- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ول ارادا كوكونىس تولىق بولىپ، ەشقانداي باعا قوسىلمايدى
2014.12.09 11:00 كەلۋ قاينارى : شينجياڭ حالىق راديو ستانسياسى تورابى
ءتىلشى جاقىندا ءۇرىمجى قالاسىنىڭ كوكونىستەردى تىكە ساتۋ دۇكەنىنە بارىپ كوكونىس باعاسىنىڭ جاعدايىن ۇعىستى. تاڭەرتەڭ ەرتە، ءتىلشى جوعارى، جاڭا تەحنيكا رايونىنداعى كوكونىستەردى تىكە ساتاتىن ءبىر دۇكەنگە بارعاندا، ول جەردەن جاس قيار، بالدىركوك، قىپ-قىزىل قىزاناق، باكلاجان، جاسىل بۇرىش سياقتىلاردى كوردى. وسى كوكونىستەردىڭ باعاسى تولايىم ساتۋ باعاسىمەن بىردەي ەكەن. كوكونىستەردى تىكە ساتۋ دۇكەنىنىڭ جاۋاپتىسى ياڭ رۇن-ى:«ءار كۇنى ساعات 9 دان بۇرىن جيۋديڭ تولايىم ساتۋ بازارىنان كوكونىس جەتكىزىلەدى. بۇل ارادا كوكونىس تولىق بولىپ، ەشقانداي باعا قوسىلمايدى»،-دەدى.
سول ساتتە ءبىر جاقتا پاميدور ساتىپ الىپ جاتقان قالا تۇرعىنى جاڭ حۋاپيڭ: «ۇكىمەتتىڭ قۇرعان كوكونىستەردى تىكە ساتۋ دۇكەنى بۇقارا جونىنەن توتەنشە قولايلى، ءار قاشاندا باعاسى ارزان، زالالسىز كوكونىس ساتىپ الۋعا بولادى»،-دەدى.
انە-مىنە دەگەنشە تۇستەن كەيىن بولىپ، قاپالاقتاپ قار جاۋا باستادى، مۇنداي ارزان باعالى، جوعارى ساپالى كوكونىس تەك عانا از ساندى تىكە ساتۋ دۇكەندەرىندە عانا ساتىلاما؟ ءتىلشى تاعى دا ارالاپ بايقاپ كورمەك بولدى دا، حىنان كوشەسى مەن تيانجين كوشەسىنىڭ قيىلىسقان جول اۋىزىنداعى كوكونىستەردى تىكە ساتاتىن ءبىر دۇكەندە كوكونىس ساتىپ الىپ تۇرعان قالا تۇرعىنى جاڭ شۋفىنعا كەزىكتى، كوكونىس باعاسىنا ايالداعاندا ول: «ساتىپ العان كوكونىستەرىمنىڭ باعاسى لايىقتى»،-دەپ ماقتاي ءتۇستى.كوكونىستەردى تىكە ساتاتىن بىرنەشە دۇكەندى ارت-ارتىنان ارالاپ كورگەن ءتىلشى ءبارىنىڭ جاعدايىنىڭ قارايلاس ەكەنىن بايقادى، قارتتاردىڭ كوكونىس ساتىپ العانداعى شات-شادىمان بەينەسىن كورگەن ءتىلشىنىڭ كوڭىلىنە «وسىنشاما ارزان باعالى كوكونىس تەگى قايدان كەلۋدە» دەگەن سۇراق پايدا بولدى. ءۇرىمجى قالالىق ساۋدا ىستەرى مەكەمەسىنىڭ ورىنباسار باستىعى تۇرسىن ايسا: «كوكونىستەردى تىكە ساتۋ دۇكەندەرىندەگى كوكونىس 1-دارەجەلى بازاردىڭ تولايىم ساتۋ نەگىزىندە ەشقانداي باعا قوسىلماي تىكە ساتىلادى، مۇندا اينالىم بۋىنى ازايدى. ءبىز ماڭايداعى بازاردان 20% ارزان باعادا كوكونىس ساتۋدامىز»،-دەدى.
كوكونىستەردى تىكە ساتۋ دۇكەندەرىندەگى كوكونىستەر نەگىزىنەن كىرۋ باعاسىندا ساتىلۋدا ەكەن. الەۋمەتتىك اۆتوبوزدا، ءتىلشى قول تەلەفونىمەن، ءۇرىمجى قالاسىنداعى كوكونىستەردى تىكە ساتاتىن بارلىق دۇكەندەردى تەكسەرىپ كوردى. تەكسەرۋ بارىسىندا ول ءۇرىمجى قالاسىندا 2011-جىلدان باستاپ تۇتاس قالادا كوكونىستەردى تىكە ساتۋ دۇكەندەرىن قۇرۋ جوسپارلانىپ، قازىرگە دەيىن 527 تىكە ساتۋ دۇكەنى قۇرىلعاندىعىن بايقادى. مۇنان تىس، ءۇرىمجى قالاسى يۇننان ولكەسىندە كوكونىس ەگۋ بازاسىن قۇرىپ، قازاننىڭ سوڭىندا ءار كۇنى ءبىر مىڭ 200 توننا جاس كوكونىستى وندىرىلگەن جەرىنەن تىكە ۇرىمجىگە جەتكىزگەن. سونىمەن بىرگە ءۇرىمجى قالاسى تاعى دا شاندۇڭ، لانجوۋ سياقتى جەرلەردە كوكونىس بازاسىن قۇرعان، وسىلايشا ءۇرىمجى قالاسى تۇرعىندارىنىڭ قىستا كوكونىس ساتىپ الۋىنىڭ قيىن بولۋ، كوكونىس قىمبات بولۋ سياقتى قيىن ماسەلەلەرىن تۇبەگەيلى شەشتى. كوكونىس ساتىپ الۋدان سىرت، ءار جىلى مەرەكە-مەيرامداردا، ءۇرىمجى قالاسىنىڭ تۇرعىندارى ۇكىمەت بەكىتكەن زاپاس ەت ساتۋ ورىندارىنان ارزان دا ساپالى سيىر جانە قوي ەتىن ساتىپ الۋىنا بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
