كادرلار قىزمەتىنە نازار
مىنا ولكەلەردە قوعام حاۋىپسىزدىگى مەڭگەرمەسىنىڭ (مەكەمەسىنىڭ) باستىقتارى پارتكومنىڭ تۇراقتى مۇشەسى بولىپ ءوسىرىلدى
2019.04.11 15:15 كەلۋ قاينارى : حالىق تورابى
جۇڭگو كوممۋنيستىك پارتياسى اقپارات تورابى، 4 – ايدىڭ 10 – كۇنى، بەيجيڭ (رىن جياحۇي) ج ك پ ورتالىق كوميتەتىنىڭ بەكىتۋىمەن، سۇن ليچىڭ شاندۇڭ ولكەلىك كوميتەتتىڭ تۇراقتى مۇشەسى بولىپ تاعايىندالدى.
جاريا ءومىر بايانىنا قاراعاندا، تەتە اعا باقىلاۋشى ساقشى شەنىنە يە سۇن ليچىڭ ورتالىق ءتارتىپ تەكسەرۋ كوميتەتىندە، قوعام حاۋىپسىزدىگى مينيسترلىگىندە قىزمەت ىستەگەن، وسىدان سوڭ، گۇيجوۋ ولكەسى باستىعىنىڭ كومەكشىسى، گۇيجوۋ ولكەلىك قوعام حاۋىپسىزدىگى مەڭگەرمەسىنىڭ باستىعى، گۇيجوۋ ولكەسى باستىعىنىڭ ورىنباسارى قاتارلى مىندەتتەردى اتقارعان، 2016 – جىلى 6 – ايدا ولكە اتتاپ، شاندۇڭ ولكەلىك ۇكىمەتتىڭ پارتگرۋپپا مۇشەسى، ولكەلىك قوعام حاۋىپسىزدىگى مەڭگەرمەسى پارتكومىنىڭ شۋجيى، ولكەلىك قوعام حاۋىپسىزدىگى مەڭگەرمەسىنىڭ باقىلاۋشىلار باستىعى بولعان، سول جىلى 7 – ايدا شاندۇڭ ولكەسى باستىعىنىڭ ورىنباسارى، ولكەلىك قوعام حاۋىپسىزدىگى مەڭگەرمەسىنىڭ باستىعى بولعان، بۇل جولى جاڭا مىندەتكە تاعايىندالعانعا دەيىن، وسى مىندەتتى اتقارعان.
ءتىلشى مىناعان نازار اۋداردى: 3 – ايدا ىشكى موڭعۇل اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى بولىپ تاعايىندالعان ياڭ ۋەيدۇڭ دا وسىنىڭ الدىندا قوعام حاۋىپسىزدىگى مەڭگەرمەسىنىڭ باستىعى مىندەتىن اتقارعان.
قازىر بۇكىل ەلىمىزدەگى ولكە، اۆتونوميالى رايون، توتە قاراستى قالالار ىشىندە، ولكە دارەجەلى پارتكومداردىڭ تۇراقتى مۇشەلەرىنەن كەمىندە 11 ادام قوعام حاۋىپسىزدىگى مەڭگەرمەسى (مەكەمەسى) باستىعى مىندەتىنەن وسىرىلگەن.
مىندەت وتەۋ كەشىرمەلەرى بويىنشا قاراعاندا، وسى 11 كادردىڭ ىشىندە حۋ جۋو ولكە اتتاپ ولكەلىك پارتكومنىڭ تۇراقتى مۇشەسى بولىپ تاعايىندالدى، مۇنان باسقا 10 كادردىڭ مىندەتى تۇگەل ولكە ىشىندە رەتتەلدى. حۋ جۋو تەتە اعا باقىلاۋشى ساقشى شەنىنە يە، وسىنىڭ الدىندا گۋاڭشي جۋاڭزۋ اۆتونوميالى رايونى ءتوراعاسىنىڭ ورىنباسارى، اۆتونوميالى رايوندىق قوعام حاۋىپسىزدىگى مەڭگەرمەسىنىڭ باستىعى مىندەتىن اتقارعان، ول 2018 – جىلى 10 – ايدا گانسۋ ولكەلىك پارتكومنىڭ تۇراقتى مۇشەسى بولىپ تاعايىندالىپ جوتكەلگەن.
جۋىردا جاڭا مىندەتكە تاعايىندالعان ياڭ ۋەيدۇڭ، سۇن ليچىڭنان سىرت، باسقا 9 كادر ولكە دارەجەلى پارتكومداردىڭ تۇراقتى مۇشەسى بولىپ وسىرىلگەننەن كەيىن، تۇگەل جاڭا مىندەتكە تاعايىندالدى. جاۋ فەي، دۇڭ شيانشىڭ، حۋ جيافۋ، ۋاڭ ليكى، حۋاڭ گۋانچۇن، دىڭ يۇڭ، جاڭ تاييۋان، حۋ جۋو قازىر وزدەرى تۇرعان ولكەلىك پارتكومنىڭ ساياسي – زاڭ كوميتەتىنىڭ شۋجيى، مۇندا حۋاڭ گۋانچۇن تاعى حۋنان ولكەلىك حالىق قۇرىلتايى تۇراقتى كوميتەتى مەڭگەرۋشىسىنىڭ ورىنباسارى بولىپ تاعايىندالعان، ليۋ جياڭ شيزاڭ اۆتونوميالى رايوندىق پارتكومنىڭ باس حاتشىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
