- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەرەكشە ترانسفورماتور سەرىكتەستىگى كورشىلەردى بايىتۋعا، كورشىلەردىڭ كوڭىلىن جاي تاپتىرۋعا، شينجياڭنىڭ ورنىقتىلىعىن ساقتاۋعا ۇلەس قوستى
2014.09.15 17:20 كەلۋ قاينارى : شينجياڭ گازەتى
13 - قىركۇيەكتە ەرەكشە ترانسفورماتور شەكتى سەرىكتەستىگى سالعان دۋشانبە 2 - ءنومىرلى جىلۋ ەلەكتر ستانسياسىنىڭ 1 - مەرزىمدىك قۇرىلىسىنىڭ سالىنىپ ءبىتىپ، ىسكە قوسىلۋ جانە 2 - مەرزىمدىك قۇرىلىسىنىڭ جۇمىس باستاۋ سالتى وتكىزىلدى.
سول كۇنى تۇستەن كەيىن دۋشانبە قالا ماڭىنداعى 2 - ءنومىرلى جىلۋ ەلەكتر ستانسياسىندا جۇڭگو مەن تاجىكستان ەلدەرىنىڭ مەملەكەت تۋلارى كوز تارتا جەلبىرەدى. تاجىكستاننىڭ ۇكىمەت ادامدارىنان، كاسىپورىن ۋاكىلدەرىنەن، ءار سالا ادامدارىنان جانە سول ماڭداعى جۇرتشىلىقتان 1200دەي ادام مەرەكەلىك كيىمدەرىن كيىپ، قولدارىنا جۇڭگو، تاجىكستان ەلدەرىنىڭ مەملەكەت تۋىنىڭ جالاۋشالارىن الىپ، مارە - سارە بەينەدە 300دەن استام قۇرىلىسشىمەن بىرگە وسىناۋ مەرەيلى ءساتتى تويلاۋعا جينالدى.
ەرەكشە ترانسفورماتور سەرىكتەستىگىنىڭ دۋشانبە 2 - ءنومىرلى جىلۋ ەلەكتر ستانسياسى ينجەنەرياسىنىڭ كومپلەكت نىسانىنا جۇڭگو، تاجىكستان ەلدەرى ۇكىمەتتەرى تىكەلەي قۋزاۋشىلىق ەتكەن. ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان وسى ينجەنەريا قۇرىلىسىن جوعارى ساپامەن، جوعارى ونىمدىلىكپەن حاۋىپسىز، ەگەي ەتىپ سالىپ شىعىپ، شينجياڭ ونىمدىلىگىن، شينجياڭ قابىلەتىن جانە شينجياڭ ۇلەسىن ايگىلەپ، ونى ىزگىلىك پەن دوستىقتىڭ ەلشىسى ەتىپ، مەملەكەتتىڭ كورشىلەردى بايىتۋىنا، كورشىلەردىڭ كوڭىلىن جاي تاپتىرۋىنا، شينجياڭ ورنىقتىلىعىن ساقتاۋىنا ۇلەس قوسۋدى تالاپ ەتكەن ەدى. 2 جىل قۇرىلىس جۇرگىزگەن جىلۋ ەلەكتر ستانسياسىنىڭ 1 - مەرزىمدىك ينجەنەرياسىنىڭ 2 گەنەراتور شوعىرى 13 - قىركۇيەكتەن باستاپ ەلەكتر جەلىسىنە قوسىلىپ، توك شىعارىپ، جىلۋ بەرە باستادى، 2 - مەرزىمدىك قۇرىلىس 2 جىلدان سوڭ اياقتايدى.
ستانسيانىڭ بۇكىل قۇرىلىسى ءبىتىپ، ىسكە قوسىلعان سوڭ، جىلىنا 2 ميلليارد 200 ميلليون كيلوۆات - ساعات توك شىعارىپ، سونىمەن بىرگە، 4 ميلليون 300 مىڭ شارشى مەتر اۋماققا جىلۋ بەرىپ، دۋشانبە ءوڭىرىنىڭ 4 ماۋسىمداعى ەلەكترمەن قامداۋىنا جانە قىس مەزگىلىندەگى جىلۋمەن قامداۋىنا سەنىمدى كەپىل بولا الادى. ستانسيا − تاجىكستاننىڭ ەكونوميكانى دامىتۋ، حالىق تۇرمىسىن جاقسارتۋداعى ماڭىزدى ينجەنەرياسى. 2006 - جىلدان باستاپ ەرەكشە ترانسفورماتور سەرىكتەستىگى تاجىكستان ءۇشىن 220 - 500 كيلوۆولتتىق وڭتۇستىك - سولتۇستىك ەنەرگيا ءىرى ارناسى سياقتى 6 ءىرى كەرنەۋ اۋىستىرىپ، ەلەكتر جەتكىزۋ ينجەنەرياسىن سالىپ، وسى ەلدىڭ دەربەس، كەمەلدى ەنەرگيا جۇيەسىن نەگىزىنەن قالىپتاستىرۋىنا مۇمكىندىك جاسادى.
جۇرت اراسىنداعى مانۋ دەگەن تاجىك جىگىتى تىلشىگە بىلاي دەدى: «ءۇيىم دۋشانبە قالا ماڭىنداعى كالەني دەگەن جەردىڭ قاسىنداعى تۇرعىندار اۋماعىندا، ەلەكتر جەتىسپەيتىندىكتەن، قىستا ىلعي توك توقتاپ قالادى، سوندىقتان امالسىزدان كوبىرەك بالاۋىز شام دايىنداپ قوياتىنبىز. قىستا ءبىر كوندەنتسيانورمەن جىلىنامىز، ءبارىمىز ءبىر بولمەگە قىسىلىپ جاتامىز، توك توقتاپ قالعاندا، وتىن جاعىپ جىلىنامىز. ەندى جاقسى بولدى، 2 - ءنومىرلى جىلۋ ەلەكتر ستانسياسى سالىنعان سوڭ، بۇكىل دۋشانبەنىڭ توگى مەن جىلۋىن قامداي الاتىن بولىپتى، دۋشانبە تۇرعىندارى ەندى توك دەپ، جىلۋ دەپ الاڭدامايتىن بولدى».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
