ەگيپەتتەگى جاڭا زامانعا ساي ايەل ــ مەنىڭ كاسىپتىك ءومىرىم 50 جاستان باستالدى

2016.03.09 13:51   كەلۋ قاينارى : حالىق تورابى

　　حالىق تورابى، 8 – ناۋرىز، بەيجيڭ. سۋرەتتە: 2015 – جىلى 23 – جەلتوقسان، ەگيپەتتىڭ استاناسى كاير، سيحام موگازي سۋ ترۋبا بولشەكتەرىن ريمونتتاۋدا.

　　ول تىلشىگە بىلاي دەدى: ءبىز كەزىندە قاراپايىم سەميا بولدىق، كۇيەۋىمنىڭ تاپقانىمەن ءبىر سەميانى باعاتىنبىز، ول كەزدە، مەن بۇل ءبىزدىڭ تىرشىلىگىمىزدىڭ ماڭگىلىك تىرەگى بولادى دەپ ويلايتىنمىن. مەن بيىل 63 جاسقا كەلدىم، قازىر استانا كاير قالاسىنداعى قان بازاردا ءوزىمنىڭ مەتال بۇيىمدار دۇكەنىم بار. نەكەدەن اجىراسقان سەبەپتى، وتباسىنىڭ اۋىرتپاشىلىعىن موينىما الۋىما تۋرا كەلدى، باستابىندا تىگىنشى، اسپاز، تازالىقشى بولىپ ىستەدىم، ءبىراق بارلىق كاسىپ مەنىڭ وتباسىمدى باعۋىما سەبىن تيگىزە المادى، سوڭىندا قۇبىر ريمونتشىسى بولۋعا بەكىدىم.

　　ەگيپەتتە، قۇبىر ريمونتشىسى بولۋ تەك ەرلەرگە ءتان كاسىپ. سەبەبى جۇمىس ورتاسى ناشار، دەنە ەڭبەگىن قاجەت ەتەدى، ەڭ ماڭىزدىسى وتباستارىن ارالاپ قىزمەت وتەۋگە تۋرا كەلەدى، سول سەبەپتى، بۇل كاسىپ ءارقايسى مەملەكەتتە ەرلەر عانا ىستەي الاتىن جۇمىس دەپ قارالىپ كەلەدى.

　　مەن 50 جاسقا كەلگەندە قۇبىر ريمونتتاۋدى ۇيرەنىپ، قۇبىر ريمونتشىسى بولدىم، ۇستازىم دا مەنەن كىشكەنە، ساباقتاستارىمنىڭ بارلىعى ەر كىسىلەر، ولار مەنىكى ويىنا كەلگەنىن ىستەگەندىك دەپ قارايتىن. كەيىنتىنەن مەندە كاسىپتىك تولىمدىلىق كۋالىگى بولسا دا، ەشكىم مەنى جۇمىسقا المادى. ول كەزدە مەنىڭ ەس ءبىلىپ قالعان بالام دا، مەنىڭ بۇلاي ىستەگەنىمدى ءجون كورمەيتىن. الگۇنگە دەيىن ەسىمدە، مەن العاش رەت وتباستارىن ارالاپ قىزمەت وتەگەن كەزىمدە، مەنى كورگەن ايەلدەر شوشىعانىنان سىلەيىپ قالاتىن،-دەيدى موگازي ءوزىنىڭ وتكەنىن ەسكە الىپ.

　　قازىر تابىسىم ءتاۋىر، جۇمسقا دەگەن قىزعىندىلىعىم سونشاما، كوپتەگەن كوڭىلسىز كۇندەردى ارتقا تاستادىم. اقىرىن – اقىرىن جۇرتشىلىق مەنىڭ جۇمىستى ەرلەردەن دە جاقسى ىستەيتىنىمدى بايقادى، كەيبىر وتباسىنداعى ايەلدەر حاۋىپسىزدىكتى ويلاپ، ۇنەمى مەنى جۇمىسقا شاقىرادى،-دەدى ول جۇمىستارىن ىڭعايلاي ءجۇرىپ. قازىر سيحام موگازي وزىنە ەكى جاس بالانى اۋىر جۇمىس ىستەۋگە كومەكشىلىككە العان.

　　مەنىڭ كاسىپتىك ءومىرىم 50 جاستان باستالدى، ومىرلىك تاجيربيەم ماعان كۇيەۋىمنەن ايرىلۋدىڭ قاسرەتتى ءىس ەمەس ەكەنىن، ادامداردىڭ دا كوزقاراسىن وزگەرتۋگە بولاتىنىن ۇيرەتتى، مەن ءومىرىمىنىڭ سوڭىنا دەيىن كاسىبىممەن شۇعىلدانۋعا پەيىلمىن-دەدى ول.

　　كەلۋ قاينارى: حالىق تورابى