يتاليا ەلىمىزگە قايتارىپ بەرگەن 796 مادەني مۇرالىق كوركەمونەر بۇيىمدارى بەيجيڭگە ءساتتى تۇردە جەتكىزىلدى
2019.04.11 16:16 كەلۋ قاينارى : حالىق تورابى
حالىق گازەتى، 4 – ايدىڭ 10 – كۇنى، بەيجيڭ (ءتىلشى: دۋ حايتاۋ) 4 – ايدىڭ 10 – كۇنى تاڭ ءسارى ساعات 6دان 54 مينۋت وتكەندە، استانا حالىقارالىق اۋەجايىنىڭ ۇشاق توقتاتۋ الاڭىنىڭ 565 – ورنىندا، بەيجيڭ كەدەنىنىڭ ناق مايداندا باقىلاۋ – باسقارۋىندا، يتاليا ەلىمىزگە قايتارىپ بەرگەن 769 مادەني مۇرالىق كوركەمونەر بۇيىمدارى 4 ارناۋلى جۇك قوراپتارى تاقتاسى ارقىلى CA950 كەزەكتى ۇشاعىنىڭ جۇك بولمەسىنەن ءتۇسىرىلدى. بۇل شەتەلدە ۇزاق جىل جاتقان جۇڭگونىڭ مادەني مۇرالارىنىڭ وتان قۇشاعىنا رەسمي قايتا ورالعانىن كورسەتەدى.
بۇل 796 دانا مادەني بۇيىم جەرگىلىكتى ۋاقىت بويىنشا 4 – ايدىڭ 9 – كۇنى ساعات 15تەن 20 مينۋت وتكەندە (بەيجيڭ ۋاقىتى بويىنشا 4 – ايدىڭ 9 – كۇنى ساعات 21دەن 20 مينۋت وتكەندە) يتاليانىڭ ميلان قالاسىنداعى مالپەنسا اۋەجايىنان جۇڭگو حالىقارالىق اۆياتسياسىنىڭ جولاۋشىلار ۇشاعىنا تيەلىپ جولعا شىققان. 8 ساعاتتىق ساپاردان سوڭ ۇشاق بەيجيڭدەگى استانا حالىقارالىق اۋەجايىنا جەتتى. ىلە – شالا، بەيجيڭ كەدەنى جۇكتى ءتۇسىرۋ، تۇگەندەۋ سياقتى كەدەننەن وتكىزۋ رەسميەتتەرىن دەرەۋ ورىندادى.
2007 – جىلى يتاليانىڭ مادەني مۇرا سالاسىنداعى ساياسي ساقشىلارى سول ەلدىڭ مادەني مۇرا نارىعىنا تەكسەرۋ جۇرگىزۋ بارىسىندا جۇڭگودان زاڭسىز جەتكىزىلۋ كۇمانى بار مادەني مۇرالىق كوركەمونەر بۇيىمدارىن بايقايدى دا، ەل ىشىندەگى ءادىليالىق تەرگەۋ تارتىپتەرىن دەرەۋ باستايدى. جۇڭگونىڭ مەملەكەتتىك مادەني مۇرا مەكەمەسى قاتىستى حاباردى بىلگەننەن كەيىن، يتاليانىڭ مادەني مۇرالاردى باسقارۋ تاراۋلارىمەن دەرەۋ بايلانىس جاساپ، جاسىرىن نارىقتا جۇرگەن مادەني مۇرالاردىڭ ىزىنە ءتۇسۋ جانە قايتارىپ اكەلۋ قىزمەتىن ورىستەتەدى. سودان كەيىن 10 جىلدان استام ۋاقىت ىزىنە ءتۇسۋ ارقىلى يتاليانىڭ سوتى ەڭ سوڭىندا 796 دانا مادەني مۇرالىق كوركەمونەر بۇيىمدارىن جۇڭگو جاققا وتكىزىپ بەرۋ ۇكىمىن شىعارادى. بيىل 3 – ايدىڭ 23 – كۇنى ەكى ەل باسشىلارىنىڭ بىرگە كۋاگەر بولۋىندا، جۇڭگو مەن يتاليا ەكى ەل ۋاكىلدەرى جۇڭگونىڭ جاسىرىن نارىقتا جۇرگەن 796 دانا مادەني مۇرالىق كوركەمونەر بۇيىمدارىن وتكىزىپ بەرۋ جونىندە كۋالىك الماستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
