بانكە – قامسىزداندىرۋ ىستەرىن باقىلاۋ – باسقارۋ كوميتەتى تۇتىنۋشىلاردىڭ ۇقىق – مۇددەسىن قورعاۋ مەكەمەسى حاۋىپ – قاتەر ەسكەرتۋىن جاريالادى
زاڭسىز ەلەمەنتتەردىڭ ەسەپ – حيساپقا قاتىستى الدامكوستىك ىستەۋىنەن ساق بولايىق
2020.07.06 14:28 كەلۋ قاينارى : حالىق تورابى
جۋىردا، ءىشىنارا جەرلەردە زاڭسىز ەلەمەنتتەر جۇڭگو بانكە – قامسىزداندىرۋ ىستەرىن باقىلاۋ - باسقارۋ كوميتەتىنىڭ قۇجاتتارىن جالعاننان جاساپ، تۇتىنۋشىلارعا ەسەپ – حيساپ ءنومىرىڭىز مۇزداتىلدى دەپ وتىرىك ايتۋ ارقىلى الدامكوستىك ىستەگەن.
وسىعان باعىتتاي وتىرىپ، جۇڭگو بانكە – قامسىزداندىرۋ ىستەرىن باقىلاۋ - باسقارۋ كوميتەتى تۇتىنۋشىلاردىڭ ۇقىق – مۇددەسىن قورعاۋ مەكەمەسى حاۋىپ – قاتەر ەسكەرتۋىن جاريالاپ، بارشا تۇتىنۋشىلارعا مىنانى ەسكەرتتى: جۇڭگو بانكە – قامسىزداندىرۋ ىستەرىن باقىلاۋ – باسقارۋ كوميتەتى مەن ونىڭ قاراماعىنداعى قۇرىلىمداردىڭ ءارقانداي ورىننىڭ نەمەسە جەكەنىڭ بانكەدەگى ەسەپ – حيساپ ءنومىرىن تىكەلەي مۇزداتۋ ۇقىعى جوق، تۇتىنۋشىلار حاۋىپ – قاتەردەن ساقتانۋ تانىمىن جوعارىلاتىپ، الدانىپ قالۋدان اباي بولۋى، قارجى جاعىنان زيانعا ۇشىراۋدان ساقتانۋى كەرەك.
بانكە – قامسىزداندىرۋ ىستەرىن باقىلاۋ – باسقارۋ كوميتەتى تۇتىنۋشىلاردىڭ ۇقىق – مۇددەسىن قورعاۋ مەكەمەسىنىڭ قاتىستى جاۋاپتىسىنىڭ تانىستىرۋىنشا، زاڭسىز ەلەمەنتتەردىڭ ۇنەمى قولداناتىن ءتاسىلى مىناداي: ەڭ الدىمەن، ينتەرنەت ارقىلى قولايلى تۇردە قارىز الۋعا، شاعىن سومادا قارىز الۋعا بولادى دەگەن جەلەۋمەن تۇتىنۋشىلارعا حابارلاسىپ، تۇتىنۋشىلاردى دەتال تۇسىرۋگە جانە وعان تىركەلۋگە نەمەسە جەكەلىك ينفورماتسيالارىن بەرۋگە شىرعالايدى. ونان سوڭ، تۇتىنۋشىلار بەرگەن ينفورماتسيا دۇرىس ەمەس، ەسەپ – حيساپ نومىرىندە وزگەشە جاعداي بايقالدى دەگەن سىلتاۋلارمەن بانكە – قامسىزداندىرۋ ىستەرىن باقىلاۋ – باسقارۋ كوميتەتى قاراجاتتى مۇزداتتى دەپ ۇقتىرادى. سونىمەن بىرگە، «جۇڭگو بانكە – قامسىزداندىرۋ ىستەرىن باقىلاۋ – باسقارۋ كوميتەتى كەڭسە مەڭگەرمەسىنىڭ قۇجاتى»، «جۇڭگو بانكە – قامسىزداندىرۋ ىستەرىن باقىلاۋ – باسقارۋ كوميتەتىنىڭ ×× ەسەپ – حيساپ ءنومىرىن مۇزداتۋ جونىندەگى ۇقتىرۋى» قاتارلى ماتەريالداردى جالعاننان جاسايدى، ياكي، بانكە كارتۋچكاسىن مۇزداتۋ جاعدايىنىڭ قيما سۋرەتى قاتارلىلاردى جولداپ، تۇتىنۋشىلاردان كەپىلدىك سوما، كۋالاندىرۋ سوماسى قاتارلى قاراجاتتاردى تاپسىرۋدى تالاپ ەتىپ، سوندا عانا مۇزداتىلعان ەسەپ – حيساپ ءنومىرىن قالپىنا كەلتىرۋگە بولادى، ايتپەگەندە، زاڭدىق جاۋاپكەرشىلىك ارقالايسىز دەپ ۇقتىرادى.
بۇل جونىندە، اتالعان جاۋاپتى ادام بىلاي دەپ ەسكەرتتى: جۇڭگو بانكە – قامسىزداندىرۋ ىستەرىن باقىلاۋ – باسقارۋ مەكەمەسى مەن ونىڭ قاراماعىنداعى قۇرىلىمداردىڭ ءارقانداي ورىننىڭ نەمەسە جەكەنىڭ بانكە ەسەپ – حيساپ ءنومىرىن تىكەلەي مۇزاتۋ ۇقىعى جوق، تۇتىنۋشىلاردان ءارقانداي فورماداعى كەپىلدىك سوما، كۋالاندىرۋ سوماسى قاتارلى قاراجاتتاردى الۋى تىپتەن مۇمكىن ەمەس. تۇتىنۋشىلار حاۋىپ – قاتەردەن ساقتانۋ تانىمىن جوعارىلاتۋى كەرەك، ەگەر قاراجاتتى اينالىسقا ءتۇسىرۋدى قاجەت ەتسە، وندا رەسمي جولدارمەن فينانس قۇرىلىمدارى ارقىلى جۇمىس ءبىتىرۋى كەرەك.
مۇنان سىرت، بوتەن نومىرمەن حابارلاسقان تەلەفونمەن، رەسمي ەمەس ينتەرنەتتىك جولدارمەن «تومەن ءوسىمدى، قولايلى قارىز بەرۋ»، «كەپىلگە زات قويمايتىن، كەپىلگە ادام شاقىرمايتىن» قارىز بەرۋ قىزمەتى تۇرلەرىن تانىستىرعان ارەكەتتەرگە، تۇتىنۋشىلار ساقتىقتى كۇشەيتۋى، جەكەلىك ينفورماتسيالارىن قورعاۋعا كوڭىل ءبولۋى، بەلگىسىز جالعانىمداردى الباتى باسپاۋى، بەلگىسىز ەسەپ – حيساپ نومىرلەرىنە نەمەسە جەكەلەرگە اقشا سالماۋى كەرەك. وسى تەكتەس الدامكوستىكتەردى بايقاعان ساتتە، تۇتىنۋشىلار الدانىپ قالۋدان ساق بولۋى ءارى قوعام حاۋىپسىزدىگى ورگاندارىنا دەلو مالىمدەپ، قاتىستى ورىنداردى ءجىپ ۇشىمەن قامداۋى كەرەك. فينانس جاعىنداعى قىزمەت وتەۋ تۇرلەرىن تۇسىنبەگەن كەزدە، رەسمي جولدار ارقىلى قاتىستى فينانس قۇرىلىمدارى مەن باقىلاۋ – باسقارۋ تاراۋلارىنان كەڭەس سۇراۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
