«جۇڭگوداعى 2018 – جىلعى ەسىرتكى جاعدايى جونىندەگى مالىمەت» جاريالاندى
ەسىرتكى تۇتىناتىنداردىڭ سانى تۇڭعىش رەت ازايدى
2019.06.19 14:10 كەلۋ قاينارى : حالىق تورابى
■ مۇز ەسىرتكى حەرويننىڭ ورنىن باسىپ، «باستى ەسىرتكى بۇيىمىنا» اينالدى
■ باتىس سولتۇستىك، شىعىس سولتۇستىك وڭىرلەردە ەسىرتكى جاساۋ ارەكەتى كورنەكتى كوبەيدى
حالىق تورابى، 6 – ايدىڭ 18 – كۇنى، بەيجيڭ (ءتىلشى: جاڭ سۇڭ) مەملەكەتتىك ەسىرتكىنى تيۋ كەڭسەسى اقپار جاريالاۋ جيىنىن اشىپ، «جۇڭگوداعى 2018 – جىلعى ەسىرتكى جاعدايى جونىندەگى مالىمەتتى» جاريالادى. مالىمەتتە مىنالار اتاپ كورسەتىلگەن: 2018 – جىلى جۇڭگودا ەسىرتكى تۇتىناتىنداردىڭ سانى بۇكىل ەل جان سانىنىڭ %0.18ىن ۇستاپ، تۇڭعىش رەت تومەندەدى. ءبىر جىلدىق قۇلشىنىس بارىسىندا جۇڭگو ەسىرتكىنى تيۋ قىزمەتىندە كورنەكتى تابىستارعا قول جەتكىزدى، ەل ىشىندەگى ەسىرتكىنى تيۋ جاعدايى جالپى جاقتان جاقسارۋعا بەتالىپ، ۇزدىكسىز وڭالۋ سىندى وڭدى وزگەرىس بايقالدى. سونىمەن بىرگە، مالىمەتكە قاراعاندا، قازىر مۇز ەسىرتكى «باستى ەسىرتكى بۇيىمىنا» اينالعان، «ينتەرنەت + زات اينالىمى» ەسىرتكى ساۋدالاۋداعى باستى ءتاسىل بولعان.
مالىمەتكە قاراعاندا، 2018 – جىلى ەسىرتكىگە قاتىستى قىلمىستىق دەلولاردان جيىنى 109 مىڭ 600 دەلو انىقتالعان، قىلمىس كۇماندىلارىنان 137 مىڭ 400 ادام تۇتقىندالعان، ءتۇرلى ەسىرتكى بۇيىمدارىنان 67.9 توننا بۇيىم قولعا تۇسكەن؛ ەسىرتكى تۇتىناتىنداردان 717 مىڭ ادام – رەت انىقتالعان، 279 مىڭ ادام – رەت ءماجبۇرلى وڭاشالاۋعا الىنعان، 242 مىڭ ادام – رەت الەۋمەتتىك وڭىرلەردە ەسىرتكىدەن تيۋ، الەۋمەتتىك وڭىرلەردە ساۋىقتىرۋعا بۇيىرىلعان. 2018 – جىلدىڭ سوڭىنا دەيىن، بۇكىل ەلىمىزدە قازىرگى ەسىرتكى تۇتىناتىنداردىڭ سانى 2 ميلليون 404 مىڭ (ەسىرتكىدەن تيىلعانىنا ءۇش جىل بولىپ، قايتا شەككەنى بايقالماعانداردى، قازا بولعانداردى جانە شەكارادان شىعىپ كەتكەندەردى قامتىمايدى) ادام بولىپ، 2017 – جىلعى وسى مەزگىلدەگىمەن سالىستىرعاندا %5.8 تومەندەگەن. ەسىرتكى تۇتىناتىن 2 ميلليون 404 مىڭ ادامنىڭ ىشىندە، مۇز ەسىرتكىنى بەتالدى پايدالاناتىنداردىڭ سانى ءبىر ميلليون 350 مىڭ ادام بولىپ، %56.1ىن ۇستاعان، مۇز ەسىرتكى حەرويننىڭ ورنىن باسىپ، ەلىمىزدە بەتالدى پايدالاناتىنداردىڭ سانى ەڭ كوپ بولعان ەسىرتكى بۇيىمىنا اينالعان. سونىمەن بىرگە، ناشانى بەتالدى پايدالاناتىنداردىڭ سانى ۇزدىكسىز ارتىپ، 2018 – جىلدىڭ سوڭىنا دەيىن، بۇكىل ەلىمىز بويىنشا ناشانى بەتالدى پايدالاناتىنداردىڭ سانى 24 مىڭ ادام بولعان، 2017 – جىلعى وسى مەزگىلدەگىمەن سالىستىرعاندا %25.1 ارتقان.
مۇنان سىرت، ەسىرتكى تۇتىناتىنداردى باۋراۋ، جۇرتتى الجاستىرۋ ءۇشىن، ءىشىنارا ەسىرتكى ساۋداگەرلەرى ەسىرتكى تۇرلەرىن ۇزدىكسىز جاڭارتىپ، «اۋليە سۋى»، «ناتاشا»، «0 ءنومىرلى كاپسۋلا»، «فلۋرازون» قاتارلى جاڭا تيپتەگى ەسىرتكى بۇيىمدارى ۇزدىكسىز جارىق كورگەن، بۇل ەسىرتكىلەردى نەگىزىنەن جاستار مەن ورەندەر كوڭىل اشۋ ورىندارىندا بەتالدى تۇتىناتىن بولعان. مەملەكەتتىك ەسىرتكىنى تيۋ زەرتحاناسىنىڭ انىقتاۋىنشا، ءبىر جىل ىشىندە جاڭادان بايقالعان جاڭا رۋحاني اكتيۆتىك زاتتار 31 ءتۇرلى بولعان، جاڭا رۋحاني اكتيۆتىك زاتتاردىڭ جەدەل مولايىپ، كەڭىنەن تارالۋى قازىر دۇنيە ءجۇزى ءدوپ كەلىپ وتىرعان كورنەكتى ماسەلەگە اينالدى. سونىمەن بىرگە، ينتەرنەت، زات اينالىمى ارقىلى جولداما جىبەرۋ قاتارلى جاڭا كاسىپتەردىڭ قاۋىرت دامۋىنا ىلەسە، «ينتەرنەت + زات اينالىمى» ەسىرتكى تاسىپ ساتۋداعى باستى تاسىلگە اينالعان.
سوققى بەرۋ جاعىندا، 2018 – جىلى جۇڭگو ەل ىشىندەگى ەسىرتكى جاساۋ دەلولارىنان 412 دەلونى انىقتاپ، ەسىرتكى جاساۋ اپاندارىنان 268 ورىندى تالقانداعان، 14.7 توننا ەسىرتكىنى قولعا تۇسىرگەن، 2017 – جىلداعىمەن سالىستىرعاندا جەكە – جەكە %30.8، %15.5 جانە %37 تومەندەگەن. ۇزدىكسىز قاتاڭ سوققى بەرۋ جانە جونگە سالۋ ارقىلى ەل ىشىندەگى ەسىرتكى جاساۋ قىلمىستىق ارەكەتتەرىنە اۋىر سوققى بەرىلىپ، ەسىرتكى جاساۋدا بۇرىننان ءتۇيىندى ولكە سانالاتىن گۋاڭدۇڭ ولكەسىندە قاينارىنان باستاپ ازايۋ بايقالدى، جىل بويى ەسىرتكى جاساۋ دەلولارىنان 42 دەلو انىقتالىپ، ەسىرتكى جاساۋ اپاندارىنان 28 ورىن تالقاندالدى، 1.65 توننا ەسىرتكى قولعا ءتۇستى، 2017 – جىلداعىمەن سالىستىرعاندا جەكە – جەكە %70، %56 جانە %71 تومەندەدى، ەسىرتكى جاساۋ ارەكەتى ۇزدىكسىز تۇردە باسقارۋى – تەجەۋى السىزدەۋ وڭىرلەرگە قاراي جوتكەلدى، بۇرىن ەسىرتكى جاساۋ ارەكەتى ءبىرشاما از بايقالاتىن باتىس سولتۇستىك، شىعىس سولتۇستىك وڭىرلەردە ەسىرتكى جاساۋ ارەكەتى كورنەكتى كوبەيدى.
الايدا، «التىن اتىراۋ»، «التىن جاڭا اي» جانە وڭتۇستىك امەريكا قاتارلى شەكارا سىرتىنداعى ەسىرتكى قاينارلارىنىڭ جۇڭگوعا «كوپ باعىتپەن شەكارادان كىرىپ، تۇتاس شەپ بويىنشا ءسىڭۋى» سىندى كۇردەلى جاعداي ءالى دە وزگەرمەدى. شەكارا سىرتىنداعى ەسىرتكى ساۋدالاۋشى كۇشتەر مەن شەكارا ىشىندەگى ەسىرتكى ساۋدالاۋشىلار ەسىرتكى ساۋدالاۋ تورابىن قۇرىپ، ەسىرتكى ساۋداگەرلەرىنىڭ توپتىق قۇرىلىمى اناعۇرلىم كۇردەلىلەنە ءتۇستى، ەسىرتكى ساۋدالاۋ جولدارى ۇزدىكسىز وزگەرىپ، ەسىرتكى ساۋدالاۋ كولەمى ۇزدىكسىز زورايدى، ەسىرتكى ساۋدالاۋ تاسىلدەرى ۇزدىكسىز جوعارىلادى، ەسىرتكىنىڭ رەال زالالى مەن كومەسكى حاۋىپ – قاتەرى ونان ارى زورايۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
