سالىق تولەۋشىلەر ساياساتتىڭ پايداسىنان شىن مانىندە يگىلىكتەندى
شينجياڭ سالىقتى ازايتۋدى، اقىنى تومەندەتۋدى تياناقتاندىرۋدى تىڭعىلىقتى ىلگەرىلەتتى، سالىق تولەۋشىلەر ساياساتتىڭ پايداسىنان شىن مانىندە يگىلىكتەندى
2019.05.30 15:43 كەلۋ قاينارى : شينجياڭ گازەتى
ءتىلشى حى حۇڭۋي 5 - ايدىڭ 27 - كۇنى ۇرىمجىدەن حابارلايدى. اۆتونوميالى رايونىمىز اشقان سالىقتى ازايتۋعا، اقىنى تومەندەتۋگە قاتىستى ساياساتتاردى تياناقتاندىرۋ جاعدايى جونىندەگى اقپار جاريالاۋ ماجىلىسىنەن ۇعىسۋىمىزعا قاراعاندا، بيىل جىل باسىنان بەرى رايونىمىز سالىقتى ازايتۋ، اقىنى تومەندەتۋ ساياساتتارىنان ءبىرسىپىراسىن ناقتىلاندىرۋدى، تياناقتاندىرۋدى بەلسەندى ىلگەرىلەتىپ، بازاردىڭ ومىرشەڭدىك كۇشىن ءونىمدى تۇردە قاۋلاتىپ، كاسىپورىندار مەن سالىق تولەۋشىلەر ساياساتتىڭ پايداسىنان شىن مانىندە يگىلىكتەنگەن.
سالىقتى ازايتۋ جاعىندا، ءبىرىنشى توقساندا، تۇتاس رايونىمىزداعى شاعىن، ۇساق كاسىپورىندارعا جالپىعا ءتيىمدى ساياسات بويىنشا 596 ميلليون يۋان سالىق ازايتىلعان، جەكەلەردىڭ تابىس سالىق سوماسىنان ارناۋلى ۇستەمەلەپ شىعارىپ تاستاۋ ساياساتى بويىنشا 139 ميلليون يۋان سالىق ازايتىلعان، ارتقان قۇن سالىق سالىستىرماسىن رەتتەۋ بويىنشا ءبىر ميلليارد 455 ميلليون يۋان سالىق ازايتىلعان.
اقىنى تومەندەتۋ جاعىندا، رايونىمىز قالا - قالاشىقتارداعى جەكە مەنشىككە جاتپايتىن ورىندارداعى جانە جەكە مەنشىگىندەگى ورىندارداعى ۇستەمەلەنىپ ەسەپتەلگەن جالپىلىق سالا بويىنشا جۇمىستانعان ادامداردىڭ ورتاشا ەڭبەكاقىسى ارقىلى جەكەلەر تاپسىراتىن قوعامدىق قامسىزداندىرۋ اقسى نەگىزگى سوماسىنىڭ ەڭ جوعارى جانە ەڭ تومەنگى شەگىن تەكسەرىپ بەكىتتى، جۇمىسشىلاردىڭ زەينەتاقى قامسىزداندىرۋىن، جۇمىسسىزدىق قامسىزداندىرۋىن، جۇمىس ۇستىندە جارالانۋ قامسىزداندىرۋىن ءبىر تۇتاس بولعان اقى تاپسىرۋ نەگىزگى سوماسى بويىنشا ولشەمىن تەكسەرىپ بەكىتتى، مەملەكەت تالاپ ەتكەن قوعامدىق قامسىزداندىرۋعا اقى تاپسىرۋ جيناقتىق سان مىندەتى رايونىمىزدا تياناقتانىپ، تۇتاس جىلدا ادام ىستەتەتىن ورىندار تاپسىراتىن قوعامدىق قامسىزداندىرۋ قاراجاتىنان 6 ميلليارد 200 ميلليون يۋان مولشەرىندە جەڭىلدەتىلەتىندىگى مەجەلەنۋدە.
پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، قوعامدىق قامسىزداندىرۋ اقى ولشەمىن تومەندەتىپ، قوعامدىق قامسىزداندىرۋ ءتۇزىمىن كەمەلدەندىرىپ، قوعامدىق قامسىزداندىرۋ قاراجاتىن الۋ - جيناۋ ءتۇزىلىسى رەفورماسىن ورنىقتى ىلگەرىلەتۋ ءۇشىن، بيىل 4 - ايدا اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ قوعامدىق قامسىزداندىرۋ اقى ولشەمىن تومەندەتۋ جونىندەگى اتقارۋ شاراسى»ن باسىپ تاراتىپ، 2019 - جىلى 5 - ايدىڭ 1 - كۇنىنەن باستاپ قوعامدىق قامسىزداندىرۋ اقى شاماسىن ىشكەرىلەي تومەندەتۋدى ايقىندادى.
بيىل جىل باسىنان بەرى اۆتونوميالى رايوننىڭ سالىق تاراۋلارى سالىقتى ازايتۋدى، اقىنى تومەندەتۋدى باستى تاقىرىپ ەتىپ، بايلىقتى توپتاپ، كۇشتەردى بىرىكتىرىپ، ناقتى، قاتاڭ شارالار ارقىلى سالىقتى ازايتۋ، اقىنى تومەندەتۋ قىزمەتىن ورنىقتى ىلگەرىلەتتى؛ ”حالىققا قولايلى سالىق ءبىتىرۋ كوكتەم سامالى ارەكەتى“ن ءۇرتىس 6 جىل ورىستەتىپ، ماسەلەنى باعدار ەتۋدەن جازباي، سالىقتى ازايتۋدى، اقىنى تومەندەتۋدى ارقاۋ ەتە وتىرىپ 4 ۇلكەن تۇردەگى 56 تارماق حالىققا قولايلى سالىق ءبىتىرۋ بويىنشا قىزمەت ەتۋ شاراسىن شىعاردى؛ وڭىرگە، سالىق تاپسىرۋشىعا، ساياسات تۇرىنە بولىنگەن سالىقتى ازايتۋ ساناعىن ەسەپتەۋ جۇيەسىن قۇرىپ، اقاۋسىزداندىرىپ، جاڭا ساياسات پەن كونە ساياساتتىڭ اينالىم جاعدايىنىڭ تولىق بەينەلەنۋىنە، اتقارعان ونىمدىلىگىنىڭ بارلىعىنىڭ تولىق ايگىلەنۋىنە كەپىلدىك ەتتى.
اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى اي شينلۋ مىنالاردى ءبىلدىردى: كەلەسى قادامدا ءارقايسى تاراۋ سايكەسە سەلبەسىپ، سالىقتى ازايتۋداعى، اقىنى تومەندەتۋدەگى ماڭىزدى شەشىمدەردى، ورنالاستىرۋلاردى باتىلدىقپەن تياناقتاندىرىپ، ەگجەي - تەگجەيلىلەندىرىپ، سالىقتى ازايتۋدىڭ، اقىنى تومەندەتۋدىڭ ءتۇرلى قىزمەتتەرىن ۇشتاستىرۋدى ءبىر تۇتاس سايكەستىرىپ، ساياساتتى اتقارۋدىڭ ەڭ تاماشا ونىمدىلىگىنە قول جەتكىزۋگە قۇلشىنادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
