جۇڭگولىق – شەتەلدىك تىلشىلەر شينجياڭعا قادام تاستادى
جىبەك جولى مادەنيەتىنەن حابارلى بولىپ، دامۋدىڭ ءتىلسىم كۇشىن سەزىندى
2019.04.24 13:32 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 23 – كۇنى، ءۇرىمجى (ءتىلشى: جياڭ يوۋلين، ساۋ كاي، پان يىڭ) مەملەكەتتىك كەڭەس اقپارات كەڭسەسى ۇيىمداستىرعان جۇڭگولىق – شەتەلدىك تىلشىلەردىڭ شينجياڭعا ساپارى «جىبەك جولى ەكونوميكالىق بەلدەۋىنىڭ وزەكتى ءوڭىرى» تاقىرىبىنداعى تىلشىلىك ىستەۋ قيمىلى 4 – ايدىڭ 22 – كۇنى رەسمي باستالدى. 20 نەشە مەملەكەتتەن كەلگەن 30 نەشە ءتىلشى 9 كۇن ىشىندە شينجياڭداعى ءبىرتالاي جەرلەرگە بارىپ، اۆتونوميالى رايوننىڭ قوعامدىق دامۋى مەن ەكونوميكاسىنىڭ دامۋ جەتىستىكتەرىن كەڭىنەن ۇعىسادى.
شينجياڭ ۇيعۇر اۆتونوميالى رايونى ءتوراعاسىنىڭ ورىنباسارى ەركىن تۇنياز بىلاي دەدى: ازيا – ەۆروپا قۇرلىق كوپىرىندەگى ماڭىزدى ءتۇيىن بولعان، شينجياڭ ەجەلگى جىبەك جولىنداعى سارا داڭعىل ەسەپتەلەدى. ول مىنانى ءبىلدىردى: شينجياڭ قازىر وڭىرلىك قاتىناس تورابى ورتالىعىن، ساۋدا – ساتتىق جانە زات اينالىمى ورتالىعىن، فينانستىق قىزمەت وتەۋ ورتالىعىن، مادەنيەت، عىلىم – تەحنيكا جانە وقۋ – اعارتۋ ورتالىعىن، مەديتسينالىق قىزمەت وتەۋ ورتالىعىن بەلسەندى تۇردە قۇرىپ، جىبەك جولى ەكونوميكالىق بەلدەۋىنىڭ بويىنداعى ءارقايسى ەلدەرمەن اۋىس – كۇيىس جانە سەلبەستىك جاساۋدى جاپپاي تەرەڭدەتۋدە.
ۇعىسۋعا قاراعاندا، بۇل رەتكى قيمىلعا قاتىناسقان تىلشىلەر ا ق ش، بەلگيا، تۇركيا، رەسەي، قازاقستان قاتارلى ەلدەردىڭ اقپارات قۇرالدارىنىڭ تىلشىلەرى. ولار ءۇرىمجى، سانجى، قاشقار، اقسۋ، حوتان، بايىنعولىن موڭعۇل اۆتونوميالى وبلىسى مەن قىزىلسۋ قىرعىز اۆتونوميالى وبلىسى قاتارلى جەرلەرگە بارىپ، شينجياڭنىڭ ۇلتتاردىڭ مادەنيەتى، ءدىندى قورعاۋ، جوعارى – جاڭا تەحنيكانى دامىتۋ، كەدەيلىكتەن ارىلتۋدا قامال الۋ، قوس ءتىلدى وقىتۋ جانە ەكولوگيالىق قۇرىلىس قاتارلى جاقتاردا قول جەتكىزگەن جەتىستىكتەرىن جان – جاقتى ۇعىسادى.
«افعانستان كۇندەلىك كۇزەت گازەتىنىڭ» ءتىلشىسى سايد حۇجاراد زيا ۇرىمجىگە ەكىنشى رەت قادام تاستاعان. ونىڭ بۇل قالاعا دەگەن اسەرى وتە تاماشا. ول: «بۇل وركەنيەتتى دە اشىق قالا، بۇل جەردەن كوپ ۇلتتىڭ مادەنيەتىن كورۋگە بولادى»، — دەيدى.
شينجياڭ حالىقارالىق ءىرى بازارى كورىنىس رايونىندا ءماشىراپ ءبيىن بيلەپ جاتقان جۇرت سايد حۇجاراد زيانى باۋراپ الدى، ول: «بۇل ارادا قاي جەردەن بولسا دا ءان شىرقاپ، بيگە باسقان جۇرتتى كورۋگە بولادى، جۇرتتىڭ جۇزىندە قۋانىش لەبى ەسەدى، وتە كەرەمەت!» — دەيدى.
شينجياڭ ۇيعۇر اۆتونوميالى رايوندىق مۇراجايعا قويىلعان باتىس وڭىردەن تابىلعان ەرتەدەگى ادامنىڭ ءمايىتى يزرايليالىق ءتىلشى ەرەز ليندى قاتتى تاڭداندىردى. ول: «نەشە مىڭ جىلدىق تاريحى بار وسىنداي ارحەولوگيالىق بايلىقتى قازىپ الىپ، ونى وسىنداي بۇرىنعى بەينەسىندە ساقتاي الۋ، شىنىندا دا، وتە كەرەمەت ءىس»، — دەدى.
12 مۇقام كوركەمونەرى ۇيعۇر ۇلتىنىڭ ەرەكشەلىگىنە باي كوركەمونەر ءتۇرى، بۇل كوركەمونەر ءتۇرى ءان ايتۋ، مۋزيكا اسپاپتارىن شەرتۋ، ءبي بيلەۋ سىندى تاسىلدەردى ۇشتاستىرعان. شينجياڭ كوركەمونەر تەاترحاناسىنىڭ مۇقام كوركەمونەر ۇيىرمەسى الىستان كەلگەن قوناقتارعا ناعىز ۇلتتىق تۇسكە يە كوركەمونەر سالتاناتىن سيلادى. ايبىندى مۋزيكا ءۇنى ىشىندە ارتيستەردىڭ كاسىپتىك ونەرى ءۇندىستاندىق ءتىلشى شەح ءمانسۇردى تەرەڭ اسەرگە بولەدى. ويىن ءنومىرى اياقتاعان سوڭ دا، ول اسەرلەنگەن كۇيىن ۇزاققا دەيىن باسا المادى.
«تاعى ءبىر ءان ايتۋعا ۇسىنىس ەتسەم بولا ما؟ ەكى – اق مينۋت بولسا بولدى»، — دەدى شەح ءمانسۇر ءبىر ارتيسكە بارىپ: «وسىنشاما تارتىمدى ويىن ءنومىرىن قانشالىق ۇزاق تاماشالاساق تا قۇمارىمىز قاناتىن ەمەس»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
