- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«چين حوحو» ءوزىنىڭ ۇيرەنشىكتى قۋلىق-سۇمدىعىن باياندادى
توراپتاعى داقپىرتتىڭ سىرى
حالىق گازەتىنىڭ ءتىلشىسى حۋاڭ چيڭچاڭ
2013.08.22 15:54 كەلۋ قاينارى : حالىق تورابى
توراپتا وسەك-اياڭ، داقپىرت تاراتۋمەن «ەلگە تانىلىپ، اتى شىققان» «چين حوحونىڭ» قىلمىستىق ءىس بويىنشا قاماۋعا الىنعان حابارى اشىققا شىعىسىمەن قوعامنىڭ جاپپاي نازارىن اۋداردى. 21-تامىزدا ءتىلشى بەيجيڭ قالاسىنداعى بەلگىلى قاماقحاناعا بارىپ شىن اتى چين جىحۇي، توراپ اتى «چين حوحو» دەگەن اداممەن كەزىكتى.
شىندىقتى اسىرا ايتىپ، قايشىلىقتى شيەلەنىستىرۋ
«بارىنشا اسىرىپ ايتقاندا عانا، ەلدىڭ نازارىن اۋدارۋعا بولادى». بۇل «چين حوحونىڭ» وسەك-اياڭدى ويدان قيىستىرىپ تاراتۋداعى تاسىلدەرىنىڭ ءبىرى، ءارى ول جونىندەگى تۇسىنىگى.
«23-شىلدە» پويەز شىرعالاڭى تۋىلعاننان كەيىن، «چين حوحو» ميكروبلوگتا: پويەز شىرعالاڭىنان كەيىن، يتاليالىق جولاۋشىنىڭ تۋىستارى 30 ميلليون ەۆرو تولەم الدى دەپ جازادى. ــ ساقشى نە ءۇشىن مۇنداي قيسىنسىز وسەكتى ويدان قيىستىردىڭ دەپ سۇراعاندا:ــ «چين حوحو»: «سول كەزدە بىرەۋلەر 10 ميلليون ەۆرو دەپ جاز دەگەندە، مەن ولارعا، سانى وتە از بولسا ەشكىم ەلەمەيدى، بارىنشا اسىرىپ ايتقاندا عانا، باسقالاردىڭ نازارىن اۋدارۋعا بولادى»،-دەگەن ەدىم دەدى.
قيسىنسىزدى قيۋلاستىرىپ، سىنىقتان سىلتاۋ تابۋ
«چين حوحونىڭ» ويدان قۇراستىرعان وسەك-اياڭدارىنا كوز سالساق، ايگىلى ادامدارعا سوقتىققاندا ەڭ كوپ قولداناتىن ءادىسى كورىنگەندى كولدەنەڭ تارتىپ، سىنىقتان سىلتاۋ تابۋ، قاساقانا وسەك-اياڭ تاراتىپ، جات نيەتپەن باسقالارعا جالا جاۋىپ قارالاۋ، سول ارقىلى ەلگە تانىلىپ، بەدەلىن جوعارىلاتۋ ەكەن.
«چين حوحو» ءوزىنىڭ «اتىن شىعارۋ» ءۇشىن لەي فىڭنان كىر ىزدەگەن، «چين حوحونىڭ» ايتۋىنشا، ول لەي فىڭنىڭ جۇننەن تىگىلگەن قاپتال شاپانى مەن بىلعارى ساپتاما ەتىك كيگەن سۋرەتىن كورىپ، كيگەن كيىمىنىڭ قۇنىن مەجەلەپ، ادەيى 90 يۋان بولادى دەپ اسىرا مولشەرلەگەن. ول لەي فىڭنىڭ سول كەزدەگى ايلىق جاردەم اقشاسىنىڭ 6 يۋان ەكەنىن بىلگەننەن كەيىن، «ءبىر جىل ىشپەي-جەمەي جيعان كۇننىڭ وزىندە جيعان-تەرگەنى ۇستىندەگى كيىمگە جەتپەيدى» دەپ تۇجىرىم جاسايدى. بۇل وسەگى ەلدىڭ نازارىنا ىلىنگەننەن كەيىن، «چين حوحو» بۇرىنعىدان دا ەلىرىپ، جانە دە سۋرەتكە تالداۋ جاساۋ تاسىلىنەن پايدالانىپ، لەي فىڭنىڭ كوپتەگەن سۋرەتى ادەيى ماقساتپەن تارتىلعان دەي كەلىپ، لەي فىڭنىڭ تيىپتىك ۇلگىسىن مەملەكەت جاساعان دەپ تۇجىرىمدايدى. بۇل سوزدەر توراپتا تارالعان سوڭ قالىڭ توراپتاستاردىڭ كۇشتى نارازىلىعىن قوزعايدى.
قۇپتاعان بولىپ كۇدىك تۋدىرۋ، وسەككە تويتارىس بەرگەن بولىپ وسەك-اياڭ تاراتۋ
وسەك-اياڭعا تويتارىس بەرۋدى ءوتىنۋ تاسىلىمەن وسەك-اياڭ تاراتۋ، جۋىق جىلداردان بەرى توراپتا ۇنەمى كەزىگىپ جۇرگەن وسەك-اياڭ تاراتۋدىڭ ءبىر ءتۇرلى ءتاسىلى. ال «چين حوحو» بۇل ءتاسىلدى «كەمەلىنە جەتكىزىپ» ىستەتكەن.
جاڭ حايديدى كىنالاۋدا «چين حوحو» وسى ءتاسىلدى ىستەتىپ: «مىنا بىرنەشە سۇراۋعا جاۋاپ بەرىڭىزشى، قارىنداسىڭىز جاڭ حاييان اتىن نە ءۇشىن جاڭ نوۋي دەپ وزگەرتتى؟ شاندۇڭ رۇيسىن قۇرىلىس شەكتى جاۋاپكەرشىلىك سەرىكتىگىنىڭ باس جوراسى، ميلليارتەر جاڭ نوۋي، قازىر ءالى دە جۇڭگو ازاماتى ما؟ دەگەن. وسەك-اياڭ تاراتۋىنىڭ سەبەبىن سۇراعاندا، «چين حوحو»: مەنىڭ جاڭ حايديعا پىكىرىم جوق، ءبىراق كەيىنتىندە ونىڭ اۆتوكولىك جۇرگىزىپ بارا جاتقان سۋرەتىن كورگەننەن كەيىن، ءىستىڭ انىق-قانىعىن بىلگىم كەلدى، ءبىراق توراپتان جاڭ حايديعا قاتىستى ءمىن تاپپاعان سوڭ، ونىڭ قارىنداسىنان پالە ىزدەدىم دەگەن.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
