يتاليادا جاڭا تيپتى ايدارشا ۆيروس وكپە قابىنۋ ىندەتىمەن جۇعىمدالىپ دياگنوز قويىلعاندار سانى 10149 ادامعا جەتتى

2020.03.11 16:28   كەلۋ قاينارى : حالىق تورابى

　　شينحۋا اگەنتتىگى، 3 – ايدىڭ 10 – كۇنى، ريم (ءتىلشى: لي جيە) يتاليانىڭ ازاماتتىق ىستەر قورعاۋشى تاراۋىنىڭ جاۋاپتىسى، جاڭا تيپتى ايدارشا ۆيروس شۇعىل جاعدايلارعا توتەپ بەرۋ كوميتەتىنىڭ ارناۋلى قىزمەتكەرى بوررەلدىڭ 3 – ايدىڭ 10 – كۇنى ايتۋىنشا، جەرگىلىكتى ۋاقىت بويىنشا سول كۇنى ساعات 18گە دەيىن، يتاليادا جاڭا تيپتى ايدارشا ۆيروس وكپە قابىنۋ ىندەتىنە شالدىققان دياگنوزى تۇراقتانعانداردىڭ سانى 10149 ادامعا جەتكەن.

　　بوررەلدىڭ سول كۇنى اقپار جاريالاۋ جيىنىندا ايتۋىنشا، يتاليادا جاڭا تيپتى ايدارشا ۆيروس وكپە قابىنۋ ىندەتىنە شالدىققانى تۇراقتاندىرىلعان ناۋقاستاردىڭ سانى ءبىر كۇن بۇرىنعىدان 977 ادام ارتىپ، سول كۇنى جاڭادان ارتقان قازا بولعاندار سانى 168 ادام بولعان، جيىنى 631 ادام قازا بولعان، 1004 ادام ەمدەلىپ جازىلعان.

　　بوررەلدىڭ ايتۋىنشا، قازىر دياگنوزى تۇراقتانداردىڭ ىشىندە، 5038 ناۋقاس ەمحانادا ەمدەلۋدە، مۇندا 877 ادام سالماقتى ناۋقاستاردى كۇتىمدەۋ بولمەسىندە ەمدەلۋدە، 2599 ادام ۇيدە اۋاشالانۋدا.

　　بوررەلدىڭ ايتۋىنشا، قازىر قازا بولعانداردىڭ كوبى قارتتار، قازا بولعانداردىڭ %45ىنىڭ جاسى 80 جاستان 89 جاسقا دەيىنگى ارالىقتا، %14ى 90 جاستان جوعارى.

　　كەلۋ قاينارى: حالىق تورابى