جەكەلەردەن باجى الۋدىڭ شەگى ايىنا 3500 يۋاننان ايىنا 5000 يۋانعا جوعارىلاتىلماق
مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 3 - ءماجىلىسى كوپتەگەن زاڭ جوباسىن قارادى
جەكەلەردىڭ تابىس باجىسى زاڭىنا وزگەرىس ەنگىزۋ جوباسى العاش قارالدى
2018.06.20 15:21 كەلۋ قاينارى : حالىق تورابى
«حالىق گازەتى»، 19 – ماۋسىم، بەيجيڭ (ءتىلشى پىڭ بو). 19 – ماۋسىمدا مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 3 – ءماجىلىسى «جۇڭحۋا حالىق رەسپۋبليكاسىنىڭ جەكەلەر تابىس باجىسى زاڭىنا وزگەرىس ەنگىزۋ جوباسىن (جوبا نۇسقاسى)» قارادى. قازىنا مينيسترى ليۋ كۇن تۇسىنىك جاساعاندا بىلاي دەدى: جوبادا حالىق بۇقاراسىنىڭ تۇتىنۋ شىعىس ورەسىنىڭ ارتۋى سياقتى ءار جاقتاعى فاكتورلار جان – جاقتى ەسكەرىلدى، الدا ەڭبەكاقى، جۇمىس اقىسى، قالاماقى سياقتى تابىستاردىڭ نەگىزدىك قاراجاتتى شىعارىپ تاستاۋ ولشەمى ايىنا 5000 يۋانعا (جىلىنا 60 مىڭ يۋانعا) جوعارىلاتىلادى. وسى ولشەم بويىنشا جانە باجى سالىستىرماسى قۇرىلىمىن رەتتەۋمەن ۇشتاستىرىپ ەسەپتەۋ نەگىزىندە ەڭبەكاقى، جۇمىس اقىسى سياقتى جالپىلىق تابىسقا قول جەتكىزگەن باجى تاپسىرۋشىلاردىڭ باجى اۋىرتپالىعى جالپى جاقتان تۇرلىشە دارەجەدە تومەندەيدى، اسىرەسە، ورتاشادان تومەن كىرىس الاتىن بۇقارالىق توپتىڭ باجى اۋىرتپالىعى كورنەكتى تومەندەيدى، بۇل تۇرعىنداردىڭ كىرىسىن ارتتىرۋعا، تۇتىنۋ قۋاتىن جوعارىلاتۋعا ءتيىمدى.
جوبادا باجى تاپسىرۋشىلارعا قاتىستى بەلگىلەمە كەمەلدەندى، حالىقارالىق داعدىلى ەرەجەلەردى ۇلگى ەتۋ نەگىزىندە تۇرعىن جەكەلەر جانە تۇرعىن ەمەس جەكەلەر ۇعىمى ايقىن ەنگىزىلدى، مۇنى ايىرۋدىڭ ولشەمى جۇڭگو شەكاراسى ىشىندە تۇرعان ۋاقىتى بويىنشا ەسەپتەلىپ، قازىر اتقارىلىپ وتىرعان ءبىر جىلعا تولدى ما، جوق پا دەگەن ۋاقىت شەگى 183 كۇنگە تولدى ما، جوق پا دەگەنگە وزگەرتىلىپ، باجى كىرىسىن باسقارۋ ۇقىعىن اناعۇرلىم ويداعىداي جۇرگىزۋگە مۇمكىندىك جاراتىلىپ، مەملەكەتتىڭ باجى كىرىسى ۇقىعى قورعالدى.
قازىر اتقارىلىپ وتىرعان جەكەلەر تابىس باجىسى زاڭىندا تۇرگە ءبولىپ باجى جيناۋ ءتاسىلى قولدانىلعان، ول بويىنشا باجى تاپسىرۋعا ءتيىستى تابىس 11 تۇرگە بولىنەدى، تۇرلىشە باجى الۋ ءادىسى اتقارىلادى. جوبادا قازىرگى جيناۋ – باسقارۋ قۋاتى جانە قۇرىلعى شارت – جاعدايى سياقتى ناقتى جاعدايمەن ۇشتاستىرۋ نەگىزىندە ەڭبەكاقى، جۇمىس اقىسى، قالاماقى، ەرەكشە رۇقسات ەتىلگەن ۇقىعىن پايدالانۋعا بەرۋ اقىسى سىندى 4 ءتۇرلى ەڭبەك سيپاتىنداعى تابىس (تومەندە جالپىلىق تابىس دەپ اتالادى) جالپىلىق باجى جيناۋ كولەمىنە ەنگىزىلەدى، نورمادان اسقان ءبىر تۇتاس جيىنتىق باجى شاماسى قولدانىلىپ، قازىر اتقارىلىپ وتىرعان ەڭبەكاقى، جۇمىس اقىسى تابىس باجىسىنىڭ شاماسى نەگىزىندە باجى تاپسىرۋعا ءتيىستى تابىس سوماسى اي سايىن ەسەپتەلەدى ءارى ءىشىنارا باجى شاماسى دارەجە ارالىعى ساپالىلاندىرۋ نەگىزىندە رەتتەلەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
