دۇنيە جۇزىلىك دەنساۋلىق ساقتاۋ ۇيىمى: جۇڭگودان باسقا ەلدەردەگى جاڭا تيپتى ايدارشا ۆيرۋس وكپە قابىنۋىنا شالدىققاندار 32 مىڭ 778 ادامعا جەتتى

2020.03.11 17:27   كەلۋ قاينارى : حالىق تورابى

　　شينحۋا اگەنتتىگى، 3 - ايدىڭ 10 - كۇنى، بەيجيڭ (ءتىلشى ليۋ چۇي). دۇنيە جۇزىلىك دەنساۋلىق ساقتاۋ ۇيىمى 3 - ايدىڭ 10 - كۇنى جاريالاعان ەڭ جاڭا ساندى مالىمەتتە كورسەتىلۋىنشە، جۇڭگودان باسقا ەلدەردەگى جاڭا تيپتى ايدارشا ۆيرۋس وكپە قابىنۋىنا شالدىققاندار 32 مىڭ 778 ادامعا جەتكەن.

　　دۇنيە جۇزىلىك دەنساۋلىق ساقتاۋ ۇيىمىنىڭ ءار كۇنگى ىندەت جاعدايىنان جاساعان مالىمەتىندە كورسەتىلۋىنشە، ەۆروپانىڭ ورتا بولەك ۋاقىتى بويىنشا 3 - ايدىڭ 10 – كۇنى ساعات 10 عا (بەيجيڭ ۋاقىتى 3 - ايدىڭ 10 – كۇنى ساعات 17 گە) دەيىن جۇڭگودان باسقا ەلدەردەگى جاڭا تيپتى ايدارشا ۆيرۋس وكپە قابىنۋىنا شالدىققاندار ءبىر كۇن بۇرىنعىدان 4 مىڭ 105 ادام كوبەيىپ، 32 مىڭ 778 ادامعا جەتكەن؛ جۇڭگودان باسقا ەلدەردەگى قازا بولۋشىلار ءبىر كۇن بۇرىنعىدان 186 ادام كوبەيىپ، 872 ادامعا جەتكەن.بۇكىل دۇنيە ءجۇزى كولەمىندە جاڭا تيپتى ايدارشا ۆيرۋس وكپە قابىنۋىنا شالدىققاندار ءبىر كۇن بۇرىنعىدان 4 مىڭ 125 ادام كوبەيىپ، 113 مىڭ 702 ادامعا جەتكەن؛ قازا بولۋشىلار ءبىر كۇن بۇرىنعىدان 203 ادام كوبەيىپ، 4 مىڭ 12 ادامعا جەتكەن.

　　كەلۋ قاينارى: حالىق تورابى