مەملەكەتتىك 13 – كەزەكتى حالىق قۇرىلتايىنىڭ 1 – ءماجىلىسى جالپى 325 كەڭەستىك جوبا تاپسىرىپ الدى
2018.03.17 14:50 كەلۋ قاينارى : حالىق تورابى
«حالىق گازەتى»، 16 – ناۋرىز، بەيجيڭ (ءتىلشى جاڭ ياڭ). ءتىلشىنىڭ مەملەكەتتىك 13 – كەزەكتى حالىق قۇرىلتايى 1 – ءماجىلىسىنىڭ حاتشىلار باسقارماسى كەڭەستىك جوبا گرۋپپاسىنان ۇعىسۋىنشا، ءماجىلىس ءتوراعالار القاسى بەلگىلەگەن ۋاكىلدەردىڭ كەڭەستىك جوبا تاپسىرۋ ۋاقىتى اياقتالعانعا دەيىن ءماجىلىسى حاتشىلار باسقارماسىنىڭ كەڭەستىك جوبا گرۋپپاسى ۋاكىلدەردىڭ جالپى 325 كەڭەستىك جوباسىن تاپسىرىپ العان. مۇنىڭ ىشىندە ۋاكىلدەر ۇيىرمەلەرى ۇسىنعان كەڭەستىك جوبا 12، ۋاكىلدەر بىرىگىپ ۇسىنعان كەڭەستىك جوبا 313.
مەملەكەتتىك 13 – كەزەكتى حالىق قۇرىلتايى 1 – ءماجىلىسى حاتشىلار باسقارماسى كەڭەستىك جوبا گرۋپپاسىنىڭ باستىعى گو جىنحۋانىڭ تانىستىرۋىنشا، ۋاكىلدەر ۇسىنعان 322 كەڭەستىك جوبا زاڭ شىعارۋعا سايادى ەكەن. مازمۇنى باستىسى مىناداي بىرنەشە جاققا شوعىرلانعان: ءبىرىنشى، مەملەكەتتىڭ باقىلاۋ – تەكسەرۋ ءتۇزىلىس رەفورماسى مەن مەملەكەت قۇرىلىمدارى رەفورماسىن ىشكەرىلەي جۇرگىزۋدىڭ قاجەتىنە سايكەسۋ تۇرعىسىنان جەرگىلىكتى ورىنداردىڭ ۇيىمدىق زاڭىنا، حالىق سوتىنىڭ ۇيىمدىق زاڭىنا، حالىق پروكۋراتۋراسىنىڭ ۇيىمدىق زاڭىنا جانە قىلمىستىق ىستەر ارىز – شاعىم زاڭى سياقتى زاڭدارعا وزگەرىس ەنگىزۋ ورتاعا قويىلعان؛ ەكىنشى، وسىزاماندانعان شارۋاشىلىق جۇيەسىن قۇرۋدىڭ قاجەتىنە سايكەسۋ تۇرعىسىنان ازاماتتىق ىستەر زاڭ جيناعىنىڭ ءارقايسى ءبولىمىن قۇراستىرۋ، ساۋدا زاڭى ەرەجەلەرى، ەلەكتروندى ساۋدا زاڭى، ساپانى جەبەۋ زاڭى، قوعامدىق سەنىمدىلىك زاڭى سياقتىلاردى جاساۋ ورتاعا قويىلعان؛ ءۇشىنشى، حالىق تۇرمىسىن شىنايى قامتاماسىزداندىرۋ، جاقسارتۋ، قوعامدى جونگە سالۋدى كۇشەيتۋ جانە وندا جاڭالىق جاراتۋ تۇرعىسىنان قارتتاردىڭ ۇقىق – مۇددەسىن قامتاماسىزداندىرۋ زاڭى، ايەلدەردىڭ ۇقىق – مۇددەسىن قامتاماسىزداندىرۋ زاڭى، كاسىپتىك اعارتۋ زاڭى، جول – قاتىناس حاۋىپسىزدىگى زاڭى، ءدارى – دارمەك باسقارۋ زاڭى سياقتىلارعا وزگەرىس ەنگىزۋ ورتاعا قويىلعان؛ ءتورتىنشى، مادەنيەت ىستەرى مەن مادەنيەت كاسىبىن دامىتۋ، سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ تۇرعىسىنان مادەنيەت كاسىبىنىڭ دامۋىن ىلگەرىلەتۋ، قوعامدىق وركەنيەت قيمىلىن جەبەۋ، ءداستۇرلى قىستاقتاردى قورعاۋدى كۇشەيتۋ جاقتارىنان قاتىستى زاڭداردى شىعارۋ ورتاعا قويىلعان؛ بەسىنشى، ەكولوگيالىق وركەنيەت قۇرىلىسىن كۇشەيتۋ، كورنەكتى ورتا ماسەلەلەرىن شەشۋدى ىلگەرىلەتۋ تۇرعىسىنان ورمان زاڭىنا، جابايى حايۋاناتتاردى قورعاۋ زاڭىنا، قاتتى جاراقسىز زاتىڭ ورتانى لاستاۋىنان ساقتانۋ جانە سول سياقتىلارعا قاتىستى زاڭدارعا وزگەرىس ەنگىزۋ ورتاعا قويىلعان.
ءتىلشىنىڭ ۇعىسۋىنشا، ءماجىلىس حاتشىلار باسقارماسى تاعى ۋاكىلدەردىڭ 7100 پارشادان استام ۇسىنىسىن تاپسىرىپ العان. بۇل ۇسىنىستاردا مىناداي ماسەلەلەرگە باسا نازار اۋدارىلعان: قامداۋ تۇرىندەگى قۇرىلىمدىق رەفورمانى ىلگەرىلەتۋ، وڭىرلەردىڭ سايكەستى دامۋىن جەبەۋ، كەدەيلىكتەن ءدال ارىلتۋ تەبىنىن نىعايتۋ، بايلىقتى، ەكولوگيالىق ورتانى قورعاۋدى جانە لاستاۋدى جونگە سالۋدى كۇشەيتۋ، اۋىل – قىستاقتى كوركەيتۋ ستراتەگياسىن اتقارۋ، «ءبىر بەلدەۋ، ءبىر جول» قۇرىلىسىن ىلگەرىلەتۋ، ەمدەۋ، وقۋ – اعارتۋ رەفورماسىن ىشكەرىلەي جۇرگىزۋ، حالىق تۇرمىسىن قامتاماسىزداندىرۋ جانە جاقسارتۋ، ت. ب.گو جىنحۋا بىلاي دەدى: زاڭداعى قاتىستى بەلگىلەمەلەر بويىنشا ءماجىلىستىڭ حاتشىلار باسقارماسى ۋاكىلدەردىڭ كەڭەستىك جوبالارىن ءبىر – بىرلەپ رەتتەۋدە، الدا اقىلداسىپ باستاپقى ءبىر جاقتى ەتۋ پىكىرىن ورتاعا قويادى، ءتارتىپ بويىنشا ءماجىلىس ءتوراعالار القاسىنىڭ قاراۋىنا ۇسىنادى. ۋاكىلدەر ورتاعا قويعان ۇسىنىستى مەملەكەتتىك حالىق قۇرىتلايى تۇراقتى كوميتەتىنىڭ كەڭسەسى قاتىستى جاقتارمەن بىرگە مۇقيات تالداپ، ماجىلىستەن كەيىن قاتىستى ورگانداردىڭ، ۇيىمداردىڭ زەرتتەپ شەشۋىنە تاپسىرادى، بارلىعىنىڭ تياناقتانۋىنا، بارلىعىنا جاۋاپ قايتارىلۋىنا قۇلشىنىپ، حالىق قۇرىلتايى ۋاكىلدەرى، حالىق بۇقاراسى جاپپاي نازار اۋدارىپ وتىرعان ماسەلەلەردىڭ شەشىلۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
