پىڭ لييۋان كۋبا مەملەكەت ىستەرى كوميتەتى ءتوراعاسىنىڭ حانىمى گۋيستامەن كەزدەستى
2019.04.10 15:50 كەلۋ قاينارى : حالىق تورابى
حالىق گازەتى، 4 – ايدىڭ 9- كۇنى، بەيجيڭ. (ءتىلشى ۋاڭ يۋان) مەملەكەت ءتوراعاسى شي جينپيڭنىڭ حانىمى پىڭ لييۋان 4 – ايدىڭ 9 – كۇنى دياۋيۇيتاي مەملەكەتتىك قوناقجايىندا ەلىمىزگە ساپارلاي كەلگەن كۋبا مەملەكەت ىستەرى كوميتەتىنىڭ ءتوراعاسى ءارى مينيسترلەر كەڭەسىنىڭ ءتوراعاسى دياس كانالدىڭ حانىمى گۋيستامەن كەزدەستى.
پىڭ لييۋان گۋيستاعا ءتوراعا شي جينپيڭنىڭ ءتوراعا دياس كانالعا ىقىلاستى سالەمىن جەتكىزۋىن تاپسىردى. پىڭ لييۋان بىلاي دەدى: وتكەن جىلى 11 – ايدا، ءسىز ءتوراعا دياس كانالمەن بىرگە جۇڭگودا مەملەكەتتىك ىستەرمەن تابىستى ساپاردا بولدىڭىز، جارىم جىلعا جەتپەيتىن ۋاقىت ىشىندە جۇڭگوعا تاعى دا ساپارلاي كەلدىڭىز، بۇل جۇڭگو مەن جۇڭگو حالقىنا بولعان دوستىق سۇيىسپەنشىلىگىڭىزدى تولىق ايگىلەيدى. جۇڭگو مەن كۋبانىڭ ءداستۇرلى دوستىعى تەرەڭ. ءتوراعا دياس كانال ۋاكىل بولعان كۋبانىڭ جاڭا كەزەك باسشىلارى «ءبىر بەلدەۋ، ءبىر جولدى » بىرگە كوركەيتۋ دارىپتەمەسىن بەلسەنە قولداپ، جۇڭگو مەن كۋبانىڭ جان – جاقتى سەلبەستىگىن كۇشەيتۋگە كۇش سالدى. جۇڭگو مەن كۋبانىڭ سۇبەلى تابىستارعا قول جەتكىزۋىن، دوستىعىنىڭ ماڭگى جالعاسۋىن تىلەيمىن.
پىڭ لييۋان گۋيستانىڭ جۇڭگو مەن كۋبا اراسىنداعى گۋمانيتارلىق اۋىس – كۇيىستى ىلگەرىلەتۋ جولىنداعى بەلسەندى قۇلشىنستارىن جوعارى باعالادى. پىڭ لييۋان بىلاي دەدى: كۋبانىڭ مادەنيەت – كوركەمونەرى باي مازمۇندى، داڭقتى. ەكى جاقتىڭ مادەنيەت – كوركەمونەر جانە ساياحات سالاسىنداعى اۋىس – كۇيىس پەن سەلبەستىكتى كۇشەيتىپ، ەكى ەل حالقىنىڭ اراسىن جاقىنداتا ءتۇسۋىن ءۇمىت ەتەمىن. پىڭ لييۋان ءوزىنىڭ ب م ۇ – نىڭ وقۋ – اعارتۋ، عىلىم – تەحنيكا، مادەنيەت ۇيىمىنىڭ قىز بالالار مەن ايەلدەر وقۋ – اعارتۋى جاعىنداعى ەرەكشە ەلشىسى، سونداي – اق، دۇنيە جۇزىلىك دەنساۋلىق ساقتاۋ ۇيىمىنىڭ تۋبەركۋلەز اۋرۋى مەن ءايدس اۋرۋىنان ساقتانۋ جانە ەمدەۋ باس ەلشىسى بولىپ ىستەگەن قىزمەتتەرىن تانىستىردى، جۇڭگونىڭ وقۋ – اعارتۋ، دەنساۋلىق ساقتاۋ سالاسىنداعى تابىستى تاجىريبەلەرىمەن ءبولىستى، جۇڭگو مەن كۋبانىڭ وسى سالالارداعى اۋىس – كۇيىس سەلبەستىگىن كۇشەيتىپ، دۇنيە جۇزىلىك وقۋ – اعارتۋ، دەنساۋلىق ساقتاۋ ىستەرىنىڭ دامۋىن، العا باسۋىن ىلگەرىلەتۋگە بىرلىكتە ۇلەس قوسۋىن ءۇمىت ەتەمىن.
گۋيستا پىڭ لييۋانعا ءتوراعا دياس كانالدىڭ ءتوراعا شي جينپيڭگە ىقىلاستى سالەمىن، ىزگى تىلەگىن جەتكىزۋىن تاپسىردى، كۋبا حالقىنىڭ جۇڭگو مادەنيەتىن ۇناتاتىنىن، جۇڭگو حالقىنا دەگەن تەرەڭ دوستىق سۇيىسپەنشىلىكتەرىن ءبىلدىردى. كۋبانىڭ جۇڭگونىڭ 70 جىلدان بەرگى دامۋىندا قول جەتكىزگەن سۇبەلى تابىستارىنا سۇيىنەتىنىن، جۇڭگونىڭ ۇزاق ۋاقىتتان بەرى كورسەتكەن قولداۋلارى مەن كومەكتەرىنە العىس بىلدىرەتىنىن ايتىپ، كەلەر جىلى ەكى ەلدىڭ ديپلوماتيالىق قارىم – قاتىناس ورناتقاندىعىنىڭ 60 جىلدىعىنا وراي، گۋمانيتارلىق اۋىس – كۇيىستى ىلگەرىلەتۋدى، جۇڭگو مەن كۋبانىڭ ءداستۇرلى دوستىعىن بەكەمدەي ءتۇسۋىن ءۇمىت ەتتى.
كەلۋ قاينارى: حالىق تورابى
جاۋاپتى رەداكتورى : قاۋلا بەيسەن قىزى (پراكتيكانت)
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
