بەيجيڭ، تيانجين، حىبەيدىڭ جانە ونىڭ توڭىرەگىنىڭ اتموسفەراسىنىڭ لاستانۋىن جونگە سالۋ جۇيەلىلىككە بەت الدى
قول ۇستاسىپ سەلبەسىپ، كوك اسپاندى قورعادى (شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە ــ جاڭا ءداۋىر، تىڭ قيمىل، سونى تابىس)
«حالىق گازەتىنىڭ» ءتىلشىسى سۇن شيۋيۋان
2018.05.25 16:20 كەلۋ قاينارى : حالىق تورابى
23 – مامىردا ەكولوگيالىق ورتا مينيسترلىگى جاريالاعان ورتانى باقىلاۋ – ولشەۋ ساندى مالىمەتىندە كورسەتىلۋىنشە، بيىل قاڭتاردان ساۋىرگە دەيىن بەيجيڭ، تيانجين، حىبەي وڭىرلەرىندە PM2.5 تىڭ قويلۋىعى تەكشە مەترىنە 69 ميكرو گرام بولىپ، وتكەن جىلدىڭ ۇقساس مەزگىلىندەگىدەن %18.8 تومەندەگەن؛ PM10 نىڭ قويۋلىعى تەكشە مەترىنە 122 ميكرو گرام بولىپ، وتكەن جىلدىڭ ۇقساس مەزگىلىندەگىدەن %12.9 تومەندەگەن. ءۇرتىس جاقسارۋ وسى ءوڭىردىڭ اۋا ساپاسىنداعى نەگىزگى ريتىمگە اينالعان.
جونگە سالىناتىن ماڭىزدى تۇيىندەر ايقىندالىپ، باسقارۋ كۇن سايىن جۇيەلىلەندى
ونەركاسىپ، وتىندىق كومىر، موتورلى كولىكتەردىڭ جاراقسىز گازداردى ىعىستىرۋى بەيجيڭ، تيانجين، حىبەيدىڭ جانە ونىڭ توڭىرەگىنىڭ اتموسفەراسىنىڭ لاستانۋىنداعى باستى قاينار سانالادى، الايدا جەر – جەردىڭ ناقتى جاعدايىندا پارىق بار. «اتموسفەرانى جونگە سالۋداعى 10 تارماقتى ەرەجە» اتقارىلعان 5 جىلعا تاياۋ ۋاقىتتا بەيجيڭ، تيانجين، حىبەيدىڭ جانە ونىڭ توڭىرەگىنىڭ اتموسفەراسىنىڭ لاستانۋىن جونگە سالۋدا جۇيەلىلەندىرۋ وزگەرىسى جارىققا شىقتى.
بىلتىر ورتالىق 700 ميلليون يۋان قازىنا قارجىسىن ءبولىپ، اتموسفەرانىڭ اۋىر دارەجەدە لاستانۋىنىڭ سەبەبىن انىقتاۋ جانە ونى جونگە سالۋدان قامال ارناۋلى نىسانىن باستاپ، 28 گرۋپپا ۇيىمداستىرىپ، ولاردى 28 قالاعا جىبەرىپ، قاداعالاي زەرتتەۋ ىستەرىن ورىستەتتى، بۇل گرۋپپالار ماسەلەنى شەشۋ جوباسىن جاساپ، جەر – جەردىڭ توزاڭدى اۋا رايىن جونگە سالۋىنا پارمەندى كومەك بەردى. جەر – جەر دە وزدەرىنىڭ ەرەكشەلىگىنە نەگىزدەلىپ جونگە سالۋداعى ماڭىزدى تۇيىندەردى ايقىندادى.
بەيجيڭ تاياۋدا جاريالاعان PM2.5 تىڭ قاينارى جونىندەگى قورىتىندىسىندا كورسەتىلۋىنشە، تۇتاس جىلدا PM2.5 تىڭ باستى كەلۋ قاينارىندا وسى جەردەن ىعىستىرىلعاندارى ۇشتەن ەكى ۇلەستى قۇراعان، ال وسى جەردىڭ اتموسفەراسىنداعى PM2.5 تىڭ باستى كەلۋ قاينارىندا موتورلى كولىك قاتارلى جىلجىمالى بىلعانىش قاينارى %45 كە جەتكەن.
اتموسفەرانىڭ لاستانۋىنداعى قازىرگى جاعدايعا قاراتا بەيجيڭ قالاسى بىلعانىشتى ىعىستىرۋى جوعارى اۆتوموبيلدەردى جونگە سالۋدى ەڭ ءتۇيىندى ورىنعا قويدى ءارى تومەن ىعىستىرىم رايونىن 6 – ايلانبادان تۇتاس قالا وڭىرىنە كەڭەيتتى، سونداي – اق اۋىر تيپتەگى ديزەل موتورلارىن قاتاردان شىعارۋدى تەزدەتتى.
بەيجيڭ قالاسى 20 – ساۋىردەن باستاپ اۋىر تيپتەگى ديزەل موتورلى اۆتوموبيلدەردى جابىق باسقارۋ مەحانيزمىن اتقارىپ، ولشەمنەن اسىرا ىعىستىراتىن اۆتوموبيلدەردىڭ بەيجيڭ قالاسىنا كىرۋىنە جول بەرمەدى. ءساۋىردىڭ سوڭىنا دەيىن 10 مىڭنان استام جۇك اۆتوموبيلى بەيجيڭگە كىرۋ جولحاتىن ءبىتىردى، ناق مايداندا كۋالىكسىز 62 اۆتوموبيلدى ۇستاپ قالدى.
حىبەيدە بىتىراڭقى، الباتى، بىلعانىشى كوپ كاسىپورىندار اتموسفەرانىڭ ساپاسىنا زيان جەتكىزەتىن باستى قاتەر بولىپ كەلگەن ەدى. وسىنداي جاعدايدا ولكەلىك پارتكوم مەن ۇكىمەت حىبەي ولكەلىك كليماتتىڭ لاستانۋىن جونگە سالۋ قىزمەتى باسشىلىق گرۋپپاسى كەڭسەسىنەن جەر – جەردە قايتالاي تەكسەرۋ، اداقتاۋ، جونگە سالۋ قىزمەتىن ورىستەتۋدى، قالتارىس ورىن قالدىرماۋدى، ۇستىنەن ءارى تۇبىرىنەن وڭاۋدى، ماسەلەنى تۇبەگەيلى شەشۋدى تالاپ ەتتى.
«تيانجين − ءداستۇرلى ونەركاسىپ قالاسى، ەنەرگيا قۇرىلىمى نەگىزىنەن كومىرگە سۇيەنەدى، قىستا كومىر قاجەتسىنۋى ءتىپتى دە ارتا تۇسەدى، سوندىقتان كومىردى تازارتىپ پايدالانۋ اتموسفەرانى تازارتۋداعى ماڭىزدى مىندەت سانالادى». تيانجين قالالىق ورتانى قورعاۋ مەكەمەسىنىڭ باستىعى ۋىن ۋ – رۇي بىلاي دەدى: 2017 – جىلى تيانجين قالاسى مەملەكەت تۇسىرگەن جىلۋمەن قامداۋدا تازا ەنەرگياعا سۇيەنۋ مىندەتىن اسىرا ورىندادى، بيىل جىلۋمەن قامداۋدا اۋا تازالىعىن الدىڭعى ورىنعا قويىپ، «كومىردىڭ ورنىنا گازبەن جىلىنۋ» مىندەتىن تولىقتاي ورىنداۋعا قۇلشىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
