جاپونيا ەكونوميكاسىنىڭ ارتۋى دارمەنسىزدىك تانىتتى
حالىق گازەتىنىڭ جاپونيادا تۇراتىن ءتىلشىسى ليۋ جۇنگو
2020.01.06 14:23 كەلۋ قاينارى : حالىق تورابى
حالىق تورابى، 1 – ايدىڭ 6 – كۇنى، بەيجيڭ. جاپونيا ورتالىق بانكەسىنىڭ بىرنەشە كۇننىڭ الدىندا جاريالاعان 2019 – جىلى 12 - ايداعى كاسىپورىنداردىڭ قىسقا مەرزىمدى ەكونوميكالىق باقىلاۋ – تەكسەرۋ ناتيجەسىنە قاراعاندا، جاپونيانىڭ ءىرى تۇرپاتتى جاساۋ كاسىپورىندارىنىڭ سەنىمدىلىك كورسەتكىشى 0 بولىپ، 9 - ايداعى ساندى مالىمەتتەن 5 پايىز تومەندەپ، ءۇرتىس 4 ماۋسىم ناشارلاعان. دۇنيە ءجۇزى ەكونوميكاسىنىڭ ارتۋى دارمەنسىز بولعان جاعدايدا ، جاپونيا ەكونوميكاسىنىڭ ارتۋى تەبىنسىزدىك تانىتتى، كوپتەگەن قۇرىلىمدار 2020 - جىلى جاپونيا ەكونوميكاسىنىڭ ارتۋ قارقىنى % 0.5 بولىپ، 2019 - جىلدان تومەن بولادى دەپ مەجەلەدى.
جاپونيا ەكونوميكاسىنىڭ ارتۋىنىڭ جاقسى بولماۋى نەگىزىنەن جاساۋ كاسىبىندەگى قيىنشىلىق جانە ىشكى سۇرانىستىڭ ءالسىز بولۋىنان بەينەلەنەدى. جاپونيا قازىنا مينيسترلىگىنىڭ بايانداماسىندا كورسەتىلۋىنشە، دۇنيە ءجۇزى ەكونوميكاسىنىڭ قارقىنىنىڭ باياۋلاۋى سياقتى فاكتورلاردىڭ ىقپالىنان وتكەن جىلى 11 – ايدا جاپونيانىڭ ەكسپورت سوماسى وتكەن جىلدىڭ ۇقساس مەزگىلىندەگىدەن % 7 . 9 تومەندەپ، ءۇرتىس 12 اي ۇقساس مەزگىلدەگىدەن تومەندەگەن؛ وتكەن جىلى 11 - ايدا ونەركاسىپ - كەن شارۋاشىلىعىنىڭ ءوندىرىس كورسەتكىشى الدىڭعى ساناق مەزگىلىمەن سالىستىرعاندا % 0.9 تومەندەدى، جالعاستى ەكى اي بويى ءۇرتىس تومەندەدى.
وتكەن جىلى 10 – ايدىڭ 1 – كۇنى، جاپونيانىڭ تۇتىنۋ باجىسىنىڭ باجى مولشەرى % 8 تەن % 10كە ارتتى، بۇل ەكونوميكانىڭ نەگىزگى قوزعاۋشى كۇشتەرىنىڭ ءبىرى بولعان بولشەك ساتۋ مەن تۇتىنۋعا اۋىر ىقپال جاسادى. جاپونيانىڭ قوجالىق مينيسترلىگى جاريالاعان ساندى مالىمەتكە نەگىزدەلگەندە، 10 – ايدا جاپونيادا جان سانى ەكىدەن ارتىق وتباسىنىڭ ورتاشا تۇتىنۋ شىعىسى وتكەن جىلدىڭ ۇقساس مەزگىلىندەگىدەن % 5.1 تومەندەگەن. ەكونوميكا مينيسترلىگىنىڭ ساناعىنا قاراعاندا، 10 ايداعى بولشەك ساتۋ وتكەن جىلدىڭ ۇقساس مەزگىلىندەگىدەن % 7.1 تومەندەپ، 4 جارىم جىلدان بەرگى ەڭ زور تومەندەۋ بولعان. جوعارىداعى فاكتورلار 2019 – جىلدىڭ سوڭعى ماۋسىمىندا جاپونيا ەكونوميكاسىندا كەمەيۋ مۇمكىندىگىن تۋدىردى، ەكونوميكانىڭ ورنىقسىزدىق كۇيى جالعاستى ساقتالۋى مۇمكىن.
جاپونيا رۇيحۇي ۋنيۆەرسالدى زەرتتەۋ ورنى جۋىردا جاريالاعان دوكلاتتا بىلاي دەپ اتاپ كورسەتىلدى: جاپونيانىڭ ەكسپورتىندا ءوندىرىس جابدىقتارىنا قارجى قوسۋ قارقىنى باياۋلاپ، تۇتىنۋى دارمەنسىز بولدى. جاپونيا ۇكىمەتى ەكونوميكانى جەبەۋ ساياساتىن العا قويعانىمەن، ەكونوميكانىڭ ارتۋىن جەبەۋ دارەجەسىنە ءالى جەتە قويعان جوق، 2020 - جىلى جاپونيانىڭ ەكونوميكالىق ارتۋ مولشەرى % 0.5 اينالاسىندا بولىپ، تومەن ارتۋدى جالعاستى ساقتادى. سانجيڭ مال ـ مۇلىكتى باسقارۋ سەرىكتەستىگىنىڭ جوعارى دارەجەلى ستراتەگيالىق قارجى قوسۋ اقىلشىسى، سىچۋان ـ ياحاۋ بىلاي دەپ قارادى: حالىقارالىق جانە ەل ءىشى جاعدايىنىڭ ىقپالىنا ۇشىراپ، جاپونيا ەكونوميكاسى الداعى ءبىر مەزگىلدە ءالسىز ارتۋ كۇيىن ساقتايدى.
جاپونيا ۇكىمەتى وتكەن جىلى 12 – ايدىڭ سوڭىندا جاريالاعان ساناق ناتيجەسىنەن كورسەتىلۋىنشە، جاپونيانىڭ 2019 - جىلى تۋىلعان جان سانى 864 مىڭ ادام بولعان، بۇل وسى ساندى مالىمەت 1899 - جىلى ساناققا الىنعاننان بەرى تۇڭعىش رەت 900 مىڭ ادامعا قۇلدىراۋى. قاتىستى تالداۋشىلار بىلاي دەپ اتاپ كورسەتتى: جاپونيا جان سانى از، قارتتانۋ ماسەلەسى ۇزدىكسىز اۋىرلاپ، ەكونوميكاعا كولەڭكە ءتۇسىردى. جاپونيانىڭ جان سانى ۇزدىكسىز ازايىپ، كوپتەگەن كاسىپورىندار ەل ءىشى بازارىنىڭ بولاشاعىنا كوڭىل بولمەي، جابدىقتارعا قارجى قوسقىسى كەلمەي، ىشكى سۇرانىستى ناشارلاتتى. ال قارتتاردىڭ سالىستىرماسى شۇعىل ارتىپ، جاپونيانىڭ ەمدەۋ، زەينەتكەرلىك سياقتى قوعامدىق اۋىرتپالىعى ۇزدىكسىز اۋىرلاپ، جاپونيانىڭ قازىنا جاعدايى ناشارلادى. بۇل كوپتەگەن قارتتاردىڭ قوعامدىق قامتاماسىزداندىرۋ جونىندەگى سەنىمىن السىرەتىپ، قارتتاردى كۇتىنۋدى الدىن الا جوسپارلاپ، تۇتىنۋ شىعىسىن ازايتۋعا ءماجبۇر ەتتى، بۇل دا جاپونيانىڭ تۇتىنۋىنىڭ ىقشامدالۋىنداعى ماڭىزدى سەبەپ بولىپ تابىلادى.
جاپونيا ۇكىمەتى وتكەن جىلى 12 – ايدىڭ 5 – كۇنى جاڭا كەزەكتى ەكونوميكانى جەبەۋ جوسپارىن ورتاعا قويدى، ونىڭ جالپى كولەمى شامامەن 26 تريلليون جاپون يەنى (ءبىر امەريكا دوللارى 108 جاپون يەنى) بولىپ، الەۋمەتتىك قارجى قوسۋدى كەڭەيتۋ، تەحنيكالىق زەرتتەۋ – اشۋدى كۇشەيتۋ سياقتى شارالار ارقىلى جاپونيا ەكونوميكاسىنىڭ ارتۋىن جەبەۋدى ماقسات ەتتى.
جاپونيا ەكونوميكالىق ۇيىمدار بىرلەستىگىنىڭ باستىعى جۇڭشي حۇڭميڭ بىلاي دەپ قارادى: جاپونيانىڭ قازىرگى جالداۋ، ەڭبەكاقى ءتۇزىمى قازىرگى قوعامعا ۇيلەسە الماي وتىر، قاتىستى رەفورمالاردى جۇرگىزۋ قاجەت. جاپونيا ساۋدا - ونەركاسىپ قوعامى باستىعى سانسۇن ميڭفۋ جۋىردا بىلاي دەدى: قازىر جاپونيانىڭ ەڭبەكشى جان سانى جەتىسپەۋ ماسەلەسى كۇن سايىن اۋىرلاپ بارادى، (ورتاشا، شاعىن كاسىپورىندار) باسقارۋشىلارىنىڭ جاسى بارعان سايىن ۇلعايىپ، جابىلۋعا ءماجبۇر بولعان كاسىپورىندار ۇزدىكسىز كوبەيىپ، جاپونيا ەكونوميكاسىنىڭ دامۋىنا كەدەرگى بولىپ وتىر، سوندىقتان قاتىستى شارالاردى قولدانۋعا تۋرا كەلەدى .
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
