جاڭا جۇڭگو وسى ارادان العاشقى قادامىن باستى −
شيبايپو جاڭا ءداۋىردىڭ سىنىنان ءوتۋ جورىعىن باستادى (ايبىندى 70 جىل، جاڭا ءداۋىر جولىندا كۇرەس جۇرگىزۋ)
«حالىق گازەتىنىڭ» ءتىلشىسى جاڭ جىفىڭ
2019.04.11 16:10 كەلۋ قاينارى : حالىق تورابى
70 قانشا جىلدىڭ الدىندا زەڭبىرەك ءۇنى كوكتى جاڭعىرىقتىرىپ، راديو تولقىنى شار تاراپقا تارالىپ جاتتى، پارتيا ورتالىق كوميتەتى حىبەي ولكەسىنىڭ شيبايپو قىستاعىندا «ءۇش ۇلكەن شايقاسقا» جەتەكشىلىك ەتىپ شەشۋشى شايقاسقا قول جەتكىزدى، شيبايپودان اتتانعان جاۋىنگەرلەر بەيجيڭ قالاسىنا كىرىپ، سىناقتان ءوتتى، جاڭا جۇڭگونىڭ العاشقى قادامى وسىندا باسىلدى!
بيىلعى كوك شىبىق مەرەكەسىندە كوپتەگەن ادام حۋتو وزەنى بويىنداعى شيبايپوعا كەلىپ، وتكەن كۇندەردى ەسكە الدى. شاعىن تاۋ قىستاعى ۇلكەن تومعا ۇقسايدى، ونان ماشاقاتتى دا شۇعىلالى كۇرەس داستانىن وقۋعا بولادى، بۇل جاڭا داۋىردە سىننان ءوتۋ جورىعىنا ساۋلە شاشۋدا.
اسقاق رۋح جاڭعىرىققان جەردە توڭكەرىستىك رۋح ۇرپاقتان – ۇرپاققا جالعاسۋدا
«ەكى جاسىمدا اۋرۋعا شالدىقتىم، ءۇيىمىز وتە كەدەي ەدى، جازىلماسىمدى بىلگەن اكە – شەشەم مەنى ەسىك الدىنداعى تيىرمەن تاسىنا تاستاپ قويىپتى. سول كەزدە ءبىزدىڭ ۇيدە تۇراتىن دۇڭ بي – ۋ مەن ايەلى مەنى بايقاپ اسكەري ءبولىمنىڭ ەمحاناسىنا جەتكىزىپ، قۇتقارىپ الىپتى». شيبايپو قىستاعىندا تۇراتىن 73 جاستاعى پارتيا مۇشەسى يان چيڭحاي وتكەن ىستەردى اڭگىمەلەپ، كوزىنە جاس الدى. بۇل كۇندە الگى تيىرمەن تاسى ونىڭ ەسىك الدىندا ءالى تۇر.
يان چيڭحايدىڭ پارتياعا كىرگەنىنە 41 جىل بولىپتى، ونىڭ اعايى يان جىتيڭ كەزىندە قىستاق پارتيا ياچەيكاسىنىڭ شۋجيى بولىپتى. «اعايىم وتكەندە باسقالارعا توڭكەرىستىك اڭگىمەلەردى ۇنەمى ايتىپ بەرەتىن، سونىڭ ءبارى كوكەيىمدە سايراپ تۇر». ول بىلاي دەدى: «اعام كوز جۇمعان سوڭ سول اڭگىمەلەردى مەن جالعاستىرىپ ايتاتىن بولدىم، وسىلايشا كوپتەگەن ادامعا وتكەن تاريحتى ءتۇسىندىرىپ كەلەمىن».
شيبايپو ەسكەرتكىش سارايى سالىنعان سوڭ كوپتەگەن ادام العىس ايتۋ تۇرعىسىنان توڭكەرىستىك قايسەتتى جەرگە كەلەتىن بولدى. يان چيڭحاي ورتا ەسەپپەن ءار اپتادا جۇرتشىلىققا ەكى رەت توڭكەرىستىك اڭگىمەلەردەن «لەكسيا جاسايتىن» بولدى. جىلداردىڭ وتۋىمەن ونىڭ شاشى اعاردى، الايدا ونىڭ رۋحىندا وزگەرىس بولعانى جوق.
توڭكەرىستىك رۋح ۇرپاقتان – ۇرپاققا جالعاستى. ونىڭ قىزى يان ۋىنيان − 90 – جىلداردىڭ تۇلەگى، وداق مۇشەسى، ول 2013 – جىلى ۋنيۆەرسيتەتتى بىتىرگەن سوڭ اۋىلىنا كەلىپ، شيبايپو ەسكەرتكىش سارايىنىڭ ارناۋلى ءتۇسىندىرۋشىسى بولدى. «ەڭ سوڭعى ءبىر شىنى كۇرىشتى اسكەرلەرگە جەگىزدىك، ەڭ سوڭعى ءبىر قۇلاش كەزدەمەنى اسكەرلەردىڭ كيىنۋىنە ارنادىق، ەڭ سوڭعى كونە ماقتا كورپەنى دە اسكەرلەرگە بەرىپ، ەڭ سوڭعى سۇيەك سورپاسىن شايقاس الاڭىنا جەتكىزدىك». يان ۋىنيان ءار جولى وسى توڭكەرىستىك ءاندى ورىنداعاندا، جولاۋشىلاپ كەلۋشىلەر جىم – جىرتتىققا شومىپ، ءۇنسىز تىڭداپ، تەرەڭ ويعا شومادى.
شيبايپو − اسقاق رۋح جاڭعىرىققان جەر. «شيبايپو جەڭىستەن ءتىپتى دە زور جەڭىسكە قول جەتكىزۋدەگى بۇرىلىس ءتۇيىنى بولدى». شيبايپو ەسكەرتكىش سارايى زەرتتەۋ ءبولىمىنىڭ مەڭگەرۋشىسى كاڭ يانشين بىلاي دەدى: «‹ەكى سوزسىزدىك› − شيبايپو رۋحىنىڭ وزەكتى ماندەرىنىڭ ءبىرى، نەعۇرلىم جەڭىسكە جەتكەن سايىن سولعۇرلىم سەرگەك بولۋ كەرەك».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
