سينگاپۋردىڭ بۇرىنعى پرەمەر – مينيسترى لي گۋاڭياۋ ومىردەن وزدى

2015.03.23 17:31   كەلۋ قاينارى : حالىق تورابى

　　سينگاپۋر پرەمەر – مينيستر كەڭسەسىنىڭ 23 – ناۋرىزدا جاريالاعان حابارلاندىرۋعا قاراعاندا، سينگاپۋردىڭ بۇرىنعى پرەمەر – مينيسترى لي گۋاڭياۋ ناۋقاس سەبەبىنەن سول كۇنى تۇنگى ساعات 3تەن 18 مينۋت وتكەندە 91 جاسىندا ومىردەن وزدى. جوعارىداعى سۋرەت 2014 – جىلى 9 – تامىزدا لي گۋاڭياۋ سينگاپۋردىڭ تاۋەلسىزدىك العاندىعىنىڭ 49 جىلدىعىن قۇتتىقتاۋ قيمىلىندا تۇسىرىلگەن. شينحۋا اگەنتتىگى (دىڭ جىۋەي فوتوسى)

　　شينحۋا تورابى، 23 – ناۋرىز، سينگاپۋر. سينگاپۋر پرەمەر – مينيستر كەڭسەسىنىڭ 23 – ناۋرىزدا جاريالاعان حابارلاندىرۋعا قاراعاندا، سينگاپۋردىڭ بۇرىنعى پرەمەر – مينيسترى لي گۋاڭياۋ ناۋقاس سەبەبىنەن سول كۇنى تۇنگى ساعات 3تەن 18 مينۋت وتكەندە 91 جاسىندا ومىردەن وزدى.

　　سينگاپۋردىڭ پرەمەر – مينيسترى لي شيانلۇڭ قايعىلى كوڭىل كۇيمەن بۇل حاباردى بۇكىل ەل حالقىنا جەتكىزدى، ءولىمدى جونەلتۋ كوميسسياسى ازا ءبىلدىرۋ جانە لي گۋاڭياۋدى جەرلەۋ سالتى تۋرالى ناقتى ورنالاستىرۋدى ايىرىم جاريالايدى.

　　لي گۋاڭياۋ اۋىر وكپە قابىنۋ ناۋقاسىنا شالدىققاندىقتان، 5 – ناۋرىزدا سينگاپۋر ورتالىق ەمحاناسىنا جاتىپ ەمدەلگەن. سينگاپۋردىڭ پرەمەر – مينيستر كەڭسەسى جۋىردا لي گۋاڭياۋدىڭ سالماقتى اۋرۋلاردى كۇتىمدەۋ بولمەسىندە ەمدەلىپ جاتقانىن، دەنساۋلىعىنىڭ بارعان سايىن ناشارلاعانىن حابارلاعان.

　　لي گۋاڭياۋ 1923 – جىلى قىركۇيەكتە تۋىلعان، 1959 – جىلدان 1990 – جىلعا دەيىن سينگاپۋردىڭ پرەمەر – مينيسترى مىندەتىن اتقارعان، كەيىن مەملەكەت ىستەرى اقىلشىسى جانە اكىمىشىلىك كەڭسەسىنىڭ اقىلشىسى مىندەتتەرىن 2011 – جىلى مامىر ايىنا دەيىن اتقارعان.

　　كەلۋ قاينارى: حالىق تورابى