- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2016 – جىلى ىستەلەتىن 10 جۇمىس تۇرمىسىمىزعا ىقپال كورسەتەدى
قونىستانۋ كۋالىگى جونىندەگى ۋاقىتتىق ەرەجە اتقارىلىپ، ودان 170 ميلليون ادام يگىلىكتەنەدى
2015.12.24 15:47 كەلۋ قاينارى : حالىق تورابى
2015 – جىلى 26 – قاراشادا لي كىچياڭ زۇڭلي مەملەكەتتىك كەڭەستىڭ جارلىعىنا قول قويىپ، «قونىستانۋ كۋالىگى جونىندەگى ۋاقىتتىق ەرەجەنى» (تومەندە قىسقارتىلىپ «ەرەجە» دەلىنەدى) جاريالادى، بۇل ەرەجە 2016 – جىلى 1 – قاڭتاردان باستاپ اتقارىلادى
جاپپاي ەكى بالالى بولۋ ساياساتى جەر – جەردە تياناقتاندى، 90 ميلليون جۇپ ەرلى – زايىپتى شارتقا ۇيلەسەدى
2015 – جىلى 29 – قازاندا جابىلعان 18 – كەزەكتى بەسىنشى جالپى ماجىلىستە حابارلاندىرۋ جاريالانىپ، «ءبىر جۇپ ەرلى – زايىپتىنىڭ ەكى بالالى بولۋ ساياساتىن جاپپاي اتقارۋى» ورتاعا قويىلدى، بۇل كوپتىڭ قىزۋ تالقى تۇيىنىنە اينالدى.
«قازىرگى باسقىشتا، بۇكىل ەل بويىنشا جاپپاي ەكى بالالى بولۋ شارتىنا ۇيلەسەتىن ەرلى – زايىپتىلار 90 ميلليونعا تايايدى». مەملەكەتتىك دەنساۋلىق ساقتاۋ جانە جوسپارلى تۋىت كوميتەتىنىڭ ورىنباسار مەڭگەرۋشىسى ۋاڭ پەي – ان سۇراۋلارعا جاۋاپ بەرگەن وسىلاي دەدى، جاپپاي ەكى بالالى بولۋ ساياساتىنىڭ اتقارىلۋىمەن، بۇدان بىلايعى بىرنەشە جىلدا تۋىلاتىن سابيلەر حالىق سانىن ءمالىم دارەجەدە كوبەيتەتىن بولادى، ەڭ كوپ بولعان جىلدارى تۋىلعانداردىڭ سانىنىڭ 20 ميلليوننان اساتىندىعى مەجەلەنۋدە، بۇل ساياساتتى رەتتەۋدىڭ مەجەلى ىقپالى.
جالپى حالىقتى قامسىزداندىرۋعا قاتىناستىرۋعا تىزىمدەۋ بىرتىندەپ كەڭەيتىلەدى، 100 ميلليوننان استام ادام قامسىزداندىرۋعا قاتىناسۋدى كۇتۋدە
2014 – جىلى شىلدەدە ادام كۇشى بايلىعى جانە قوعامدىق قامتاماسىزداندىرۋ مينيسترلىگى جالپى حالىقتى قامسىزداندىرۋعا قاتىناسۋعا تىزىمدەۋ جوسپارىن جاريالادى. بۇل جوسپار زاڭ مەن ساياساتتىق بەلگىلەمە كولەمىندەگى بارلىق ادام ىستەتۋشى ورىندار مەن جەكەلەردىڭ قامسىزداندىرۋعا قاتىناسۋ جاعدايىن تۇبەگەيلى يەلەۋدى ماقسات ەتتى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى بەلگىلەگەن ۋاقىت كەستەسىنە نەگىزدەلگەندە، جالپى حالىقتى قامسىزداندىرۋعا قاتىناستىرۋ جوسپارى 2014 – جىلى ەلىمىزدىڭ ءىشىنارا وڭىرلەرىندە سىناق رەتىندە اتقارىلعان، 2015 – جىلى ٪50 اينالاسىنداعى وڭىرگە كەڭەيتىلدى، 2016 – جىل جانە 2017 – جىلدارى بۇكىل ەل كولەمىندە جاپپاي اتقارىلادى.
ۇكىمەتتىڭ زەينەتكە شىعۋ جاسىن كەشەۋىلدەتۋ جوباسىنىڭ «العاشقى نۇسقاسى» جاريالاندى
كوپتىڭ نازارىن اۋدارىپ وتىرعان زەينەتكە شىعۋ جاسىن كەشەۋىلدەتۋ جوباسىنىڭ العاشقى نۇسقاسى 2016 – جىلى جاريالانادى.
2015 – جىلى مەملەكەتتىڭ ەكى ءماجىلىسى كەزىندە، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى يىن ۋەيمين زەينەتكە شىعۋ جاسىن كەشەۋىلدەتۋ ۋاقىت كەستەسى جونىنەن اشكەرە جاۋاپ بەرىپ بىلاي دەدى: 2015 – جىلى جوبا – جوسپار بەلگىلەنەدى، 2016 – جىلى ۇسىنىلعان جوبا ورتالىقتىڭ ماقۇلداۋىنان وتكەننەن كەيىن قوعامنان پىكىر قابىلدانادى ءارى قابىلدانعان پىكىردىڭ جاعدايىنا قاراي وزگەرىس ەنگىزىلىپ كەمەلدەندىرىلەدى، بۇل جوبا 2017 – جىلى رەسمي اتقارىلادى.
مۇگەدەكتەرگە ارناۋلى يگىلىك قوسىمشا قاراجاتىن بەرۋ ءتۇزىمى جاسالدى، بۇدان 20 ميلليون ادام يگىلىكتەنەدى2015 – جىلى قىركۇيەكتە لي كىچياڭ زۇڭليدىڭ قول قويىپ بەكىتۋ سالۋىمەن، مەملەكەتتىك كەڭەس «قيىنشىلىعى بار مۇگەدەكتەرگە تۇرمىستىق تولىقتاما بەرۋ مەن سالماقتى مۇگەدەكتەرگە كۇتىمدەۋ تولىقتاما قاراجاتىن بەرۋ ءتۇزىمىن جاپپاي بەلگىلەۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتىپ، 2016 – جىلى 1 – قاڭتاردان باستاپ قيىنشىلىعى بار مۇگەدەكتەرگە تۇرمىستىق تولىقتاما بەرۋ مەن سالماقتى مۇگەدەكتەرگە كۇتىمدەۋ تولىقتاما قاراجاتىن بەرۋ ءتۇزىمىن جاپپاي اتقارۋدى بەلگىلەدى.
اۋا ساپاسى ولشەمىنىڭ جاڭا بەلگىلەمەسى بۇكىل ەلدىڭ ءارقايسى جەرلەرىندە اتقارىلادى
2012 – جىلى ەكولوگيالىق ورتانى قورعاۋ مينيسترلىگى مەن مەملەكەتتىك ساپا باقىلاۋ – تەكسەرۋ – كارانتيندەۋ باس مەكەمەسى بىرلەسىپ، مەملەكەتتىڭ ورتا ساپاسى ولشەمى «ورتا اۋا ساپاسىنىڭ ولشەمىن» جاريالادى. قاتىستى زاڭ – ەرەجەلەردىڭ بەلگىلەمەسىنە نەگىزدەلگەندە، بۇل ولشەمنىڭ زورلىقپەن اتقارۋ سيپاتى بار بولىپ 2016 – جىلى 1 – قاڭتاردان باستاپ بۇكىل ەل كولەمىندە اتقارىلادى.
شاڭحاي – كۇنميڭ جوعارى قارقىندى تەمىر جولى تۇتاستىرىلىپ، شىعىس بولەك پەن باتىس بولەكتىڭ جاعىراپيالىق ارالىعى قىسقارتىلدى
2015 – جىلى 17 – جەلتوقساندا جۇڭگو تەمىر جول قۇرىلىسى 20 – مەكەمەسىنىڭ 5 جىل 2 اي قاجىرلى شايقاس جۇرگىزۋىمەن شاڭحاي – كۇنميڭ جوعارى قارقىندى تەمىر جولىنىڭ ەڭ سوڭعى وتكەلەگى ــ گاڭ – ۋ وتكەلەگى ءساتتى تۇتاستىرىلدى.
شىعىستا شاڭحايدان باستالىپ، باتىستا كۇنميڭگە تۇتاساتىن شاڭحاي – كۇنميڭ جوعارى قارقىندى تەمىر جولى مەملەكەتتىڭ «ورتا، ۇزاق مەزگىلدەگى تەمىر جول تورابى جوسپارىنداعى» <توعىز جولدىڭ تورابىنا اينالعان> تەز قارقىندى جولاۋشى تاسىمال لەنيالارىنىڭ ءبىرى بولىپ، شاڭحاي، حاڭجوۋ، نانچاڭ، چاڭشا، گۇيياڭ، كۇنميڭ سىندى 6 ولكەنىڭ ورتالىق قالالارىن جانە توتە قاراستى قالانى كەسىپ وتەدى، جالپى ۇزىندىعى 2 مىڭ 264 كيلومەتر.
شوفەرلىك ەمتيحان رەفورماسى سىناق ەتىلەدى، ءىشىنارا شوفەرلاردىڭ دەربەس ۇيرەنىپ، ەمتيحانعا دەربەس قاتىناسۋىنا بولادى
2015 – جىلى جەلتوقساندا، مەملەكەتتىك كەڭەستىڭ كەڭسە مەڭگەرمەسى قوعام حاۋىپسىزدىگى مينيسترلىگى مەن قاتىناس – تاسىمال مينيسترلىگىنىڭ «ماتورلى كولىك شوفەرلارىن تاربيەلەۋ، ەمتيحان الۋ ءتۇزىمى رەفورماسىن ىلگەرىلەتۋ جونىندەگى پىكىرىن» (تومەندە قىسقارتىلىپ «پىكىر» دەلىنەدى) كوشىرىپ تاراتتى. ورنالاستىرۋعا ساي، 2016 – جىلدىڭ العاشقى جارتى جىلىندا، ءىرى ىستەردىڭ رەفورماسى سىناق ءتۇيىنى رەتىندە باستالادى.
جىلجىمايتىن مۇلىكتى ءبىر تۇتاس تىزىمدەۋ ءتۇزىمى جاپپاي اتقارىلادى
2014 – جىلى ساۋىردە مەملەكەت جەر بايلىعى مينيسترلىگى جەر تاۋەلدىلىگىن باسقارۋ مەڭگەرمەسىنىڭ (جىلجىمايتىن مۇلىكتى تىزىمدەۋ مەكەمەسى) قاتىستى جاۋاپتىسى بىلاي دەدى: 2014 – جىلدان باستاپ نەگىزدىك ءتۇزىم قۇرىلىسى ارقىلى، وتپەلى كەزەڭدەر بىرتىندەپ جىمداستىرىلىپ، ءبىر تۇتاس ارناعا ءتۇسىرىلىپ اتقارىلىپ، 3 جىل اينالاسىندا جىلجىمايتىن مۇلىكتى ءبىر تۇتاس تىزىمدەۋ ءتۇزىمى جاپپاي اتقارىلاتىن بولادى.
كوپ ساندى قالالار ازاماتتىق كۋالىكتى باسقا جەرلەردە دە الۋعا بولاتىندىعىن ءبىلدىردى
2015 – جىلى 8 – ماۋسىمدا مەملەكەتتىك ىستەر القاسى، قوعام حاۋىپسىزدىگى مينيسترلىگىنىڭ مينيسترى گو شىڭكۇن تۇرعىنداردىڭ ازاماتتىق كۋالىكتى باسقا جەردە الۋ، جوعالعاندىعىن مالىمدەۋ جانە جوعالتىپ الىپ قايتادان جاساتۋ ءتۇزىمىنىڭ جەدەلدەتىلىپ بەلگىلەنەتىندىگىن ءبىلدىردى.
ەكى ايدان كەيىن، ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 15 – رەتكى ماجىلىسىندە، « ازاماتتىق كۋالىكتى باسقا جەردە الۋ، جوعالعاندىعىن مالىمدەۋ جانە جوعالتىپ الىپ قايتادان جاساتۋ ءتۇزىمىن جاساۋ جونىندەگى پىكىرى» قاراۋدان ءوتىپ ماقۇلداندى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
