىلاۋدى كۇشەيتۋگە بولادى دەگەن ماسەلە جونىندە كەڭىنەن پىكىر اۋىستىرىپ، مەجە ەسەپتى تەكسەرۋدە، باقىلاۋدا ءدوپ كەلگەن قيىنشىلىقتار مەن ماسەلەلەرگە ساي تاتىمدى شارالار مەن ۇسىنىستاردى ورتاعا قويدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
