ساۋدا مينيسترلىگى —
جۇڭگو – ا ق ش ەكى جاقتىڭ ەكونوميكا – ساۋدا ۇيىرمەسىنىڭ جەتەكشىلەرى ەكى ەل باسشىلارىنىڭ ماڭىزدى نۇسقاۋىنا ساي تىلدەسپەكشى
2019.06.21 15:10 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 20 – كۇنى، بەيجيڭ (ءتىلشى: چىن ۋەيۋەي، يۇي جياشين) ساۋدا مينيسترلىگىنىڭ اقپارات مالىمدەمەشىسى گاۋ فىڭ 6 – ايدىڭ 20 – كۇنى بىلاي دەدى: جۇڭگو مەن ا ق ش ەكى جاقتىڭ ەكونوميكا – ساۋدا ۇيىرمەلەرىنىڭ جەتەكشىلەرى ەكى ەل باسشىلارىنىڭ ماڭىزدى نۇسقاۋىنا ساي تىلدەسپەكشى. ەكى جاقتىڭ ەكونوميكا – ساۋدا ۇيىرمەلەرى ەكى ەل باسشىلارىنىڭ ماڭىزدى نۇسقاۋىن مۇقيات تياناقتاندىرىپ، وساكا سامميتى مەزگىلىندەگى ەكى ەل باسشىلارىنىڭ كەڭەسىنە قاتىستى دايىندىقتاردى ويداعىداي ىستەيدى.
گاۋ فىڭ سول كۇنى وتكىزىلگەن ساۋدا مينيسترلىگىنىڭ كەزەكتى تىلشىلەردى قابىلداۋ جيىنىندا مىنانى ءبىلدىردى: جۇڭگو جاقتىڭ جۇڭگو - ا ق ش ەكونوميكا – ساۋدا كەڭەسى جونىندەگى نەگىزگى پرينسيپى، مايدانى جانە پوزيتسياسى تۇراقتى، ايقىن، جۇڭگو جاق كوڭىل ءبولىپ وتىرعان وزەكتى ماسەلەلەر ويداعىداي شەشىم ەتىلۋى كەرەك.
اقپارات قۇرالدارىنىڭ «ا ق ش ۇكىمەتىنىڭ جۇڭگونىڭ ا ق ش – قا ەكسپورت ەتەتىن 300 ميلليارد ا ق ش دوللارىندىق تاۋارلارىنان الىناتىن كەدەن باجىسىن ۇستەمەلەۋ جونىندە پىكىر الۋ جيىنىن اشۋى» جونىندەگى سۇراققا گاۋ فىڭ مىنانى ءبىلدىردى: جۋىردان بەرى، ا ق ش – تىڭ يمپورت ساۋداگەرلەرى، بولشەك ساتۋ ساۋداگەرلەرى، جاساۋ كاسىبى سالاسىنداعى كاسىپورىندارى قاتارلىلاردىڭ جۇڭگونىڭ تاۋارلارىنان الىناتىن كەدەن باجىسىن ۇستەمەلەۋگە قارسىلىق ءبىلدىرۋ كوزقاراستارىن جارىسا جاريالاعانىنا، سونىمەن بىرگە، كەدەن باجىسىن ۇستەمەلۋدىڭ ا ق ش كاسىپورىندارى مەن جاي وتباسىلارىنا تيگىزەتىن ىقپالىنان ساقتانۋعا بولمايتىنى جونىندە الاڭداۋشىلىق بىلدىرگەنىنە نازار اۋدارىپ وتىرمىز. ساۋدا سايىسىندا ەشكىم جەڭىسكە جەتپەيدى. ەگەر ا ق ش جاق جۇڭگوعا سىڭار جاقتى ساۋدالىق شارالاردى اتقارۋ رايىنان قايتپاسا، ءوز ەلىنىڭ ەكونوميكاسىنىڭ دامۋى مەن حالقىنىڭ باقىتتى تۇرمىسقا كەنەلۋىنە اۋىر ىقپال جاسايتىنى داۋسىز.
گاۋ فىڭ بىلاي دەدى: جۇڭگو جاق كەدەن باجىسىن سىڭار جاقتى ۇستەمەلەۋ، ساۋدالىق قاقتىعىستاردى ءورشىتۋ سىندى ساۋدالىق زورەكەرلىك ارەكەتىنە باتىل قارسى تۇرىپ، قاجەتتى قارىمتا شارالاردى اتقارادى. ءبىز ا ق ش جاقتىڭ قاتە تاسىلدەردى تەزىرەك توقتاتىپ، ەكى جاقتىڭ كاسىپورىندارى مەن تۇتىنۋشىلارىنىڭ مۇنان دا زور زيانعا ۇشىراۋىنان، ءتىپتى دۇنيە ءجۇزى ەكونوميكاسىنا قۇلدىراۋ سيپاتىندىق ىقپال تۋدىرۋدان ساقتانۋىن، ماسەلەنى تەپە – تەڭ تۇرعىدا تىلدەسۋ ارقىلى شەشۋگە قاجەتتى شارت – جاعداي مەن ورتا جاراتۋعا قۇلشىنۋىن ءۇمىت ەتەمىز.
گاۋ فىڭ مىنانى ءبىلدىردى: جۇڭگو مەن ا ق ش دۇنيە جۇزىندەگى ەكى ءىرى ەكونوميكالىق تۇلعا، ەكونوميكالىق قۇرىلىمدارى ءوزارا ءبىرىن – ءبىرى تولىقتىرادى، بايلانىسى وتە تىعىز، ەكى جاقتىڭ مۇددەسى اسا زوردارەجەدە توعىسادى. ەكى جاق تەپە – تەڭ تۇرعىدا تىلدەسۋ ارقىلى ءبىر – ءبىرىنىڭ ۇيلەسىمدى مۇددەلەرىن ويلاستىراتىن بولسا، ماسەلەنى ۇيلەسىمدى شەشۋدىڭ جولىن، ءسوزسىز، تابۋعا بولاتىنىنا سەنىمىمىز كامىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
