قيانات جاساۋ جانە ءىرىپ – ءشىرۋ كۇمانىنا ىلىنگەن پەرۋدىڭ بۇرىنعى پرەزيدەنتى گارسيا وزىنە – ءوزى وق شىعاردى

2019.04.18 15:38   كەلۋ قاينارى : حالىق تورابى

　　سۋرەتتە: الان گارسيا پەرۋدىڭ استاناسى ليما قالاسىنداعى داۋىس بەرۋ ورنىندا داۋىس بەرۋدە (2016 – جىلى 4 – ايدىڭ 10 – كۇنى). شينحۋا اگەنتتىگى (بيدال تارگي فوتوسى)


　　شينحۋا اگەنتتىگى، 4 – ايدىڭ 17 – كۇنى، ليما (ءتىلشى: جاڭ گويىڭ) قيانات جاساۋ جانە ءىرىپ – ءشىرۋ كۇمانىنا ىلىنگەن پەرۋدىڭ بۇرىنعى پرەزيدەنتى الان گارسيا 4 – ايدىڭ 17 – كۇنى تاڭ سارىدە پەرۋ ءادىليا تاراۋىنىڭ ونى تۇتقىنداۋ بۇيرىعىن شىعارعانىن ەستىگەن سوڭ، وزىنە – ءوزى وق شىعارعان، قازىر ەمحاناعا جەتكىزىلىپ ەمدەلۋدە.


　　پەرۋ ءادىليا مەكەمەسىنىڭ سول كۇنى تاڭەرتەڭ جاريالاعان مالىمەتىندە قازىر تەكسەرىلىپ جاتقان گارسيانى 10 كۇن تۇتقىنداي تۇرۋ ايتىلعان، زاڭ اتقارۋشى ساقشىلار ىلە – شالا گارسيانىڭ تۇراعىنا بارىپ، ونى تۇتقىنداماق جانە تىنىتپەك بولعان. تۇتقىندالۋدان قۇتىلۋ ءۇشىن گارسيا ءوزىنىڭ باسىنا قاراتىپ وق شىعارعان.


　　سونىمەن بىرگە، گارسيا مىندەت اتقارعان كەزدە پرەزيدەنت سارايىنىڭ باس حاتشىسى مىندەتىن اتقارعان لۋيس ناۋا، پەرۋ مۇناي سەرىكتەستىگى باس ديرەكتورىنىڭ بۇرىنعى ورىنباسارى ميگەل اتاللا ت.ب. دەلوعا قاتىستى ادامدار تۇتقىندالعان.


　　پەرۋ ۇكىمەتىنىڭ جاريالاۋىنشا، گارسيانىڭ جاراقاتى اۋىر، قازىر ەمحانا وعان شۇعىل وپەراتسيا جاساۋدا.


　　قازىر 69 جاستاعى گارسيا ەكى رەت پەرۋدىڭ پرەزيدەنتى بولعان، 1985 – جىلدان 1990 – جىلعا دەيىن جانە 2006 – جىلدان 2011 – جىلعا دەيىن بيلىك باسىندا بولعان. برازيليا ءادىليا تاراۋلارى 2014 – جىلى ءىرىپ – شىرۋگە قارسى تۇرۋ بارىسىندا «اۆتوكولىك جۋۋ» تاقىرىبىندا تەكسەرۋ ارەكەتىن باستاپ، برازيلياداعى ءىرى قۇرىلىس سەرىكتەستىگىنىڭ ۇكىمەتتىڭ ينجەنەريالىق نىسانى توقتامىنا قول جەتكىزۋ ءۇشىن برازيليا مەن وڭتۇستىك امەريكا ەلدەرىندەگى ساياسي قايراتكەرلەرگە پارا بەرگەنى جونىندەگى دەلونى بايقاعان.


　　پەرۋ پروكۋراتۋراسى بىلاي دەپ قاراعان: گارسيا ەكىنشى رەت پرەزيدەنت مىندەتىن اتقارعان مەزگىلدە برازيليانىڭ ودەبرەچت سەرىكتەستىگىنەن پارا الىپ، اتالعان سەرىكتەستىكتىڭ ليما مەترو پويەزى نىسانىنىڭ توقتامىنا قول جەتكىزۋىنە كومەكتەسكەن. مۇنان سىرت، پروكۋراتۋرا جاق گارسيا برازيلياداعى ءبىر رەتكى ماجىلىسكە قاتىناسۋ اقىسى رەتىندە 100 مىڭ ا ق ش دوللارىن العان دەپ ايىپتاپ، بۇل اقشانىڭ دا ودەبرەچت سەرىكتەستىگىنىڭ باسقارۋىنداعى «پارا بەرۋ» قورىنان كەلگەن بولۋى مۇمكىن دەپ كۇماندانعان.


　　2018 – جىلى 11 – ايدىڭ 17 – كۇنى پەرۋدىڭ ەڭ جوعارى سوت مەكەمەسى گارسيانىڭ 18 اي ىشىندە شەكارادان شىعۋىنا بولمايدى دەپ بۇيىرعان.


　　كەلۋ قاينارى: حالىق تورابى