- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇس جولى كوگىلدىر كوگىنەن كورىنگەنءۇرىمجى اتموسفەراسىنا نازار 6
2015.01.30 14:20 كەلۋ قاينارى : شينجياڭ حالىق راديو ستانسياسى تورابى
ءۇرىمجى اتموسفەراسىن وڭاۋعا ساياسي كەڭەس مۇشەلەرىنىڭ سىڭىرگەن ەڭبەگى زور بولدى. ساياسي كەڭەس مەملەكەتتىك 11-كەزەكتى كوميتەتىنىڭ 1-جالپى ءماجىلسىندە، شينجياڭنان بارعان ساياسي كەڭەس مۇشەلەرى-ءۇرىمجىنىڭ «كوگىلدىر اسپان ينجەنەرياسىن» كوبىرەك تىلگە الىپ، تالقى تاقىرىبىنا اينالدىردى. سول جىلعى ۇكىمەت قىزمەتىنەن جاسالعان بايادامادا، ۋىن جياباۋ جولداس «مەملەكەتىمىزدىڭ تاۋى جاسىل جەلەك جامىلعان، ءتۇبى كورىنەتىن تۇنىق وزەنى، كوگىلدىر كوك اسپانى بولۋى كەرەك» دەپ اتاپ كورسەتتى. سونىمەن، ءۇرىمجىنىڭ «كوگىلدىر اسپان ينجەنەرياسى» قاتىستى تاراۋلاردىڭ نازارىنا، ءمان بەرۋىنە ىلىنە باستادى.
وتكەن عاسىردىڭ سوڭعى جىلدارى، قالا تۇرعىندارىنىڭ جاعدايىن ەسكەرگەن اۆتونوميالى رايون جانە ءۇرىمجى قالاسى مەملەكەتتىك كەڭەستىڭ ورنالاستىرۋىمەن، «ورتانى قورعاۋ زاڭىنداعى» قاتىستى بەلگىلەمەلەر بويىنشا اتموسفەرانىڭ بىلعانۋىن وڭاۋ جۇمىستارىن تىندىرىمدى ىستەدى. ولار شەكتەن تىس اۋانى لاستايتىن كاسىپورىنداردى زاڭ بويىنشا باقىلاۋدى كۇشەيتىپ، ءىشىنارا ورىنداردىڭ قۇرىلىسىن شەكتى مەرزىمدە وزگەرتۋگە بۇيىردى، ءىشىنارالارىن وندىرىستەن توقتاتتى،ءتىپتى كەيبىرىن قالا سىرتىنا كوشىردى. بۇعان تەك قالا تۇرعىندارى عانا ەمەس، ۇرىمجى قالاسىنا سىرتتان كەلۋشىلەر دە ءدان ريزا بولدى.
ورتانى جاسىلداندىرۋ اۋانى تازارتىپ ىس-تۇتەكتى جويۋدا نەمقۇرايدى قاراۋعا بولمايتىن فاكتور ەدى. قالا جاسىلدانسا ورتا كورىكتەنىپ قالماستان، اتموسفەرا جاقسارادى. ونىڭ ۇستىندە جاسىل وسىمدىكتەر شاڭ-توزاڭ، ىس-تۇتەكتى سىمىرىپ وتتەگىن ءبولىپ شىعارادى. سول جىلدارى، كوكتەم، كۇز ماۋسىمدارىندا قالا بويىنشا جالپى حالىقتىق مىندەتتى اعاش ەگۋ ناۋقانى جاپپاي ورىستەتىلىپ، وعان قالاداعى تۇرعىندار جابىلا ات سالىستى. كاسىپورىنداردىڭ ءوندىرىس سەحىنان ءار ءۇيدىڭ پەشىنە دەيىن جاعىلاتىن كومىردى تابيعي گازعا وزگەرتۋ ءۇرىمجى قالاسىنىڭ اتموسفەرانى جاقسارتۋداعى باسقان الىپ ادىمى بولماق. 1990-جىلدارى ءۇرىمجى قالاسىندا «قۇبىر ارقىلى تابيعي گاز جەتكىزۋ قۇرىلىسى» قالانىڭ اتموسفەراسىن بىلعانۋىن تازارتاتىن تاماشا قۇرىلىسقا اينالدى. 1991-جىلى جۇمىسىن باستاعان «قۇبىر ارقىلى تابيعي گاز جەتكىزۋ ينجەنەرياسىنىڭ» ءۇرىمجى رايونىنداعى قۇبىرىنىڭ جالپى ۇزىندىعى 1996-جىلدىڭ سوڭىنا دەيىن، 251 كيلومەترگە جەتكەن. 1997-جىلى 91 كيلومەتر جەرگە نەگىزگى قۇبىر جاتقىزىلىپ، 35 مىڭ وتباسىنا تابيعي گاز جەتكىزىلگەن. ال 1998-جىلى قالا رايونىندا 60 كيلومەتر جەرگە قۇبىر جاتقىزىلىپ كومىر جاعاتىن وتباسىلاردىڭ وشاعىنان شىققان تۇتىن بىرتىندەپ ازايعان. ءتىپتى بۇل قۇرىلىس ءۇرىمجى مۇناي حيميا ونەركاسىپ باس زاۆوتى سياقتى ءىرى كاسىپورىندارعا دەيىن جالپىلاسىپ، ولاردىڭ مورجالارىنان شىعاتىن تۇتىن بارىنشا ازايعان.
قىسقاسى، سول كەزدەن باستاپ اۆتونوميالى رايوننىڭ، ءۇرىمجى قالاسىنىڭ ورتانى قورعاۋ تاراۋلارى جاراقسىز گازدى ازايتۋعا بارىنشا كىرىسكەن. مۇندا باستىسى تازا ەنەرگيادان پايدالانۋ وي جەلسىن ايقىنداعان. جەل، سۋ، كۇن ەنەرگياسى، تابيعي گازدان پايدالانۋ سياقتىلاردىڭ ابزالدىعىن جەتە تانىپ، كوشە اۆتوبوزدارىن، ونان سوڭ ۇلكەندى-كىشىلى جەڭىل اۆتوموبيلدەردى تابيعي گازبەن جۇرگىزۋدى جەدەلدەتكەن. كومىردى نەگىزگى جانار زات ەتەتىن كاسىپورىن ءوندىرىس سەحتارىن بىرتىندەپ وزگەرتىپ، ولاردى تازا ەنەرگيادان پايدالانۋعا باستاعان. جىلۋ جۇيەلەرىندەگى پار قازاننىڭ جانار زات جابدىقتارىن وزگەرتۋ، كەمەلدەندىرۋ، كومىردى مانەرلەپ پايدالانۋ قىزمەتىن كۇشەيتىپ، ءۇرىمجىنى جىلۋمەن شوعىرلى قامداۋ ورىندارىن بىر تۇتاستاندىرىپ جىلۋ اۋماعىن كەڭەيتكەن. مەيلى اۆتونوميالى رايونداعى قاتىستى تارارۋلارى بولسىن، الدە قالانىڭ ورتانى قورعاۋ تاراۋلارى بولسىن اتموسفەرانى وڭاۋ جۇمىستارىن كۇش سالا ىستەپ كەلەدى. سول جىلدارى شينجياڭ كومىر الابى قۇرىلىس باسقارماسى ليۋحۋاڭگۋدەگى ورتەنىپ جاتقان كومىر الابىن تەكسەرىپ 4 جىلدان استام ۋاقىت شىعارىپ ءورتتى وشىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
